"Azərbaycanda rahat və daha ucuz istirahət edə bildiyim üçün xarici ölkələrə getmirəm" — Millət vəkili

17:41
10.10.2018
2572
Siyasət
A
"Xaricdə istirahət etmək daha çox vəsait tələb etdiyi üçün mən Azərbaycanın bölgələrində istirahət edirəm. Bu gün Azərbaycanda olan turizm heç də dünyanın digər yerlərindəki səviyyədən geri qalmır".

Bu fikirləri "Ölkə.Az"a açıqlamasında Milli Məclisin deputatı İlham Məmmədov bildirib. 

Deputat deyib ki, bu gün Azərbaycanın bütün yerlərinə rahat hərəkət etmək üçün çox gözəl yollar çəkilib:

"Bu gün Bakıdan Azərbaycanın ən ucqar yerinə 3-4, ən uzağı 5 saata çox rahat çatmaq olur. Təkcə bu amil turistlər üçün rahatçılıq, yaxşı istirahət etmək üçün xərcin az olması deməkdir. Başqa ölkələrə gedən zaman isə bütün bunlar mövcud olmur. Xaricdə hava limanlarında gözləmək, gedəcəyin yerdə qarşılaşacağın problemlər olur. Əlbəttə ki, bütün bunlar hər bir turistin qarşılaşacağı problemlərdir. Ancaq bu gün Azərbaycana gələn turistlər çox rahat və yüksək şəkildə istirahət edirlər. Ona görə də artıq xərc çəkib hər hansı xarici ölkəyə getməyə ehtiyac qalmır. Həmin ölkələrdə etdiyin istirahətdən daha ucuz və rahat öz ölkəmizdə istirahət edə bilirik".

Azərbaycanda qış turizimi üçün də dövlət tərəfindən yüksək səviyyədə imkanlar yaradıldığını vurğulayan İ.Məmmədov qeyd edib ki, ölkəmizdə bütün mövsümlərdə turistlər olur:

"Azərbaycanda bütün mövsümlərdə istirahət etmək üçün gələn turistlərə yüksək şərait yaradılıb, müasir və dünya standartlarına cavab verən otellər, qış turizm komkleksləri salınıb, təbii qidalanma, gəzinti təşkil olunur. Bundan başqa, Azərbaycanda müalicəvi turizm üçün də yüksək şərait yaradılıb. Cənab Prezidentin tapşırığı ilə ölkəmizdə turizmin inkişafına böyük diqqət və qayğı göstərilir. Bütün bunlar da imkan verir ki, Azərbaycan yaxın gələcəkdə regionun turizm dövlətinə çevrilsin". 


Vasif Həsənli
Ölkə.Az

ŞƏRH YAZ
0

Türkiyədə yeni siyasi partiya yaradılır — Adı YAP olacaq

Türkiyədə yeni siyasi partiya yaradılır
07:54
Bu gün
604
Siyasət
A
Türkiyədə Əhməd Davudoğlu və Əli Babacanın partiya quracağı ilə bağlı müzakirələrin davam etdiyi bir zamanda Patent və Marka İdarəsinə yeni partiya ilə bağlı müraciət daxil olub.

“Ölkə.Az” qafqazinfo-ya istinadən  xəbər verir ki, müraciəti edilən partiyaya "Yaşam ve Adalet Partisi" (YAP) adı verilib.

Türkiyə mətbuatı bu partiyanın məhz Davudoğlu və Babacan tərəfindən qurulduğunu yazır.

Qeyd edək ki, Əhməd Davudoğlunun yeni partiyanın binasını da müəyyənləşdirdiyi bildirilir.

Ölkə.Az

ŞƏRH YAZ
0

Prezident ukraynalı həmkarını təbrik etdi

Prezident ukraynalı həmkarını təbrik etdi
17:56
23.08.2019
2188
Siyasət
A
Azərbaycan Respublikasının Prezidenti İlham Əliyev Ukraynanın Prezidenti Vladimir Zelenskiyə təbrik məktubu ünvanlayıb.

Hörmətli cənab Prezident,

Ukraynanın milli bayramı – Müstəqillik Günü münasibətilə Sizi və bütün xalqınızı öz adımdan və Azərbaycan xalqı adından ürəkdən təbrik edirəm.

İnanıram ki, Azərbaycan-Ukrayna əlaqələri, ölkələrimiz arasındakı ənənəvi dostluq münasibətləri, ikitərəfli və çoxtərəfli qaydada əməkdaşlığımız xalqlarımızın qarşılıqlı mənafelərinə uyğun olaraq bundan sonra da inkişaf edəcək və möhkəmlənəcəkdir.

Bu əlamətdar gündə Sizə ən xoş arzularımı yetirir, dost Ukrayna xalqına sülh və firavanlıq diləyirəm".

Ölkə.Az

ŞƏRH YAZ
0
BAĞLA