Azərbaycanda qəbiristanlıqlar qarət edildi

"Ölkə.Az" baku.ws-ə istinadən xəbər verir ki, sonuncu belə hadisə bu gün səhər saatlarında baş verib.

Şəhərin ən iri qəbiristanlıqlarından olan el arasında “İmamzadə” qəbrsitanlığı kimi tanınan 2 saylı qəbiristanlıqda güldanlar oğurlanıb.

Ümumiyyətlə bu gün Gəncənin qəbiristanlıqlarında sözügedən vəziyyət çıxılmaz həddə çatıb.

Əsasən aliminum və digər metallardan ibarət güldanlar, eləcədə qəbir ətrafı bəzək əşyaları aparılır. Çox böyük ehtimalla oğurlanan əşyalar metal əritmə müəssisələrinə müəyyən məbləğ qarşılığında satılır.

Qəbiristanlıq ərazilərinin böyük olması da problemin qarşısını almaqda çətinlik yaradan əsas amillərdəndir. Baxmayaraq ki, bu qəbiristanlıqların hər birinə iki gözətçi ayrılıb.

Lakin gözətçilər ərazilərə tam nəzarət edə bilmir. Çıxış yolu kimi qərbiristanlıqda çalışan şəxslər ölü sahiblərinə məzarların üzərinə qoyulan əşyalara ad və ya hər hansı bir iz qoymağı tövsiyyə edir.

Problemlə bağlı hüquq mühafizə orqanı əməkdaşları da məlumatlandırılıb. Polis tərəfindən bu insanlığa sığmayan əməlləri edən şəxslərin axtarışları davam etdirilir.

Məlumat üçün qeyd edək ki, Gəncə şəhərində 4 qəbiristanlıq var.

Bunlardan üçü müsəlman, biri isə rus qəbiristanlığıdır.