Azərbaycanda talassemiyalı xəstələrin müayinəsində yenilik ediləcək

Azərbaycanda talassemiyalı xəstələrin müayinəsində yenilik ediləcək
19:45
21.08.2017
223
Ölkə
A
Azərbaycan Tibb Universitetinin (ATU) mütəxəssisləri talassemiyalı xəstələrdə dəmir yüklənməsinin aşkarlanmasında yeniliyə nail olublar.

Səhiyyə Nazirliyinin mətbuat xidmətindən "Ölkə.Az"a verilən xəbərə görə, talassemiyalı xəstələrdə bədənin dəmirlə yüklənmə dərəcəsini müəyyən etmək üçün diş ətindən biopsiya götürüləcək. ATU-nun Histologiya və Stomatologiya kafedralarının mütəxəssisləri talassemiyalı xəstələrdə bədənin dəmirlə yüklənmə dərəcəsini diş ətindən götürülmüş biopsiya ilə tədqiqin mümkünlüyünü müəyyən ediblər.

“Histologiya” kafedrasının müdiri, professor Eldar Qasımov bildirib ki, talassemiya irsi xəstəlikdir və oksigeni bədənin bütün hissələrinə çatdıran hemoqlobin zülalının sintezinin pozulması nəticəsində baş verir: “Belə xəstələrdə qan azlığı olduğundan onlara bəzən ilk yaşlarındən başlayaraq qan köçürülür. Nəticədə onların bədənində ağır fəsadlara səbəb olan dəmir toplanması müşahidə oluna bilər.Bədənin dəmirlə yüklənmə dərəcəsini müəyyən etmək üçün bütün dünyada əksərən qaraciyərdən, bəzən isə ürəkdən kiçik ölçülü tikələr (biopsiya üsulu ilə) götürülüb tədqiq olunurlar. Qaraciyərdən və ürəkdən tikələrin götürülməsi xeyli mürəkkəb proses olmaqla yanaşı, xəstələrin həyatı üçün də əlavə problemlər yarada bilir. ATU-nun mütəxəssisləri artıq bu bunu daha problemsiz üsulla müəyənləşdirməyə nail olublar”.

ŞƏRH YAZ
0

Gədəbəydə güclü dolu və yağış — Heyvanlar tələf oldu

Gədəbəydə güclü dolu və yağış
01:01
Bu gün
3278
Ölkə
A
Gədəbəy rayonuna yağan güclü leysan yağışları təsərrüfata ziyan vurub.

"Ölkə.Az"ın "Report"a istinadən məlumatına görə, leysan yağışları və dolu nəticəsində rayonun Mormor, Arabaçı, Çay Rəsullu və daha bir neçə kənd ərazisində təsərrüfata ziyan dəyib.

Bəzi kəndlərdə yolları sel suları dağıdıb. Kəndlərə düşən dolu nəticəsində meyvə ağaclarına və bəzi evlərin dam örtüyünə də zərər dəyib. Rayonun Xarxar kəndindəki dağlıq ərazidəki otlaq sahəyə düşən ildırım nəticəsində 10-dan çox xırda buynuzlu heyvan tələf olub.

Qeyd edək ki, leysan yağışlar əsasən Şınıq bölgəsində intensiv olub və sakinlərin bildirdiyinə görə, bölgədə bir neçə kiçik körpüləri sel dağıdıb.

Baş vermiş təbiiət hadisəsinin vurduğu ziyanın hesablanması və yaratdığı problemlərin həlli istiqamətində işlər aparılır.

Ölkə.Az

ŞƏRH YAZ
0

Nazir şadlıq evlərinə xəbərdarlıq etdi: Cərimələr çox olacaq

Nazir şadlıq evlərinə xəbərdarlıq etdi: Cərimələr çox olacaq
23:06
22.05.2018
7757
Ölkə
A
Paytaxtın Nizami, Xətai, Binəqədi rayonlarında yerləşən şadlıq saraylarına xəbərdarlıq edilib. Ekologiya və Təbii Sərvətlər Nazirliyi tərəfindən aparılan monitorinqlər zamanı həmin restoran və şadlıq evlərinin atmosferi kanserogen maddələrlə çirkləndirdiyi müəyyən edilib.

"Ölkə.Az"ın xəbərinə görə, ekologiya və təbii sərvətlər naziri Muxtar Babayev Real TV-ə müsahibəsində bildirib ki, bu restoranların ərazisindən qalxan tüstü saat 8-dən sonra ərazinin atmosferini bürüməklə yanaşı çirklənməyə də səbəb olur.

Bunula bağlı həmin iaşə obyektlərinə xəbərdarlıq olunub ki, filtr və müasir havalandırma sistemlərindən istifadə etsinlər.

Xəbərdalıqdan nəticə çıxarmayanlar cərimə olunacaq. Özü də bu cərimələrin məbləği nəzərəçarpacaq dərəcədə çox olacaq.

Bunlarla yanaşı Xəzər sahilində yerləşib çirkab sularını dənizə axıdan iaşə obyektləri sahibləri qarşısında da təmizləyici qurğulardan istifadə etmələri ilə bağlı tələb qoyulub. Tələbləri yerinə yetirməyənlər isə cərimə olunacaqlar.

Nazirlik təkcə havanı, dənizi çirkləndirənləri deyil, ağackəsənlərə qarşı da sərt addımlar atmaq niyyətindədir. Bu addımlardan ilki cərimə məbləğlərinin artırılması olacaq. Nazir bu günlərdə səfərdə olduğu Naxçıvanın təcrübəsindən də danışıb. 

“Naxçıvanda insanlar təbiəti qoruyurlar, təbiətə hər kəs diqqətlə yanaşır. Bakıda da bunu tətbiq etmək lazımdır. Marifəndirmə ilə yanaşı cərimələr artırılmalıdır. Bilməlidirlər ki, ciddi cəza və cərimələr tətbiq olunacaq”, - deyə nazir qeyd edib.

Ölkə.Az

ŞƏRH YAZ
0
BAĞLA