Azərbaycanda saytlara qoyulan bəzi kirayə ev şəkilləri real deyil — Müştərilər belə aldadılır

Azərbaycanda saytlara qoyulan bəzi kirayə ev şəkilləri real deyil
21:29
08.10.2018
2128
Maraqlı
A
Azərbaycanda "www.booking.com" və digər tanınmış onlayn sistemlərdə kirayə üçün qoyulan evlərin şəkilləri ilə onların real vəziyyətləri arasında uyğunsuzluqların olması hallarına rast gəlinib.

"Ölkə.Az" xəbər verir ki, bunu Trend-ə Azərbaycan Turizm Assosiasiyasının (AzTA) sədri Nahid Bağırov deyib.

N.Bağırovun sözlərinə görə, Azərbaycanda bəzi şəxslər öz mənzillərinin, yaxud kirayəyə götürdükləri mənzillərin şəkillərini turistlərə kirayəyə vermək üçün belə onlayn sistemlərə yerləşdirirlər. Lakin AzTA-ya daxil olan müraciətlərdən məlum olub ki, sistemə ev haqqında düzgün şəkillər qoyulmur, turistlər oraya gəldikdə sanitar-gigiyenik vəziyyətin yaxşı olmadığını görürlər:

"Bundan sonra da turistlər sosial şəbəkələrdə müəyyən fikirlər yazırlar. Bunlar isə Azərbaycan turizminin xeyrinə olmur".

Assosiasiya sədri qeyd edib ki, belə halların yaranmaması üçün tanınmış onlayn sistemlərin ölkəmizdəki nümayəndələrinə mənzillərin şəkilərini müəyyən yoxlamalardan sonra yerləşdirmələri tövsiyə edilib:

"Bununla bağlı çox problemlə üzləşdiyimiz üçün həmin sistemlərin Azərbaycandakı nümayəndələrinə bildirmişik ki, şəkilləri yoxladıqdan sonra sistemlərinə qoysunlar. Əks halda, həmin şəxslər sistemdən çıxarılacaq”.

Ölkə.Az

ŞƏRH YAZ
0

“Xan” restoranında ofisiant qabyuyanı zorlamaq istədi — 4 il azadlığından oldu

“Xan” restoranında ofisiant qabyuyanı zorlamaq istədi
20:45
Bu gün
515
Maraqlı
A
Bu gün Bakı Ağır Cinayətlər Məhkəməsində qadına qarşı təcavüzə cəhddə təqsirləndirilən Şamil Nağıyevin cinayət işi üzrə məhkəmə prosesi başa çatıb.

"Ölkə.Az"ın Trend-ə istinadən məlumatına görə, hakim Faiq Qəniyevin sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə Ş.Nağıyev dörd il azadlıqdan məhrum edilib.

İttihama görə, Bakıda “Xan” restoranında ofisiant kimi işləyən Ş.Nağıyev həmin obyektdə qabyuyan qadını zorlamağa cəhd edib.

Şikayət əsasında saxlanılan Ş.Nağıyev həbs edilib.

Ölkə.Az

ŞƏRH YAZ
0

15 illik təcrübənin nəticəsi — Bu qidalar gözünüzü kor olmaqdan qoruyur

15 illik təcrübənin nəticəsi
12:52
Bu gün
2864
Maraqlı
A
Uestmid institutunun bir qrup alimi 15 il davam edən tədqiqatın nəticələrini açıqlayıblar.

 “Ölkə.Az” xəbər verir ki, gündəlik olaraq tərkibində nitrat olan tərəvəz qəbulu kor olma riskini aşağı salır.

15 il davam edən təcrübədə Avstraliyanın yaşı 49-dan çox olan 2 min sakini iştirak edib. Məlum olub ki, gündəlik tərkibində 100-142 milliqram nitrat olan tərəvəzləri qəbul edən insanlarda makulodistrofiya riski 35% azalıb. Bu sıraya çuğundur, ispanaq və yaşıl salat daxildir.

Makulodistrofiya gözün sarı ləkəsinin dağılmasıdır. Bu zaman hüceyrələri qidalandıran damarlar məhv edir. Məhz bu xəstəlik yaşlı adamlarda kor olma riskini artırır.

Bir müddət əvvəl isə alimlər müəyyən etmişdilər ki, həftədə bir dəfə sitrus meyvəsi qəbul etmək gözü degenerasiyadan qoruyur.

Hikmət Həsənov
Ölkə.Az

ŞƏRH YAZ
0
BAĞLA