Azərbaycanda ödəniş kartlarının dövriyyəsi artmaqda davam edir

Azərbaycanda ödəniş kartlarının dövriyyəsi artmaqda davam edir
23:06
10.07.2019
1282
İqtisadiyyat
A
2019-cu ilin mayında Azərbaycanda bankomatlar və POS-terminallar vasitəsilə ödəmə kartlarının dövriyyəsi 1,96 milyard manat təşkil edib ki, bu da 2018-ci ilin eyni göstəricisindən 32,6 faiz çoxdur.

"Ölkə.Az"  məlumatına görə, bu barədə Azərbaycan Mərkəzi Bankının (AMB) məlumatında deyilir.

Hesabat dövründə ödəmə kartları ilə ölkə daxilində 1,961 milyard manat həcmində 12,498 milyon əməliyyat (artım 26,2 faiz), o cümlədən ölkə xaricində 109 milyon manat məbləğində 1,209 min əməliyyat aparılıb.

Debet kart əməliyyatlarının sayı (ölkədaxili və ölkədənkənar) 1,82 milyard manat məbləğində 11,11 milyon əməliyyat təşkil edib.

Kredit kartlarında (ölkə daxilində və xaricdə) 2019-cu ilin may ayında bank müştəriləri 139 milyon manat məbləğində 1,38 milyon əməliyyat həyata keçiriblər. Ölkənin bankomatlarından istifadə edərək 59 milyon manat dəyərində 329 min əməliyyat, 29 milyon manat dəyərində 476 min əməliyyat isə POS-terminallar vasitəsilə aparılıb.

2019-cu ilin may ayının sonuna qədər ödəniş kartlarının sayı keçən ilin eyni dövrünə nisbətən 14,7 faiz artaraq 6.97 milyona yüksəlib.

Kartların əksəriyyəti - 6,161 milyonu debet kartlarıdır, xüsusilə sosial sahəyə 2,587 milyon, əməkhaqqı kartlarına 2,124 milyon, digərlərinə isə 1,45 milyon kart daxildir. Bu müddət ərzində kredit kartlarının sayı 806 min təşkil edib.

1 iyun 2019-cu il tarixinə ölkədə 2,568 bankomat fəaliyyət göstərib, onlardan 1376-ı Bakıda, 1192-i isə digər şəhər və rayonlarda fəaliyyət göstərib. 2019-cu ildən etibarən bankomatların ümumi sayı 66 ədəd və ya 2,64 faiz artıb.

Ölkədə POS-terminalların sayı isə 66 426 ədəd təşkil edib, onlardan 41 035-i Bakıda, 25 391-i isə digər şəhər və rayonlarda quraşdırılıb. 2019-cu ilin əvvəlindən Azərbaycanda POS-terminalların sayı 316 ədəd, yaxud 0,48 faiz artıb.

2019-cu ilin may ayı ərzində Azərbaycanda 1000 nəfərə 3,9 bankomat və 0,15 POS-terminal düşüb.

Apreldə bir bankomat üçün orta hesabla 549 507 manat həcmində 23 153 əməliyyat aparılıb. ATM üzrə bir əməliyyat həcmi 237,3 manat təşkil edib.

Həmin dövrdə bir POS-terminalda 2 923,3 manat məbləğində orta hesabla 29,1 əməliyyat aparılıb. POS-terminalda bir əməliyyatın həcmi 100,6 manat təşkil edib.

2019-cu il iyulun 10-a olan rəsmi məzənnə 1,7 AZN / USD təşkil edir.

Ölkə.Az

ŞƏRH YAZ
0

Dolların sabaha olan MƏZƏNNƏSİ

Dolların sabaha olan MƏZƏNNƏSİ
18:27
16.07.2019
2143
İqtisadiyyat
A
İyulun 17-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 17.07.2019-cu il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2019-cu il iyulun 16-da da USD/AZN rəsmi məzənnəsi 1,7000 manat təşkil edib.

Ölkə.Az

ŞƏRH YAZ
0

Gəlinliyi geyindinsə, pulunu ödəməlisən — BAKIDAKI BU SALONLARDA QAYDA BELƏDİR - SİYAHI

Gəlinliyi geyindinsə, pulunu ödəməlisən
14:40
16.07.2019
2011
İqtisadiyyat
A
Bakıdakı bəzi gəlinlik dükanlarında mütşərilərin paltarı geyinib baxması da pullu imiş.

Bu barədə "Ölkə.Az"-a bir neçə vətəndaşın müraciət etdiyini nəzərə alaraq, əməkdaşımız paytaxtda fəaliyyət göstərən sözügedən obyektlərlə bağlı kiçik araşdırma aparıb.  Müştəri qismində ilk  müraciət etdiyimiz məkan “Orxideya” gəlinlik salonu oldu. Burada xanımın bildirdiyinə görə, paltarları yoxlamaq üçün heç bir ödəniş tələb olunmur. 

Geyinib soyunmağa görə, ödəniş tələb edilməyən məkanlardan biri də “Bəyaz gəlinlik” mağazasıdır. Lakin burada 1 gəlinlik modelini geyinib ödənişsiz yoxlaya bilərsiniz. Sonradan seçiminiz “Bəyaz gəlinlik”olsa ürəyiniz istədiyiniz qədər  gəlinlik modellərini əyninizdə yoxlaya bilərsiniz. Yox əgər geyiminiz bu məkandan olmasa sizə digər gəlinlik modellərini yoxlamağa icazə verilmir. 

“Su pərisi” gəlinlik evində isə başqa vəziyyətlə qarşılaşdıq. Bu məkanda 1 gəlinlik modelini ödənişsiz üzərinizdə yoxlaya bilərsiz. Yox əgər gözünüz daha 2-3 paltarı "tutubsa", onda gərək hər geyimə görə 10 manat pul ödəyəsiniz. Ödənişin səbəbini soruşduqda isə hər dəfə paltarları geyinib soyunduqda korlandıqlarını bildirdilər. 
  
Növbəti mağazalarda da vəziyyət eyni oldu. “Milana gəlinlik evi”  və  “Bridal boutique”də də geyindiyiniz əlavə gəlinlik modellərinə görə pul ödəməli olacaqsınız. Bu məbləğ hər geyimə görə 10-20 manat arası dəyişir. Sonuncu müraciət etdiyimiz məkan isə “Dəniz wedding” salonudur. Demək olar ki, onlarda da eyni vəziyyətlə qarşılaşırıq. Bir geyimi yoxlamaq ödənişsiz, digərləri üçün isə hər geyimə görə, 10 manat ödəniş tələb olunur. 

Bəs mütəxəssis bu barədə nə düşünür? Azad İstehlakçılar Birliyinin sədri Eyyub Hüseynov bildirir ki, əgər sahibkar əvvəlcədən müştəriyə ödəniş haqqında xəbərdarlıq etmirsə və kassa qəbzi təqdim olunmursa, bu, qeyri-qanuni hərəkətdir. Burada müştərinin istehlakçı hüququ kobud şəkildə pozulur. Belə vəziyyətdə müştəri Azad İstehlakçılar Birliyinə ərizə ilə müraciət edib, həmin mağazadan ödənişini geri ala bilər.  

Vüsalə Balayeva
Ölkə.Az

ŞƏRH YAZ
0
BAĞLA