Azərbaycanda ticarət festivallarının təşkili qaydası müəyyənləşdi

Azərbaycanda ticarət festivallarının təşkili qaydası müəyyənləşdi
18:02
20.03.2017
6
İqtisadiyyat
A
Mədəniyyət və Turizm Nazirliyinin Kollegiyası “Ticarət festivallarının təşkili Qaydası”nı təsdiq edib.

"Ölkə.Az" APA-ya istinadən xəbər verir ki, martın 17-dən qüvvəyə minən bu Qayda Mədəniyyət və Turizm Nazirliyi tərəfindən ticarət festivallarının təşkili qaydasını müəyyən edir.

Mədəniyyət və Turizm Nazirliyi Bakı Şəhər İcra Hakimiyyəti, digər dövlət və özəl sektor nümayəndələri ilə birlikdə ticarət festivallarını təşkil edir. Ticarət festivalı 2017-ci ildən etibarən Mədəniyyət və Turizm Nazirliyi tərəfindən təşkil edilən, keçirilən və idarə olunan pərakəndə satış, əyləncə və turizm xidmətlərini əhatə edən kompleks kampaniyadır. Operator nazirlik tərəfindən müəyyən olunan və ticarət festivallarının təşkilini, keçirilməsini və idarə olunmasını təmin edən hüquqi şəxsdir.

“Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi”ndəki təyin edilmiş hədəflərə nail olmaq üçün nazirlik və ya onun təyin etdiyi operator tərəfindən alış-veriş kampaniyalarının təşkil olunması, satış nöqtələri və alıcılarla işlərin qurulması, festival iştirakçılarının brendləşdirilməsi, turizm agentlikləri, hava yolları və qonaqlama müəssisələri ilə birlikdə turistlərin cəlb edilməsi üzrə proqramların həyata keçirilməsi, əyləncə tədbirləri və stimullaşdırıcı proqramların təşkili, sponsor və partnyorlarla əməkdaşlığın qurulması və idarə olunması, marketinq və kommunikasiyaların təşkili və aidiyyəti dövlət qurumları ilə fəaliyyətlərin əlaqələndirilməsi üzrə zəruri olan bütün hərəkətlər həyata keçirilir.

Ticarət festivallarının dövlət vəsaitləri, kreditlər, qrantlar, ianələr və yardımlar və dövlət orqanları, hüquqi və fiziki şəxslər ilə bağlanmış müqavilələr əsasında əldə edilmiş vəsaitlər hesabına formalaşır. Ticarət festivallarının büdcələrinin maliyyələşdirilməsi üçün operator tərəfindən sponsor və partnyorlar cəlb edilir və onlara əvvəlcədən operator tərəfindən müəyyən edilmiş sponsor və partnyor paketləri üzrə müxtəlif variantlar təklif edilir. Sponsorluq və partnyorluq müqabilində sponsor və partnyorlara güzəşt paketləri, imtiyazlar və sponsor və ya partnyora məxsus iştirakçılar üçün imtiyazlar təqdim edilir. Ticarət festivalları Mədəniyyət və Turizm Nazirliyinin təsdiq etdiyi ticarət obyektlərində, yarmarkalarda və məkanlarda keçirilir. Ticarət festivalları dövründə ticarət və xidmət zamanı qanunvericiliklə qadağan olunmuş malların satılması və xidmətlərin göstərilməsi qadağandır. Ticarət festivallarında iştirak etmək istəyən iştirakçılar operator tərəfindən qeydiyyata alınmalıdırlar. Ticarət festivalları dövründə ƏDV-nin qaytarılması şərti ilə satış həyata keçirən vergi ödəyicilərinin qeydiyyatı həyata keçirilir. Ticarət festivallarının brendləşdirici nişanlarından istifadə və ticarət festivallarında iştiraka istinad yalnız operator tərəfindən qeydiyyatdan keçmiş iştirakçılar tərəfindən edilə bilər. Qeydiyyatdan keçmək istəyən müəssisə və sahibkarlar qeydiyyat ərizəsini operatorun rəsmi internet səhifəsində göstərilmiş müddətədək və qeydiyyat ərizəsində göstərilən sənədlərlə birlikdə operatora təqdim edirlər. Ərizə operatora daxil olduqdan ilk 5 iş günü ərzində təqdim edilmiş məlumatın dolğunluğu yoxlanılır. Əgər hər hansı məlumat və ya sənəd çatışmırsa, bununla bağlı ərizəçiyə sorğu göndərilir və 3 iş günü müddətində çatışmazlıqların aradan qaldırılması təklif edilir. Ərizə formasındakı məlumatların dolğunluğu yoxlanıldıqdan və təqdim edilən sənədlərin tamlığı təsdiq edildikdən sonra ərizə verən iştirakçı kimi qeydiyyata alınır. İştirakçıların siyahısı operatorun rəsmi internet səhifəsində dərc edilir və onlara müqavilələrin bağlanılması üçün 5 iş günü müddətində yazılı bildiriş göndərilir. Operatorun qəbul etdiyi qərarlardan və vəzifəli şəxslərin hərəkətlərindən nazirliyə şikayət verilə bilər.

ŞƏRH YAZ
0

Azərbaycanda gömrük rüsumları dəyişəcək

Azərbaycanda gömrük rüsumları dəyişəcək
00:12
Bu gün
130
İqtisadiyyat
A
Gələn ildən Azərbaycanda yeni idxal və ixrac gömrük rüsumları tətbiq olunacaq.

Ölkə.Az-ın APA-ya istinadən məlumatına görə, Nazirlər Kabineti bununla əlaqədar “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ni təsdiq edib.

Yeni qərar 2018-ci il 1 yanvar tarixindən qüvvəyə minir. Nazirlər Kabineti müvafiq olaraq 2001-ci il 12 aprel tarixli 80 nömrəli qərarı ilə təsdiqlənmiş “Azərbaycan Respublikasının ərazisinə gətirilən mallar üzrə gömrük idxal rüsumlarının dərəcələri” və  “Azərbaycan Respublikasından ixrac zamanı ixrac gömrük rüsumuna cəlb olunan malların siyahısı və ixrac rüsumlarının dərəcələri”ni ləğv edib.

Nazirlər Kabineti gömrük-tarif mexanizminin daha da təkmilləşdirilməsi yolu ilə xarici iqtisadi fəaliyyətin səmərəliliyinin artırılması, ölkədə rəqabətədavamlı məhsulların istehsalı, daxili bazarın qorunması və qeyri-neft sektorunun davamlı inkişafında dövlət dəstəyinin daha da gücləndirilməsi, idxal rüsumlarının çoxpilləli sistemdən azpilləli sistemə keçirilməsi, habelə “Malların Təsviri və Kodlaşdırılması üzrə Harmonikləşdirilmiş Sistem haqqında” Beynəlxalq Konvensiyaya və göstərilən Konvensiyaya Düzəliş Protokoluna qoşulmaq barədə” qanuna uyğun olaraq, xarici iqtisadi fəaliyyətin mal nomenklaturası (XİFMN) üzrə kodların Beynəlxalq Harmonik Sistemin yeni variantına uyğunlaşdırılması məqsədi ilə və Azərbaycan Respublikası Prezidentinin “Azərbaycan Respublikası Gömrük Məcəlləsinin təsdiq edilməsi haqqında” qanunun tətbiqi barədə” 2011-ci il 15 sentyabr tarixli fərmanına və “Gömrük tarifi haqqında” qanunun tətbiqi barədə” 2013-cü il 4 iyul tarixli fərmanına əsasən belə bir qərar qəbul edib. 

ŞƏRH YAZ
0

Azərbaycan neftinin SON QİYMƏTİ

Azərbaycan neftinin SON QİYMƏTİ
23:48
21.11.2017
318
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti noyabrın 20-də 63,34 dollar/barel təşkil edib ki, bu da ötən həftənin cümə gününə olan göstəricidən 0,53 dollar/barel azdır.

Ölkə.Az Trend-ə istinadən bildirir ki,  FOB bazisi üzrə Türkiyənin Ceyhan limanında Azərbaycanın yüngül neftinin qiyməti noyabrın 20-də 62,66 dollar/barel təşkil edib ki, bu da əvvəlki qiymətdən 0,54 dollar/barel azdır.

Novorossiysk limanından yüklənən URALS neftinin qiyməti noyabrın 20-də 59,84 dollar/barel təşkil edib ki, bu da əvvəlki qiymətdən 0,58 dollar/barel azdır.

Şimal dənizindən hasil edilən "Brent Dated" etalon növlü neftin qiyməti isə noyabrın 20-də 61,38 dollar/barel təşkil edib. Bu, əvvəlki qiymətdən 0,53 dollar/barel azdır.

ŞƏRH YAZ
0
BAĞLA