Azərbaycanda qaçqınların qeydiyyat proseduru dəyişdi

Azərbaycanda qaçqınların qeydiyyat proseduru dəyişdi
20:15
18.05.2017
13
Siyasət
A
Azərbaycanda qaçqın statusu almış şəxslərin qeydiyyatına dair prosedur müəyyənləşib.

Bu, Azərbaycan prezidenti İlham Əliyevin bu gün imzaladığı “Qaçqın” statusu verilməsi haqqında vəsatətə baxılması Qaydası”nda dəyişiklik edilməsi barədə fərmanında əksini tapıb.

Beləliklə, şəxsə qaçqın vəsiqəsi verilərkən Dövlət Miqrasiya Xidməti eyni zamanda həmin şəxsi yaşayış yeri üzrə qeydiyyata alacaq. Bu məqsədlə Dövlət Miqrasiya Xidmətinin məsul əməkdaşı “Yaşayış yeri və olduğu yer üzrə qeydiyyat haqqında” qanununun tətbiqi haqqında Əsasnamə ilə müəyyən olunmuş sənədləri tələb edəcək. Yaşayış yeri olmayan qaçqın statusu almış şəxslər yaşayış yeri əldə edənədək Dövlət Miqrasiya Xidmətinin qanunsuz miqrantların saxlanılması mərkəzlərinin yerləşdiyi yer üzrə qeydiyyata alınacaqlar.

ŞƏRH YAZ
0

Serj Sərkisyan qorxdu

Serj Sərkisyan qorxdu
23:14
17.11.2017
1247
Siyasət
A
“Ermənistan prezidenti Serj Sərkisyan qorxdu”.

“Ölkə.Az” xəbər verir ki, bu barədə politoloq Elxan Şahinoğlu “Facebook” səhifəsində yazıb. Onun sözlərinə görə, Sərkisyan Ermənistanda məşhur analitik Sergey Minasyanı Gürcüstana səfir təyin etmək istəyirdi. Onun sözlərinə görə, Sərkisyanın bu istəyi ürəyində qalıb.

“Rəsmi Tbilisi aqreman vermədi, bu təyinatın əleyhinə çıxdı. Tbilisinin iki arqumenti var idi. Birinci arqumenti bu idi ki, Sergey Minasyan Gürcüstanda erməni separatçılarını dəstəkləyir, Rusiyanın Abxaziyanı və Cənubi Osetiyanı ələ keçirməsinə haqq qazandırır. İkinci arqument də sadə idi: Minasyan rusiyapərəstdir. Bu iki arqumentin qarşısında separatçı prezident Serj Sərkisyan təslim olmaq məcburiyyətində qaldı və o Minasyanı Ermənistan üçün vacib ölkə olan Gürcüstana deyil, Rumıniyaya səfir təyin etdi. Ermənilər deyir ki, Minasyan Buxaretsdə turist qismində olacaq, çünki Ermənistanla Rumıniya arasındakı münasibətlər sıfır səviyyəsindədir. İrəvana yaxşı dərs oldu. Separatçılarla ya hərbi güclə, ya da qapının ağzına qoymaqla danışmaq lazımdır”, politoloq bildirib.

Ziya Səccad
Ölkə.Az

ŞƏRH YAZ
0

İlham Əliyev Oman sultanını təbrik etdi

İlham Əliyev Oman sultanını təbrik etdi
18:24
17.11.2017
1388
Siyasət
A
Prezident İlham Əliyev Oman sultanı Qabus bin Səidə təbrik məktubu göndərib.

"Ölkə.Az"ın məlumatına görə, məktubda deyilir: "Oman Sultanlığının milli bayramı münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimi yetirirəm.
 
Belə bir xoş gündə Sizə möhkəm cansağlığı və xoşbəxtlik, dost Oman xalqına daim əmin-amanlıq və firavanlıq diləyirəm".

ŞƏRH YAZ
0
BAĞLA