Azərbaycanda virus mənşəli xəstəlik yayılıb — VİDEO

Azərbaycanda virus mənşəli xəstəlik yayılıb
21:58
07.12.2017
4481
Ölkə
A
Öskürək, yüksək hərarət... Bunlar qripin əlamətlərinə bənzəsə də, əslində başqa bir xəstəlikdən xəbər verir. Ölkədə qripəbənzər viruslar peyda olub. Bu xəstəliklər hansı fəsadlara yol aça bilər və bundan qorunmaq üçün nələrə diqqət etməliyik?

Azərbaycanda oktyabrın 1-dən, yəni qrip müayinələri mövsümünün başladığı gündən indiyə qədər Taun Əleyhinə Stansiyasının laboratoriyasına ölkənin müxtəlif şəhər və rayonlarından 63 şübhəli yaxma nümunəsi daxil olub. 

Ölkə.Az-ın xəbərinə görə, bunu stansiyanın direktor müavini Rita İsmayılova Xəzər TV-yə açıqlamasında deyib.

Onun sözlərinə görə, nümunələrin müayinəsi nəticəsində xüsusi təhlükəli kəskin respirator xəstəliklərinin törədiciləri aşkar edilməyib. Sadəcə qripəbənzər respirator xəstəliklərin növü olan 2 paraqrip və 1 adenovirus aşkar olunub.

Rita İsmayılova qeyd edib ki, 51 yaxma nümunəsi 17 yaşına qədər insanlardan götürülüb. Bu viruslara yoluxmamaq üçün isə bir neçə nüansa fikir vermək kifayət edir.

Direktor müavini həmçinin qeyd edib ki, bu viruslar daha çox payız və qış mövsümlərdə peyda olur və vaxtında müalicə olunmadıqda fəsadlar verir.

 

ŞƏRH YAZ
0

Bakı suyun altında qaldı — FOTO

Bakı suyun altında qaldı
10:36
Bu gün
109
Ölkə
A
Səhər saatlarından Bakıda yağan leysan nəticəsində bir neçə küçəni su basıb.

"Ölkә.Az" oxu.az-a istinadla xəbər verir ki, yağışdan sonra paytaxtın mərkəzi küçələri suyun altında qalıb.

Füzuli küçəsində suyun səviyyəsi 20 santimetr təşkil edir. 

Bakının küçələrində çəkilən fotoları diqqətinizə təqdim edirik.

Ölkә.Az

ŞƏRH YAZ
0

Ermənistan silahlı qüvvələri atəşkəsi 96 dəfə pozub

Ermənistan silahlı qüvvələri atəşkəsi 96 dəfə pozub
09:53
Bu gün
200
Ölkə
A
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 96 dəfə pozub.

"Ölkə.Az"a Müdafiə Nazirliyinin Mətbuat Xidmətindən verilən məlumata görə, Ermənistan Respublikası Noyemberyan rayonunun Dovex kəndində və adsız yüksəkliklərdə, İcevan rayonu ərazisindəki adsız yüksəkliklərdə yerləşən mövqelərdən Qazax rayonunun Qaymaqlı və Quşçu Ayrım kəndlərində, Berd rayonunun Mosesqex, Çinari kəndlərində və adsız yüksəkliklərdə yerləşən mövqelərdən Tovuz rayonunun Ağdam, Əsrik Cırdaxan və Qaralar kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Yarımca, Ağdam rayonunun Nəmirli, Tağıbəyli, Baş Qərvənd, Cəvahirli, Abdinli, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qorqan, Kürdlər, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər, Ağdam, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

Ölkə.Az

ŞƏRH YAZ
0
BAĞLA