Azərbaycanda orta aylıq əmək haqqı artıb

Azərbaycanda orta aylıq əmək haqqı artıb
23:45
09.02.2018
4717
İqtisadiyyat
A
2017-ci ilin ilkin məlumatlarına əsasən ölkə iqtisadiyyatında muzdla çalışan işçilərin orta aylıq nominal əmək haqqı 2016-cı ilə nisbətən 5,7 faiz artaraq 528,2 manat olub.

Bu barədə “Ölkə.Az”a Dövlət Statistika Komitəsindən məlumat verilib. 

Mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, eləcə də tikinti sahələrində orta aylıq nominal əmək haqqı daha yüksək olub.

2018-ci il yanvarın 1-i vəziyyətinə ölkə iqtisadiyyatında muzdla çalışan işçilərin sayı ilkin məlumatlara əsasən 1521,3 min nəfər olub, onlardan 880,1 min nəfəri iqtisadiyyatın dövlət sektorunda, 641,2 min nəfəri isə qeyri-dövlət sektorunda fəaliyyət göstərib.

Muzdla işləyənlərin 21,9 faizi təhsil, 19,2 faizi ticarət; nəqliyyat vasitələrinin təmiri, 12,9 faizi sənaye, 8,6 faizi əhaliyə səhiyyə və sosial xidmətlərin göstərilməsi, 7,1 faizi dövlət idarəetməsi və müdafiə; sosial təminat, 6,6 faizi tikinti, 4,6 faizi nəqliyyat və anbar təsərrüfatı, 3,4 faizi peşə, elmi və texniki fəaliyyət, 3,2 faizi kənd təsərrüfatı, meşə təsərrüfatı və balıqçılıq, 1,6 faizi maliyyə və sığorta fəaliyyəti, 10,9 faizi isə iqtisadiyyatın digər sahələri ilə məşğul olublar.

Ölkə.Az

ŞƏRH YAZ
1

Azərbaycan avtomobil idxalını artırıb

Azərbaycan avtomobil idxalını artırıb
19:32
Bu gün
41
İqtisadiyyat
A
2018-ci ildə Azərbaycana xaricdən 28 876 ədəd avtomobil gətirilib.

Dövlət Gömrük Komitəsindən (DGK) "Ölkə.Az"a verilən məlumata görə, bu, 2017-ci illə müqayisədə 15 778 ədəd və yaxud 2,2 dəfə çoxdur.

Ölkəyə gətirilən avtomobillərin 297 ədədi və yaxud 1%-i sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 26 147 ədədi və yaxud 90,5%-i, əsasən, adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 2 300 ədədi və yaxud 8%-i yük daşımaq üçün motorlu nəqliyyat vasitələri, 132 ədədi və yaxud 0,5%-i isə xüsusi təyinatlı motorlu nəqliyyat vasitələridir.

Ötən il ərzində 2017-ci ilin 12 ayına nisbətən sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələrinin sayı 110 ədəd və yaxud 58,8%, əsasən, adamların daşınması üçün nəzərdə tutulmuş minik avtomobilləri və digər motorlu nəqliyyat vasitələrinin sayı 14 537 ədəd və yaxud 2,25 dəfə, yük daşımaq üçün motorlu nəqliyyat vasitələrinin sayı 1 073 ədəd və yaxud 87,45%, xüsusi təyinatlı motorlu nəqliyyat vasitələrinin sayı isə 58 ədəd və yaxud 78,4% artıb.

Ölkə.Az

ŞƏRH YAZ
0

OPEC+un Nazirlər Komitəsi martda Bakıda toplaşacaq

OPEC+un Nazirlər Komitəsi martda Bakıda toplaşacaq
14:45
Bu gün
276
İqtisadiyyat
A
OPEC+ sazişinin icrasına dair Nazirlərin Birgə Monitorinq Komitəsinin növbəti iclası mart ayının 18-də Bakıda keçiriləcək.

“Ölkə.Az” Report-a istinadən xəbər verir ki, OPEC və qeyri-OPEC ölkələrinin (OPEC+ formatı iştirakçıları) iştirak edəcəyi görüşdə həm də bu ay qüvvəyə minən yeni OPEC+ sazişinin icrası da monitorinq ediləcək.

Xatırladaq ki, ötən il dekabrın 7-də Vyanada OPEC və qeyri-OPEC nazirlərinin V müşavirəsində 2018-ci il oktyabr ayı səviyyəsinə nisbətən gündəlik hasilatı 1,2 milyon barel azaltmaq barədə razılıq əldə edilmişdi. Yeni qərara əsasən, Azərbaycan 2019-cu ilin yanvar ayından gündəlik hasilatı təqribən 20 min barel azaltmaq öhdəliyi götürüb.

Azərbaycan Energetika Nazirliyinin yaydığı məlumata görə, OPEC və qeyri-OPEC ölkələrinin Birgə Texniki Komissiyasının (JTC) 27-ci iclası isə martın 17-də baş tutacaq. "OPEC Katibliyindən Energetika Nazirliyinə daxil olmuş məktubda Birgə Texniki Komissiya və Nazirlərin Birgə Monitorinq Komitəsinin növbəti iclaslarının müvafiq olaraq 17-18 mart 2019-cu il tarixində keçirilməsi təklif olunub",- məlumatda bildirilib.

Azərbaycan neftin qiymətinin sabitləşdirilməsi məqsədilə OPEC çərçivəsində irəli sürülən təşəbbüsləri ilk vaxtdan dəstəkləyib. 2016-cı ildən etibarən Azərbaycan OPEC+ formatında neft bazarının balanslaşdırılması prosesinin fəal iştirakçısı olub və üzərinə götürdüyü öhdəliyi tam yerinə yetirib. 

ŞƏRH YAZ
0
BAĞLA