Azərbaycanda orta məktəbin idman zalını sökürlər — FOTOLAR

Azərbaycanda orta məktəbin idman zalını sökürlər
21:29
07.12.2017
5328
Ölkə
A
Cəlilabad rayonu, Xanəgah kəndindən yerləşən orta məktəbin idman zalı sökülür.

Bu barədə kənd sakinləri “Ölkə.Az”a şikayətlərində bildiriblər. Vurğulanıb ki, rayonun 4 kəndini birləşdirən və həmin kəndlərin uşaqlarının təhsil aldığı həmin məktəbin idman zalının söküntüsünə başlanılıb.

“İdman zalını sökürlər. Lakin yerində başqa zal tikməyəcəklər. Deyilənlərə görə, həmin ərazi satılıb. Dəfələrlə rayon icra nümayəndəliyinə və rayon təhsil şöbəsinə müraciət etsək də, bizə heç bir cavab verilməyib”, - deyə şikayətçilər qeyd ediblər.

Şikayətlərlə bərabər “Ölkə.Az” redaksiyasına gedən söküntülərin fotoları təqdim edilib.

Məsələyə aydınlıq gətirmək üçün Cəlilabad rayon Təhsil Şöbəsilə əlaqə saxladıq. Cəlilabad rayon Təhsil Şöbəsinə təyin olunmuş Elminaz Nadirova “Ölkə.Az”a bildirdi ki, edilən şikayətlər əsassızdır. Onun sözlərinə görə, Cəlilabadda orta məktəblərin heç birinin idman zalı sökülmür.

“Cəlibadda heç bir orta məktəbin idman zalının sökülməsi məsələsi yoxdur. Şikayətlər əsassızdır”, - deyən Elminaz Nadirova telefonu söndürdü.

Məsələ ilə əlaqədar Cəlilabad rayon İcra Hakimiyyətilə əlaqə saxladıq. Cəlilabad rayon İcra Hakimiyyəti başçının müavini- İctimai-siyasi və humanitar məsələlər şöbəsinin müdiri Dürdanə Əliyeva “Ölkə.Az”a açıqlamasında bildirdi ki, bu barədə heç bir məlumatı yoxdur. Onun sözlərinə görə, həmin kənddə orta məktəbin idman zalının sökülməsilə bağlı onlara heç bir müraciət daxil olmayıb.

Qeyd edək ki, əlaqə saxladığımız hər iki qurum nümayəndəsi məsələyə çox soyuq yanaşdılar. Onlar belə bir hadisənin olmadığını dedilər. Söküntü gedən ərazidən çəkilən fotolar barədə soruşduqda isə, hər iki qurumun əməkdaşı telefonu söndürdü və bir daha zənglərə cavab verilmədi.

Qeyd edilənləri nəzərə alaraq, belə nəticəyə gəlmək olar ki, Cəlilabadda orta məktəbin idman zalının olub-olmaması heç bir səlahiyyətli şəxsin vecinə deyil. Görünür Azərbaycanda idmana böyük dəyər və qiymət verildiyi bir dövrdə Cəlilabad rayonunda bu məsələyə biganə münasibət bu fikirə gəlməyə əsas verir.

Ziya Səccad
Ölkə.Az

ŞƏRH YAZ
0

Daha 2 rayonda qaz olmayacaq

Daha 2 rayonda qaz olmayacaq
11:07
Bu gün
549
Ölkə
A
Ağstafa rayonunda istehlakçıların qaz təchizatının yaxşılaşdırılması və normadan artıq qaz itkilərinin qarşısının alınması məqsədilə təmir işlərinə başlanılıb.

Bu barədə "Ölkə.Az"  “Azəriqaz” İstehsalat Birliyinə istinadən xəbər verir.

Saat 10.00-dan təmir işləri başa çatanadək Ağstafa rayonunda bir qrup abonentin qaz təchizatı dayandırılıb.

Samux rayonunda da orta təzyiqli yeraltı qaz xəttinin yenidənqurulması məqsədilə bir qrup abonentin qaz təchizatı saat 11.00-dan dayandırılacaq.

Ölkə.Az

ŞƏRH YAZ
0

Magistraturaların boş qalan yerlərinə qəbul elan edildi

Magistraturaların boş qalan yerlərinə qəbul elan edildi
10:54
Bu gün
381
Ölkə
A
2019/2020-ci tədris ili üçün Azərbaycan Respublikasının ali təhsil müəssisələrinin və Azərbaycan Milli Elmlər Akademiyasının (AMEA) magistraturalarının boş qalan yerlərinə qəbul 24 fevral və 26 may 2019-cu il tarixlərində keçirilmiş ikimərhələli qəbul imtahanında toplanmış ballar əsasında müsabiqə yolu ilə aparılır (müsabiqə şərtləri).

Dövlət İmtahan Mərkəzindən "Ölkə.Az"a verilən məlumata görə, cari ildə ali təhsil müəssisələrinin magistraturalarına qəbul olunmuş (o cümlədən qəbul olduğu təhsil müəssisəsində qeydiyyatdan keçməyən) bakalavrların boş qalan yerlərə keçirilən müsabiqədə iştirak etmək hüququ yoxdur.

Bakalavrlar boş qalan yerlərə keçirilən müsabiqədə iştirak etmək üçün 2019-cu il 23 iyul saat 10:00-dan 30 iyul saat 23:59-dək DİM-in internet saytının müvafiq səhifəsinə daxil olaraq, seçdikləri ixtisaslaşmaların kodlarını “Bakalavrın elektron ixtisaslaşma seçimi ərizəsi”ndə qeyd edib təsdiqləməlidirlər.

Boş qalan yerləri olan ixtisaslaşmaların siyahısı “Magistr” jurnalının 6-cı sayında dərc olunub. Hər bir bakalavr imtahan verdiyi proqrama aid və bitirdiyi bakalavr ixtisasına müvafiq olan 20-dək ixtisaslaşma kodunu seçə bilər.

Bakalavr ixtisaslaşma kodlarının sayını və ardıcıllığını istədiyi kimi seçib ərizəsində göstərir. Seçilmiş ixtisaslaşmaların ərizə formasında göstərilən ardıcıllığı müsabiqə zamanı hüquqi əsas kimi qəbul olunur və bakalavr topladığı bala əsasən müsabiqədən keçdiyi ixtisaslaşmaların birincisinə yerləşdirilir.

Dövlət hesabına magistraturada təhsil almış magistrlər dövlət sifarişi ilə qəbul aparılan yerləri seçə bilməzlər. Əcnəbilər və vətəndaşlığı olmayan şəxslər, qüvvədə olan qanunvericilikdə və dövlətlərarası razılaşmalarda digər hallar nəzərdə tutulmayıbsa, dövlət sifarişi ilə qəbul aparılan yerləri seçə bilməzlər.

Bakalavrlar DİM-in nəşrlərinin elektron versiyalarının onlayn satışı sistemindən istifadə edərək bank kartı vasitəsilə ödəniş etməklə “Magistr” jurnalının 6-cı sayının elektron versiyasını (http://eservices.dim.gov.az/ejurnal/) da əldə edə bilərlər.

Ölkə.Az

ŞƏRH YAZ
0
BAĞLA