Azərbaycanda qəribə hadisə - — Maqnit avtomobilləri geriyə çəkir + Video

Azərbaycanda qəribə hadisə -
00:47
16.07.2019
9794
Ölkə
A
Şamaxı rayonunun Dəmirçi-Lahıc avtomobil yolunun Dəmirçi kəndindən keçən hissəsində nəqliyyat vasitələri öz-özünə hərəkət edir.

“Ölkə.Az” report-a istinadən xəbər verir ki, yerli sakin Elsəvər Rəsulov bu yoldan artıq üçüncü dəfədir istifadə etdiyini və hər dəfə eyni hadisə ilə rastlaşdığını bildirib.

Onun sözlərinə görə, yolun Dəmirçi kəndindən Lahıca gedən 3-4 kilometrlik hissəsində avtomobilin sürəti aşağı düşür və maşın arxaya doğru hərəkət etməyə başlayır:

"Hətta avtomobilin mühərriki sönmüş, sürətlər qutusu isə neytral vəziyyətdə olduğu halda belə, nəqliyyat vasitəsi arxaya getməyə başlayır. Belə vəziyyətdə avtomobillərin əyləcindən istifadə olunmazsa, sürət get-gedə artaraq hətta 60 km/saata çatır".

Elsəvər Rəsulov ehtimal edir ki, yolun bu hissəsində maqnit sahəsi mövcuddur.

Yerli sakinlərin sözlərinə görə, onlar da həmin sözügedən ərazidə eyni yerdə olanda, maqnit avtomobilləri əks istiqamətə çəkir və onlar çətinliklə üzləşirlər. Sakinlər də düşünür ki, həmin ərazidə maqnit sahəsi var və bunun araşdırılması lazımdır.

Ölkə.Az

ŞƏRH YAZ
0

Pirotexniki vasitələrin ölkəyə gətirilməsinin qarşısı alındı

Pirotexniki vasitələrin ölkəyə gətirilməsinin qarşısı alındı
01:22
Bu gün
2015
Ölkə
A
Pirotexniki vasitələrin ölkəyə qanunsuz yolla gətirilməsi cəhdinin qarşısı alınıb.

Dövlət Gömrük Komitəsinin Mətbuat və İctimaiyyətlə Əlaqələr İdarəsindən "Ölkə.Az"a bildirilib ki, Qərb Ərazi Baş Gömrük İdarəsinin “Qırmızı Körpü” gömrük postunda Gürcüstandan “Mercedes Benz 350” markalı avtomobil ilə gələn Azərbaycan vətəndaşı saxlanılıb. Sorğu-sual zamanı sürücü idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirib. Yoxlama zamanı nəqliyyat vasitəsinin salonunda, oturacağın arxa hissəsində və yük yerində gömrük nəzarətindən gizlədilmiş üzərində “Cracker K020” yazısı olan 105 min 600 ədəd pirotexniki vasitə aşkarlanıb.

Faktla bağlı araşdırma aparılır.

ŞƏRH YAZ
0

Qaşıq, çəngəl, bıçaq dəstində narkotik keçirmək istədi — VİDEO

Qaşıq, çəngəl, bıçaq dəstində narkotik keçirmək istədi
01:00
Bu gün
1805
Ölkə
A
Biləsuvar gömrük postunda İran vətəndaşının yükündə narkotik maddə tapılıb.

Dövlət Gömrük Komitəsindən "Ölkə.Az"a verilən məlumata görə, Cənub Ərazi Baş Gömrük İdarəsinin Biləsuvar gömrük postunda İrandan piyada gələn həmin ölkə vətəndaşı Eskandarabadı Arash Modıra piyada xətti ilə gömrük nəzarəti həyata keçirilən salona daxil olub və əl yükləri rentgen aparatı ilə yoxlanılarkən monitorda şübhəli predmetlərin təsviri görünüb.

Şifahi sorğu-sual zamanı əl yüklərində gömrük nəzarətindən gizlədilən və ya gömrük nəzarətinə mütləq bəyan olunmalı hər hansı predmetin, o cümlədən narkotik vasitə və psixotrop maddələrin olmadığını bildirib.

Baxış zamanı vətəndaşa məxsus əl yükündə içərisinə qaşıq, çəngəl, bıçaq dəsti yığılmış düzbucaqlı formalı qutunun üst, arxa və alt divarlarında malların aşkar edilməsini çətinləşdirən üsullardan istifadə etməklə gömrük nəzarətindən gizlədilmiş cəmi 8 ədəd bağlamalarda, ümumi çəkisi 3462 qram olan tünd qəhvəyi rəngli narkotik vasitə - tiryək aşkar edilib.

Faktla bağlı araşdırma aparılır.

ŞƏRH YAZ
0
BAĞLA