Azərbaycanda oğul anasını öldürdü

Ölkə.Az "Report"a istinadən bildirir ki, 1967-ci il təvəllüdlü Kəmalə Məhərrəmova təqribən axşam saat 20:00 radələrində Şah İsmayıl Xətai küçəsi 10, mənzil 3-də ölü tapılıb.

Hadisə yerinə şəhər Polis şöbəsinin əməkdaşları, təhqiqatçı və kriminalistlər cəlb olunub. Mənzildə araşdırma və təhqiqat işləri aparıldıqdan sonra meyit "təcili tibbi yardım" maşını ilə tibbi ekspertiza laboratoriyasına aparılıb. Mərhumun ailə üzvləri və yaxınlarının mənzilə girişi müvəqqəti olaraq məhdudlaşdırılıb.

Əldə edilən məlumata görə, müəmmalı şəkildə ölü vəziyyətdə aşkar edilən Kəmalə Məhərrəmova uzun müddət əczaçılıqla məşğul olub. Həyat yoldaşı Əlövsət Məhərrəmovu təxminən 5 il öncə itirən qadının 3 oğulu var. Hadisə qeydə alınan zaman onlardan ikisinin evdə olmadığı bildirilir. Ümumiyyətlə ailədə elə bir ciddi problemin yaşanmadığı qeyd olunur.

Hüquq-mühafizə orqanları tərəfindən araşdırmalar davam etdirilir.

***

Ölkə.Az “Report”a istinadən xəbər verir ki, hadisə şəhərin Xətai küçəsində qeydə alınıb.

İlkin məlumata görə, hadisə ailə münaqişəsi zəminində baş verib.

Qətlə yetirilən qadının 1967-ci il təvəllüdlü Kəmalə Məhərrəmova olduğu bildirilib. O, yaşadığı evdə qətlə yetirilib. Polis hadisənin qadının oğlu Nail Məhərrəmov tərəfindən törədildiyi ehtimal edilir.