Azərbaycanda qızılca ilə bağlı son vəziyyət necədir?

Azərbaycanda qızılca ilə bağlı son vəziyyət necədir?
16:12
12.02.2019
1063
Ölkə
A
“Azərbaycanda qızılca xəstəliyinə yoluxanların hamısı sağalıb”.

"Ölkə.Az" xəbər verir ki, bunu “Report”a açıqlamasında Azərbaycanın baş infeksionisti Cəlal İsayev bildirib.

O deyib ki, ölkədə qızılcaya 55 yoluxma halı qeydə alınıb: “Bu xəstəliyə yuxarı yaş qrupuna aid insanlar yoluxub. Uşaqlar arasında qızılca müşahidə olunmur. Bunun da səbəbi odur ki, uşaqlar körpəlikdən hamısı peyvəndə cəlb olunub və onlar arasında bu xəstəliyə təkrar yoluxma müşahidə edilmir”.

C.İsayev qeyd edib ki, qızılcanın yayılmasının qarşısının alınması məqsədilə Səhiyyə Nazirliyi xaricdən 160 min doza peyvənd sifariş edib: “Peyvəndlər yaxın zamanlarda ölkəyə gətiriləcək və yəqin ki, fevral ayının axırı və ya mart ayında peyvəndləmə həyata keçiriləcək. Peyvəndlərin vurulması dövlət hesabına ödənişsiz olacaq”.

Qeyd edək ki, Gürcüstan paytaxtı Tbilisidə Ümumdünya Səhiyyə Təşkilatının hepatit mövzusuna həsr olunmuş regional konsultativ görüşü keçirilir. Azərbaycanı tədbirdə ölkənin baş infeksionisti C.İsayev təmsil edir. 

Ölkə.Az

ŞƏRH YAZ
0

Dördüncü sinif şagirdlərinin beşdə bir hissəsi oxumağı bacarmır?

Dördüncü sinif şagirdlərinin beşdə bir hissəsi oxumağı bacarmır?
22:06
Bu gün
553
Ölkə
A
Azərbaycanda dördüncü sinifdə oxuyan hər beş şagirddən dördü oxu bacarığına malikdir.

“Ölkə.Az” “Media.Az”a istinadən xəbər verir ki, bu göstəricilər YUNESKO-nun Statistika institutunun BMT-nin davamlı inkişaf sahəsində dördüncü hədəfinə, yəni keyfiyyətli təhsilə daha dəqiq desək, hərtərəfli, ədalətli, keyfiyyətli təhsilin təmin olunması, insanların həyatı boyu oxumağa həvəsləndirilməsinə həsr olunmuş hesabatında öz əksini tapır.

Təqdim olunmuş hesabata görə, ölkədə dördüncü sinif şagirdlərinin 80%-i minimum (təməl) oxu səviyyəsini mənimsəyib.

Azərbaycan bu baxımdan tədqiqata cəlb olunmuş ölkələr arasında orta göstəriciyə malikdir.

YUNESKO-nun hesabatı Təhsil nailiyyətlərinin qiymətləndirilməsi üzrə beynəlxalq assosiasiyanın xətti ilə müxtəlif ölkələrdə aparılmış araşdırılmaların nəticələrinə söykənir.

Azərbaycanın təhsil üzrə eksperti Nadir İsrafilov açıqlanan nəticələrə şübhə ilə yanaşır:

“Belə araşdırma müxtəlif qurumlar tərəfindən aparılsa da, ölkəmizdə dördüncü sinifdə oxuyan hər beşinci şagirdin oxuya bilmədiyi haqqında deyilənlər inandırıcı gəlmir. Məncə, belə statistikaya heç birinci siniflər arasında da də rast gəlmək olmaz”.

Bu mövqeyini o təhsil sahəsində aparılan işlərlə əsaslandırıb. Ekspertin sözlərinə görə, statistikaya əsasən, uşaqların 75%-i  məktəbəqədər təhsil alır. Söhbət oxu bacarığından yox, hansısa xüsusi bacarıqlardan gedə bilər:

“Yəqin oxu bacarığı yox, düzgün, intonasiyalı oxunuş  və s. nəzərdə tutulur. Ancaq dördüncü sinif şagirdlərinin beşdə bir hissəsinin oxuya bilmədiyini demək, ədalətsizlik olar”,- deyə N.İsrafilov bildirib.

Onun sözlərinə görə, ölkədə uşaqların savadlılıq səviyyəsinin artırılmasına yönəlmiş bir sıra tədbirlər görülür, məktəbəqədər təhsilə xüsusi diqqət ayrılır. 2020-ci ilə kimi uşaqların 90%-nin məktəbəqədər təhsillə təmin olunması planlaşdırılır.

Ölkə.Az

ŞƏRH YAZ
0

“ASAN xidmət” modelinin dünyanın 8 ölkəsində oxşarı yaradılacaq” — Ülvi Mehdiyev

“ASAN xidmət” modelinin dünyanın 8 ölkəsində oxşarı yaradılacaq”
20:27
Bu gün
4596
Ölkə
A
"Azərbaycanın “ASAN xidmət” modelinin dünyanın 8 ölkəsində oxşarı yaradılacaq”.

“Ölkə.Az” “Report”a istinadən xəbər verir ki, bunu Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev "ASAN Radio"nun "QəbuldASAN" proqramında deyib.

O, həmin ölkələrin adını açıqlamasa da, bununla bağlı danışıqların aparıldığını bildirib: "Biz həmin ölkələrlə əməkdaşlığa başlamışıq. Azərbaycanın “ASAN xidmət” modelinin həmin ölkələrdə fəaliyyət göstərməsinə nail olacağıq. Artıq Azərbaycanın “ASAN xidmət” modeli əsasında Əfqanıstanda dövlət xidmətlərinin göstərilməsi mexanizmi təsis edilib”.

Ölkə.Az

ŞƏRH YAZ
0
BAĞLA