Azərbaycanda radio rəhbəri qalmaqallı şəkildə bütün heyəti ilə işdən çıxarıldı — EKSKLÜZİV

Azərbaycanda radio rəhbəri qalmaqallı şəkildə bütün heyəti ilə işdən çıxarıldı
14:13
18.09.2017
1231
Maqazin
A
Nəqliyyatın İntellektual İdarəetmə Mərkəzinə aid 107.7 FM dalğasında yayımlanan "Avto Radio"nun rəhbəri Cavid Nemətzadə və komandası işindən ayrılıb.

"Ölkə.Az"-ın məlumatına görə, on beş nəfərlik komandadan on ikisi iş yerini tərk edib. C.Nemətzadə əməkdaşımızla söhbətində faktı təsdiqləyib:

"Sentyabrın 9-dan rəhbərlik qərara aldı ki, menecment idarəetməni "Beat Group"a təhvil versin. "Avto Radio" mənimlə yarandı, mənimlə də getdi. Artıq rebrending edərək, adını da dəyişiblər. "Instagram" səhifələrində də dəyişiklik var. Rəhbərlik "Beat Group"la işləmək və yeni mahnılar vermək qərarına gəldi. Mənə deyilən səbəb bu idi. Görünür, mənim götürdüyüm istiqamət, retro rəhbərliyin xoşuna gəlmir, yeni mahnılar eşitmək istəyir. Özümə maraqlı gəldi ki, niyə bu işi bizə yox, "Beat Group"a həvalə etdilər. Bu artıq böyük sualdır. Sizin vasitənizlə yeni komandaya uğurlar arzu etmək istəyirəm. Biz oradan rəhbərlik etdiyim komandayla çıxmışıq. On beş nəfər idik, üç nəfər onlarla işləyəcək. Digər on iki nəfər prodakşn kimi fəaliyyətimizi davam etdirəcəyik". 

Qeyd edək ki, Cavid Nemətzadə ötən ilin sentyabrında Nəqliyyatın İntellektual İdarəetmə Mərkəzinə aid 107.7 FM dalğasında yayımlanan "Avto Radio"ya rəhbər təyin edilmişdi.

İntiqam VALEHOĞLU
Ölkə.Az

ŞƏRH YAZ
0

Sosial şəbəkədə terror təbliğatı aparan türk müğənni həbs edildi

Sosial şəbəkədə terror təbliğatı aparan türk müğənni həbs edildi
16:05
Bu gün
1207
Maqazin
A
Sosial şəbəkədəki səhifəsində paylaşımlar edən müğənni Fərhad Tunç həbs edilib.

 “Ölkə.Az” xəbər verir ki, Fərhad terror qruplaşması təbliğatı aparmaqla ittiham edilib və 1 il 11 ay 12 gününü dəmir barmaqlıqlar arxasında keçirəcək.

İstanbul Ağır Cinayətlər Məhkəməsində keçirilən prosesə Fərhad vəkili Ercan Kanar ilə gəlib.

Məhkəmə sədrinin son söz verdiyi Fərhad “Mən sənətçiyəm. İqtidara görə hərəkət etmirəm. Belə etmək sənətə xəyanətdir. Sənət və sənətçilər bir ideologiyaya sığışdırılmamalıdır. Kobani prosesini yaxından izləyirəm. Son albomum da “Kobani” adlanır. Etdiklərimə görə peşman deyiləm” deyib. 

Məhkəmənin qərarı ilə müttəhim Fərhad Tunç “Silahlı terror qruplaşması PKK və onun Suriya qolu YPG-nin təbilğatı ilə məşğul olduğu üçün” 1 il 11 ay 12 gün həbs cəzasına məhkum edilib.

Hikmət Həsənov 
Ölkə.Az

ŞƏRH YAZ
0

"Toppuş bacı"ya hansı sənətçi nə qədər pul göndərib? — VİDEO

12:47
Bu gün
5204
Maqazin
A
Xərçəng xəstəliyindən əziyyət çəkdiyi deyilən əməkdar artist Tünzalə Əliyevaya sənət adamlarının etdiyi maddi yardımın məbləği bəlli olub.

"Ölkə.Az"ın məlumatına görə, ATV-də yayımlanan "Bizimləsən" verilişinin aparıcısı T.Əliyevaya yardım edən sənətçilərin adlarını açıqlayıb.

Məlum olub ki, böyük əksəriyyətinin müğənnilər təşkil etdiyi siyahıda Aygün Kazımova, Nəzakət Teymurova, Bahar Lətifqızı, Könül Kərimova, Musa Musayev, Təran Qumral, Cabir Abdullayev, Əflatun Qubadov, Manaf Ağayev, Əlikram Bayrmov, Ayaz Qasımov, aşıq Əli, Damla, Sevda Yəhyayeva, Gülüstan Əliyeva, Nigar İbrahimova, İlkin Əhmədov, Babək Niftəliyev, Səidə Sultan, Elnur, Gülay Zeynalova, Eldəniz Məmmədova, Şəbnəm Tovuzlu kimi sənət nümayəndələrinin adları var.

Ölkə.Az

ŞƏRH YAZ
0
BAĞLA