Azərbaycanda oğurlanmış nadir tapıntıların — SİYAHISI

Azərbaycanda oğurlanmış nadir tapıntıların
15:32
17.08.2017
102
Ölkə
A
Azərbaycan Milli Elmlər Akademiyası (AMEA) Arxeologiya və Etnoqrafiya İnstitutunun ekspedisiyası tərəfindən Lerikdə aparılan qazıntılar zamanı aşkar olunmuş qəbirlərdən 8 ədəd nadir tapıntı oğurlanıb.

"Ölkə.Az" xəbər verir ki, bu barədə APA-ya AMEA Arxeologiya və Etnoqrafiya İnstitutunun ekspedisiya rəhbəri, tarix elmləri üzrə fəlsəfə doktoru Ceyhun Eminli məlumat verib.
 
Ekspedisiya rəhbərinin sözlərinə görə, qəbirlərdən 3 ədəd heyvan formalı qab, 1 ədəd qara rəngli qab, 1 ədəd tunc qab, 1 ədəd muncuq və 2 ədəd qara rəngli nazik məftildən boyunbağı yoxa çıxıb.
 
C. Eminli bildirib ki, onun rəhbərliyi altında Lerik rayonunun Gürdəsər kəndinin Piboz təpə adlı ərazisində 2012-ci ildən indiyə kimi 120-dən çox qəbir aşkarlanıb.
 
O qeyd edib ki, nadir tapıntıların oğurlandığı qəbirlər dağıdılmayıb: “Nadir tapıntıların oğurlandığı qəbirlərdən birinin içərisində daha dəyərli gümüş qab və gümüş qolbaq olub. Xoşbəxtlikdən onlara əl vurulmayıb. Hazırda tərəfimizdən həmin gümüş qab və gümüş qolbaq qorunur. Onu da deyim ki, bu illər ərzində oğurlanan tapıntılardan daha dəyərli maral, ördək, öküz, at formalı qablar aşkar olunub. Həmin tapıntılar da institutun illik hesabat sərgisində nümayiş olunub. İndiyə kimi belə xoşagəlməz hadisə baş verməmişdi. Belə oğurluq hadisəsi ilk dəfədir ki, baş verir. Hazırda hüquq-mühafizə orqanlarının əməkdaşları tərəfindən hadisəni törədənlərin tapılması istiqamətində ciddi tədbirlər görülür”.
 
Ekspedisiya rəhbəri oğurlanmış nadir tapıntılardan birinin fotosunu APA-ya təqdim edib.
 
APA oğurlanmış nadir tapıntının fotosunu təqdim edir.
 
Qeyd edək ki, bir müddət əvvəl Lerik rayonunda Arxeologiya və Etnoqrafiya İnstitutunun apardığı arxeoloji qazıntılar zamanı eramızdan əvvəl V əsrə aid edilən məzarlıq aşkarlanıb. Piboz təpə adlanan ərazidə tapılan məzarlığın 2500 il bundan əvvələ aid olduğu müəyyən edilib. Ərazidəki qəbirlərdə qılınclar, nizələr, bıçaqlar, xəncərlər, gümüş və tuncdan hazırlanmış bəzək əşyaları və maraqlı bədii tərtibatı olan saxsı qablar da aşkar edilib.

ŞƏRH YAZ
0

Təhsil aldığı məktəbin 700 bal toplayan ilk məzunu

Təhsil aldığı məktəbin 700 bal toplayan ilk məzunu
22:29
21.07.2018
1374
Ölkə
A
“700 bal topladığımı biləndə inanmadım”.

“Ölkə.Az” xəbər verir ki, bunu Oxu.az-a açıqlamasında Bakı şəhəri 6 nömrəli məktəb-liseyinin məzunu Nərmin Əhədova bildirib.

Onun sözlərinə görə, bundan əvvəlki qəbul imtahanında 657 bal toplayıb:

“700 bal toplayacağımı gözləmirdim. Çox sevindim.Bakalavr təhsilimi Azərbaycan Tibb Universitetində alacam. Daha sonra təhsilimi Almaniyada davam etdirmək istəyirəm”.

Nərmin Əhədova qeyd edib ki, oxuduğu məktəbin tarixində ilk 700 bal toplayan məzun olub.

Qeyd edək ki, Dövlət İmtahan Mərkəzi iyulun 18-də I və IV ixtisas qruplarının abituriyentləri üçün keçirdiyi qəbul imtahanlarının nəticələrini elan edib. 15 nəfər 700 bal toplayıb.

Ölkə.Az

ŞƏRH YAZ
0

Maştağa-Nardaran yolu istifadəyə verildi

Maştağa-Nardaran yolu istifadəyə verildi
19:02
21.07.2018
2897
Ölkə
A
Bu il Sabunçu rayonunda ümumi uzunluqları 18,7 km olan 3 qəsəbələrarası avtomobil yolunun yenidən qurulması işləri aparılır.

Azərbaycan Avtomobil Yolları Dövlət Agentliyindən (AAYDA) "Ölkə.Az"a verilən xəbərə görə, layihələrdən birində artıq işlər tam olaraq yekunlaşdırılıb. Bu, 8,3 km uzunluğa malik Maştağa-Nardaran avtomobil yoludur. Sabunçu rayonu, Maştağa-Nardaran avtomobil yolu AAYDA tərəfindən yenidən qurularaq vətəndaşların istifadəsinə verilib.

“Uzun illər istismar olunmasına baxmayaraq, əsaslı şəkildə təmir olunmayan Maştağa-Nardaran avtomobil yolunun hərəkət hissəsində deformasiyalar və dağılmalar yaranmışdı. Bu isə sözügedən yol ilə hərəkət edən vətəndaşlarımızın haqlı narazılığına səbəb olurdu. Üstəlik yolun ensiz olması və piyadalar üçün səkilərin olamaması hərəkət iştirakçıları üçün problemlərə səbəb olurdu. Aparılan yenidənqurma işləri ilə bu problemlər artıq geridə qalıb”, - qurumun açıqlamasında deyilir.

Yenidənqurma layihəsinə uyğun olaraq yol eni 6-7 metrdən 12 metrə qədər genişləndirilib. Vətəndaşların yol kənarı ilə rahat və təhlükəsiz hərəkətini təmin etmək məqsədi ilə yol boyu ərazidən asılı olaraq müxtəlif ölçülərə malik yeni piyada səkiləri inşa edilib, kənarlarına isə səki daşları düzülüb.

Genişləndirmə işləri zamanı yolun yararsız qruntu qazılaraq çıxarılıb, əks dolğu aparılmaqla yeni yol yatağı, həmçinin yol əsası inşa edilib. Yol boyu köhnə yeraltı kommunikasiya xətləri kənarlaşdırılıb. Hazırda yol boyu 2 qat olmaqla yeni asfalt-beton örtüyünün döşənməsi işləri aparılaraq yekunlaşdırılıb. Ümumilikdə yolun hərəkət hissəsinin eni genişlənmədən sonra ortalama 12 metr nəzərə alınmaqla 100 min kvadratmetr sahəyə yüksək keyfiyyətli asfalt-beton örtük salınıb.

Texnoloji ardıcıllıqla və tərtib olunmuş qrafiklə aparılan tikinti işləri yekunlaşdıqdan sonra yol boyu zəruri yol nişanlarının və məlumatverici lövhələrin quraşdırlması, piyada zolaqlarının, yolcizgi və yolgöstərici xətlərin çəkilişi işləri aparılıb. Maştağa-Nardaran avtomobil yolunun yenidən qurulması 3 qəsəbənin 60 mindən çox əhalisinin rahat gediş-gəlişini təmin etməklə, onların Maştağa-Buzovna və Bilgəh-Pirşağı avtomobil yollarına rahat çıxış əldə etməsinə imkan yaradır.

Tikinti-quruculuq işləri Azərbaycan Avtomobil Yolları Dövlət Agentliyinin rəhbərliyinin birbaşa nəzarəti altında mövcud tikinti norma və qaydalarına uyğun yüksək keyfiyyətlə və sürətlə aparılıb.

ŞƏRH YAZ
0
BAĞLA