Azərbaycanda qeyri-adi hadisə: nömrəyə görə ərindən boşandı — VİDEO

Azərbaycanda qeyri-adi hadisə: nömrəyə görə ərindən boşandı
10:59
18.10.2017
385
Hadisə
A
Azərbaycanda 5 ildir evli olan qadının qeyri-adi istəyi boşanmaya səbəb olub.

"Ölkə.Az"ın “Xəzər” TV-yə istinadən məlumatına görə, vəkilə müraciət edərək ərindən ayrılmaq istəyən qadının boşanma səbəbi bəlkə də bu günə qədər görülməyib. Eşidəndə siz də güləcəksiniz, çünki 25 yaşlı qadın həyat yoldaşının avtomobilindəki dövlət qeydiyyat nişanında olan hərfi ona qısqanıb. Maşının nömrəsində öz adının baş hərfi olmadığına görə 5 illik evlilik həyatına son qoyub.
 
Qadın ərinin aldığı avtomobilin dövlət qeydiyyat nişanında olan hərflərdən birinin öz adının baş hərfi olmasını istəyib. Lakın alınan maşının nömrəsindəki hərf başqa olub və buna görə ərini qısqanan qadın ondan boşanmaq üçün vəkil tutub.
 
25 yaşlı qadınının bu istəyini əri ilk vaxtlar qeyri-ciddi qarşılayıb. Sonda məhkəməyə çağrılması onu əməlli başlı şoka salıb. O, məhkəmədə nömrəni dəyişməyə razı olduğunu desə də, qadın razılaşmayıb.
 
Hadisə haqda eşidən hər kəs elə qadının əri qədər şoka düşür. Boşanma səbəbinin bu qədər cılızlaşması hər kəsdə təəssüf hissi yaradır.

Qeyd edək ki, bu qeyri adi səbəbə görə ayrılan cütlüyün bir azyaşlı övladı da var.


 
 

 

ŞƏRH YAZ
0

Sevgilisiylə ərini baltalayan 4 uşaq anasından TÜKÜRPƏDİCİ ETİRAFLAR — VİDEO

Sevgilisiylə ərini baltalayan 4 uşaq anasından TÜKÜRPƏDİCİ ETİRAFLAR
15:15
Bu gün
688
Hadisə
A
ARB TV-nin “Rezonans” proqramında bu dəfə yoldaşını, onun dostuyla əlbir olub öldürən 4 uşaq anası öz həyat tarixçəsindən danışıb.

Arzu Musayeva – Məhkum (Cəzası 17 il) – “Göyçayın kəndində yaşayırdım. 4 övladım var. Özüm öz istəyimlə qoşulub qaçmışam. 7-8 il mehriban ailə olmuşuq. Dözə bilmədim çox hərəkətinə. Parniklərdə işləmişəm. Ən çox dəstəyi anamgil edib. Yoldaşım içən idi, pulunu çatdırmaq olmurdu. Ancaq deyirdi ki, Arzu, pul ver”.

"Ölkə.Az" xəbər verir ki, məhkum həmin gecəni belə xatırlayır:

“Qızımın ad günü idi. Gediş-gəlişimiz olan dostu qonaq gəldi. Yeyib-içəndən sonra bu hadisə baş verdi. Dostu Seymurla həm də qohum idik. Bir-birimizi istəmişik, verməyiblər ayrılmışıq. Gəlib gördü ki, yoldaşım zülm verir. Yoldaşım məndən pul istədi. Dedim verməyəcəm. Seymur da qıraqdan baxırdı. Yoldaşım söydü məni. Dedi ki, bu qədər təhqir eləmə qızı. Günah məndədir, pulu versəydim, olmazdı. Çox içizdirdi Seymur. Dedi ki, Arzu bıçaq hardadır? Hirsimdən dedim ki, öldür canım qurtarsın. Bilirdim ki, gecə öldürəcək. 3 bıçaq vurdu, bir də baltayla boynundan vurdu. Səhəri günü həyətdə quyu var idi. Orada basdırdıq. 2-3 gün sonra qayınanama gedib dedim ki, evə gəlməyib neçə gündür. Fikirləşdim ki, gizlətməyimin mənası yoxdur. Gedib təslim oldum. Yeri göstərdim ki, burada basdırmışıq. Biri var cavan vaxtımda tutulam, biri də var yaşlı vaxtı. 17 il yarım iş verdilər, sonra yarımı götürdülər. Ona da 18 il iş verdilər. İstintaq zamanı dedi ki, sən götür boynuna. Dedim ki, nə sən çıxası deyilsən, nə də mən, düzünü deyək”.

Sonda Arzu Musayeva öz valideynlərindən üzr istəyib:

“Buradan səslənirəm ki, bağışlayın məni, üzr istəyirəm. Nə olsa da qızınızam. Övladlarımı axtarsınlar. İndi fikirləşirəm ki, etməməliydim”.      

ŞƏRH YAZ
0

Quldurluq edən şəxslər saxlanıldı

Quldurluq edən şəxslər saxlanıldı
14:10
Bu gün
533
Hadisə
A
Bir neçə gün əvvəl Binəqədi rayonu Novxanı bağlar sahəsində yerləşən evlərdən birinə daxil olan iki maskalı şəxs orada yaşayan 76 yaşlı qadının başına taxta parçası ilə vuraraq onun 2000 manat dəyərindəki qızıl boyunbağısını götürüblər.

"Ölkə.Az" xəbər verir ki, Bu barədə məlumat daxil olan kimi dərhal Binəqədi Rayon Polis İdarəsində araşdırmalara başlanılıb. “İsti” izlərlə həyata keçirilən əməliyyat-axtarış tədbiri nəticəsində həmin cinayəti törətməkdə şübhəli bilinən Abşeron rayon sakinləri İlkin Məlikov və Kamran Gəncimaliyev saxlanılıblar. Araşdırma zamanı məlum olub ki, zərərçəkən qadın İ.Məlikovun qohumudur. O, K.Gəncimalıyeva qohumunun evinə basqın etməyi məsləhət görəndən sonra birlikdə qeyd edilən hadisəni törədiblər.

Faktla bağlı Binəqədi Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb. Zəruri istintaq hərəkətləri davam etdirilir.

ŞƏRH YAZ
0
BAĞLA