Azərbaycanda qızılca ilə bağlı son vəziyyət necədir?

Azərbaycanda qızılca ilə bağlı son vəziyyət necədir?
16:12
12.02.2019
1302
Ölkə
A
“Azərbaycanda qızılca xəstəliyinə yoluxanların hamısı sağalıb”.

"Ölkə.Az" xəbər verir ki, bunu “Report”a açıqlamasında Azərbaycanın baş infeksionisti Cəlal İsayev bildirib.

O deyib ki, ölkədə qızılcaya 55 yoluxma halı qeydə alınıb: “Bu xəstəliyə yuxarı yaş qrupuna aid insanlar yoluxub. Uşaqlar arasında qızılca müşahidə olunmur. Bunun da səbəbi odur ki, uşaqlar körpəlikdən hamısı peyvəndə cəlb olunub və onlar arasında bu xəstəliyə təkrar yoluxma müşahidə edilmir”.

C.İsayev qeyd edib ki, qızılcanın yayılmasının qarşısının alınması məqsədilə Səhiyyə Nazirliyi xaricdən 160 min doza peyvənd sifariş edib: “Peyvəndlər yaxın zamanlarda ölkəyə gətiriləcək və yəqin ki, fevral ayının axırı və ya mart ayında peyvəndləmə həyata keçiriləcək. Peyvəndlərin vurulması dövlət hesabına ödənişsiz olacaq”.

Qeyd edək ki, Gürcüstan paytaxtı Tbilisidə Ümumdünya Səhiyyə Təşkilatının hepatit mövzusuna həsr olunmuş regional konsultativ görüşü keçirilir. Azərbaycanı tədbirdə ölkənin baş infeksionisti C.İsayev təmsil edir. 

Ölkə.Az

ŞƏRH YAZ
0

Qadını qaçırdı, qeyri-rəsmi nikahda yaşadılar, axırda isə... — Şamaxıda CİNAYƏT

Qadını qaçırdı, qeyri-rəsmi nikahda yaşadılar, axırda isə...
13:56
Bu gün
778
Ölkə
A
Qaçırdığı qadını öldürməyə cəhddə təqsirli bilinən Şirzad Əsədov barəsindəki hökmdən Sumqayıt Apellyasiya Məhkəməsinə şikayət edib.

"Ölkə.Az" xəbər verir ki, onun şikayəti ilə bağlı məhkəmə prosesi hakimi Elman Əhmədovun sədrliyi ilə keçiriləcək.

Qeyd edək ki, hadisə ötən il Şamaxı rayonunun Meysəri kəndində baş verib. Kənd sakini, 1986-cı il təvəllüdlü Zöhrə Güloğlan qızı Əlqəmbəyeva qeyri-rəsmi nikahda yaşadığı Ş.Əsədov tərəfindən döyülüb. O, ağır bədən xəsarətləri ilə Şamaxı Rayon Mərkəzi Xəstəxanasına yerləşdirilib.

Məlumata görə, 35 yaşlı Ş.Əsədov əvvəllər məhkum olunub. O, hadisədən 15 gün öncə Z.Əlqəmbəyevanı qaçırıb və onlar qeyri-rəsmi nikahda yaşayıblar. Qadın əvvəllər bir dəfə evli olub.

Şirzad Əsədov Cinayət Məcəlləsinin 29, 120.2.4-cü (xüsusi amansızlıqla və ya ümumi təhlükəli üsulla adamöldürməyə cəhd) və 126.2.3 (qəsdən sağlamlığa ağır zərər vurma xüsusi amansızlıqla, o cümlədən zərərçəkmiş şəxsə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxsə qarşı törədildikdə) maddəsi ilə təqsirli bilinib.

Bakı Ağır Cinayətlər Məhkəməsinin hökmü ilə o,16 il müddətinə azadlıqdan məhrum olunub. 

Natiq Allahverdiyev
Ölkə.Az

 

ŞƏRH YAZ
0

İradənin qardaşı Abbas Bağırova pul "atıb" — MƏHKƏMƏ İŞİ

İradənin qardaşı Abbas Bağırova pul
13:43
Bu gün
1008
Ölkə
A
Dələduzluqda təqsirləndirilən Orxan Mehrəliyev barəsində olan hökmdən apellyasiya şikayəti verib.

"Ölkə.Az" E-huquq.az-a istinadən xəbər verir ki, Sumqayıt Apellyasiya Məhkəməsinə müraciət edən məhkum barəsində bəraət hökmünün çıxarılmasını istəyir.

Sumqayıt Apellyasiya Məhkəməsində ilkin baxış iclası keçirilib və təqsirləndirilən şəxsin anket məlumatları dəqiqləşdirilib.

Məhkəmənin növbəti iclası avqustun 22-nə təyin edilib.

İttiham aktına əsasən, O.Mehrəliyev köməkçisi olduğu tanınmış müğənni, əməkdar artist Abbas Bağırovun Bakı şəhər, Yasamal rayonu, Şahbazi küçəsi, 99 nömrəli binanın həyətində yerləşən və dəyəri 20 min manat olan 28 kv metr torpaq sahəsini dələduzluq yolu ilə ələ keçirib. Həmçinin o, müğənni A.Bağırova məxsus qarajı Emil Qurbanova satacağını vəd edərək ondan 10 min manat pul alıb.

Cinayət materialına görə, O.Mehrəliyev Ümumdünya Azərbaycan Konqresinin hüquqşünası Xətai Yusubovdan 52 500 manat pul alaraq onu Müdafiə Nazirliyinin Hüquq şöbəsinin rəis müavini vəzifəsinə təyin etdirəcəyini vəd edib. O, təkrarən Maman Nadirovadan 2017-ci ildə 3500 manat pul alaraq onun cinayət işinə xitam verdirəcəyini vəd edib.

O.Mehrəliyevin barəsində Cinayət Məcəlləsinin 178.3.2-ci (dələduzluq, külli miqdarda törədildikdə) maddəsi ilə ittiham irəli sürülüb.

Bakı Ağır Cinayətlər Məhkəməsinin hökmü ilə O.Mehrəliyev 5 il 6 ay müddətinə azadlıqdan məhrum edilib.

Xatırladaq ki, O.Mehrəliyev müğənni İradə Mehrinin qardaşıdır.  

 

ŞƏRH YAZ
0
BAĞLA