Azərbaycanda məmur qəza törətdi — Həyat yoldaşı öldü, özü yaralandı

Azərbaycanda məmur qəza törətdi
14:24
08.12.2019
1459
Hadisə
A
Cəlilabad rayonunda ağır yol qəzası baş verib.

"Ölkə.Az" "Report"a istinadən xəbər verir ki, hadisə Cəlilabad-Bayxanlı yolunda qeydə alınıb.

Rayonun Adnalı kənd sakini Şirəliyev Məmmədbağır Məhəmmədhüseyn oğlunun idarə etdiyi "Niva" markalı avtomobil idarəetmədən çıxaraq yolun kənarına aşıb.

Qəza nəticəsində sürücü və onun həyat yoldaşı, 1975-ci il təvəllüdlü Xuraman Şirəliyeva müxtəlif bədən xəsarətləri alıb. Yaralılar xəstəxanaya çatdırılıb. X.Şirəliyeva aldığı xəsarətlərdən xəstəxanada dünyasını dəyişib.

Məlumata görə, sürücü M.Şirəliyev Cəlilabad rayonu Adnalı kəndinin icra nümayəndəsi vəzifəsində çalışır.

Faktla bağlı araşdırma aparılır.

ŞƏRH YAZ
0

Sumqayıtda tragikomik qəza – Təcili yardım sürücüləri zəncirvari qəza törətdilər — VİDEO

Sumqayıtda tragikomik qəza – Təcili yardım sürücüləri zəncirvari qəza törətdilər
11:15
Bu gün
680
Hadisə
A
Sumqayıt şəhər Təcili və Təxirəsalınmaz Tibbi Yardım Stansiyasının avtomobili minik maşını ilə toqquşub.

"Ölkə.Az" Xəzər TV-yə istinadən xəbər verir ki, yaralıları daşımağa gələn digər təcili yardım avtomobilinin əyləc sistemi nasaz olduğundan o da qəza törədən maşınlara çırpılıb.

Hadisə yerinə çağırılan digər təcili yarıdm avtomobili isə qarşıdan gələn “Mercedes” markalı minik maşını ilə toqquşub.
Ümumilikdə 5 avtomobilin toqquşduğu qəzada 7 nəfər xəsarət alıb.

Onlardan 6 nəfəri Sumqayıt şəhər Təcili Yardım Stansiyasının həkimləridir.

Yaralılar xəstəxanaya yerləşdiriliblər.

ŞƏRH YAZ
0

Azərbaycanda 35 yaşlı qadın qidadan zəhərlənib öldü

Azərbaycanda 35 yaşlı qadın qidadan zəhərlənib öldü
11:01
Bu gün
514
Hadisə
A
Naftalan sakini qidadan zəhərlənərək ölüb.

"Ölkə.Az" APA-ya istinadən xəbər verir ki, 1985-ci il təvəllüdlü Naftalan şəhər sakini Xəyalə İsmayılova ağır vəziyyətdə xəstəxanaya yerləşdirilib.

İlkin məlumata görə, X.İsmayılova kolbasadan zəhərlənib.

Həkimlərin səyinə baxmayaraq, onun həyatını xilas etmək mümkün olmayıb. 

Faktla bağlı araşdırma aparılır.

ŞƏRH YAZ
0
BAĞLA