Azərbaycanda vəzifədə ikən vəfat edən nazirlər, iri ranqlı məmurlar — SİYAHI

Azərbaycanda vəzifədə ikən vəfat edən nazirlər, iri ranqlı məmurlar
21:45
23.06.2018
9732
Ölkə
A
Xəbər verdiyimiz kimi, bu gün Azərbaycanın müdafiə sənayesi naziri Yavər Camalov qəfildən dünyasını dəyişib. Məlumata görə, bu günlərdə Parisdə keçirilən "EUROSATORY-2018” beynəlxalq müdafiə və təhlükəsizlik sərgisində iştirak etmiş Yavər Camalovun səhhəti qəfil pisləşib və dünyasını dəyişib.

“Ölkə.Az” xəbər verir ki, Y. Camalov vəzifədə ikən dünyasını dəyişən ilk iri ranqlı məmur deyil. Belə ki, bir müddət əvvəl energetika naziri Natiq Əliyevin qəfildən səhhətinin ağırlaşması və vəfatı cəmiyyətdə şok effekti yaratmışdı. Mərhum nazir də elə iyun ayında dünyaya əbədi olaraq gözlərini yummuşdu.

Azərbaycan Respublikası Prezidenti yanında Xüsusi İdarənin rəisi olmuş Afiyəddin Cəlilovun ölümü isə faciəvi olub. O, 29 sentyabr 1994-cü ildə 70 yaşında sui-qəsd nəticəsində qətlə yetirilib.

Azərbaycan Milli Məclisinin vitse-spikeri olmuş Afiyəddin Cəlilov da sui-qəsd qurbanı olub. O, 1994-cü il sentyabrın 29-da Bakıda yaşadığı binanın blokunda sui-qəsd nəticəsində qətlə yetirilib. Afiyəddin Cəlilovun qətli ilə bağlı bu günədək müxtəlif versiyalar səsləndirilir.

Dövlət Şəhərsalma və Arxitektura Komitəsinin mərhum sədri Abbas Ələsgərov da vəzifədə ikən vəfat edənlər arasındadır. Bu ilin fevral ayında dünyasını dəyişən A. Ələsgərov "Qurd qapısı" qəbiristanlığında dəfn olunub.

Azərbaycanın səhiyyə nazirinin müavini Abbas Vəlibəyov da vəzifədə olarkən dünyasını dəyişən məmurlar siyahısındadır. O, cari ilin aprelində 71 yaşında vəfat edib.

Naxçıvan Muxtar Respublikasının Ədliyyə nazirinin müavini və Penitensiar Xidmətin rəisi Şahin Ziyad oğlu Təhməzov isə ürək tutmasından vəfat edib. 

Maliyyə Nazirliyiyinin Müasir texnologiyalar və avtomatlaşdırılmış idarəetmə sistemləri şöbəsinin müdiri Ülfət Göyüşov da vəzifədə ikən ürək tutmasından vəfat edən məmurlardandır.

Qeyd edək ki, Ü. Göyüşov Birinci vitse-prezidentin köməkçisi, Prezident Administrasiyası Gənclər siyasəti və idman məsələləri şöbəsinin müdiri Yusuf Məmmədəliyevin atası, mərhum akademik Yusif Məmmədəliyevin kürəkənidir.

Cari ildə ölümü ilə cəmiyyətdə şok effekti yaradan şəxslərdən biri də mərhum deputat Astan Şahverdiyevdir. Hər zaman mətbuata açıqlamaları ilə gündəmə gələn A. Şahverdiyev bu il 71 yaşında vəfatı ilə gündəm oldu. 

Deputat ikən dünyasını dəyişənlərdən biri də Naxçıvan Ali Məclisinin millət vəkili Naxçıvan Müəllimlər İnstitunun rektoru, pedeqogika üzrə elmlər doktoru, Əməkdar elm xadimi Oruc Həsənlidir. O, uzun sürən xəstəlikdən sonra bir neçə gün əvvəl dünyasını dəyişib.

Vəzifədə ikən ölənlər arasında İH-da çalışanlar da var. Belə ki, onlardan biri Şamaxı Rayon İcra Hakimiyyəti başçısının mərhum müavini Ağamustafa Vahidovdur.

Qeyd edək ki, A. Vahidov həmçinin Sosial-iqtisadi inkişafın təhlili və proqnozlaşdırılması şöbəsinin müdiri olub.

Ölkə.Az

ŞƏRH YAZ
0

İlk peşə-ixtisas təhsili alan şagirdlərin buraxılış imtahanları başa çatıb

İlk peşə-ixtisas təhsili alan şagirdlərin buraxılış imtahanları başa çatıb
18:24
Bu gün
2182
Ölkə
A
Dövlət İmtahan Mərkəzi (DİN) bu gün respublikanın 23 şəhər və rayonunda isə ilk peşə-ixtisas təhsili müəssisələrinin sonuncu sinfində təhsil alan şagirdləri üçün buraxılış imtahanı keçirib.

"Ölkə.Az" xəbər verir ki, imtahan dinləmə mətninin səsləndirilməsi ilə başlayıb və 3 saat müddətində aparılıb.

Fevralın 18-dən etibarən Dövlət İmtahan Mərkəzində imtahan materiallarının emalına başlanılacaq.

İmtahanda şagirdlərin bilik və bacarıqlarını yoxlamaq məqsədilə tədris dili fənni üzrə 30, riyaziyyat fənni üzrə 25, xarici dil fənləri üzrə isə 30 tapşırıq olmaqla ümumilikdə 85 tapşırıq təqdim edilib.

Yazılı cavab vermək tələb olunan işlər DİM və onun Regional Bölmələrində müvafiq təhlükəsizlik tələblərinə cavab verən ekspertiza (yoxlama) zallarında, qapalı şəraitdə, markerlər tərəfindən yoxlanılacaqdır. Yazı işlərinin yoxlanılması üçün proqram təminatı Dövlət İmtahan Mərkəzinin mütəxəssisləri tərəfindən hazırlanıb.

Hər bir yazı işi əvvəlcə “scan” olunur və 2 marker tərəfindən qiymətləndirilir (markerlərin qiymətləri arasında fərq yarandıqda həmin yazı işi proqram tərəfindən 3-cü markerə göndərilir). Yoxlama zamanı markerin kompüterinin monitorunda yazı işinin müəllifi haqqında heç bir məlumat (ad, soyad, ata adı, şagird kodu, ünvan və s.) verilmir. Monitorda yalnız yazı işi, yazı işini qiymətləndirmək üçün meyarlar və qiyməti daxil etmək üçün müvafiq sahə göstərilir. Proqram, həmçinin şagirdin yazı işini həmin şagirdin yaşadığı zonadan olmayan markerlərin kompüterinə göndərir.

Bundan əlavə imtahanda şagirdlərə təqdim olunan hər bir tapşırıq üçün ayrıca qiymətləndirmə meyarı hazırlanıb və markerlər hər hansı bir tapşırığa aid yazı işini yoxladıqda məhz həmin tapşırığın qiymətləndirmə meyarına əsaslanırlar. Qiymətləndirmə meyarlarında tapşırığın mümkün həll üsulları və ehtimal olunan (gözlənilən) cavablar nəzərə alınır. Qiymətləndirmə meyarı tapşırığın qiymətləndirilməsi üçün dolğun təlimatdır və marker yazı işini qiymətləndirərkən həmin tapşırığın qiymətləndirmə meyarından kənara çıxmır.

İmtahanda istifadə olunan yazılı cavab vermək tələb olunan açıq tipli tapşırıqların yoxlanılması uzun müddət tələb etdiyindən nəticələrin 10 gün ərzində elan olunması nəzərdə tutulur.

Ölkə.Az

ŞƏRH YAZ
0

Şamaxıda yollar buz bağlayıb

Şamaxıda yollar buz bağlayıb
17:48
Bu gün
1250
Ölkə
A
Şamaxıya yağan qar yolların buz bağlamasına səbəb olub.

"Ölkə.Az" oxu.az-a istinadən bildirir ki, iki gündür qarın yağması avtomobil yollarına təsirsiz ötüşməyib.

Ağsu dolaylarında qış mövsümünə hazır olmayan avtomobillərin sürücüləri çətin anlar yaşayıblar.

Şaxtalı hava səbəbindən buz bağlayan Şamaxı-Çöl Göylər-Padar yolunun enişli-yoxuşlu nöqtələrinə, sərt döngələrinə qum-duz qarışığı səpilib. Yolda növbəli əsasda işçi qrupunun üzvləri fəaliyyət göstərir.

Şaxtalı hava üzündən sürücülərə axşam saatlarında yola çıxmamaq tövsiyə edilir.

Ölkə.Az

ŞƏRH YAZ
0
BAĞLA