Azərbaycanda xəstəxana ağır xəstəni qəbul etmədi — VİDEO

Azərbaycanda xəstəxana ağır xəstəni qəbul etmədi
21:53
11.08.2017
315
Ölkə
A
Şəkidən Yevlaxa qonaq gedən vətəndaşın vəziyyəti qəfildən pisləşib.

Ölkə.Az-ın Xəzər TV-yə istinadən məlumatına görə, onu xəstəxanaya aparsalar da, Yevlax rayon Mərkəzi Xəstəxanasında xəstəni qəbul etməyiblər. Səbəb kimi isə onun başqa rayonda qeydiyyatda olmasını göstəriblər. 

Yaxınlarının iddiasına görə, hadisə ötən gün axşam saatlarına Yevlax rayonunda olub. Şəki sakini 22 yaşlı Əmrah Əşirli dayısı evinə qonaq gəlib. Bir müddət sonra gənc oğlanın böyrəyindən kəskin sancı tutub. Qohumları onu dərhal Yevlax rayon Mərkəzi Xəstəxanasına aparıblar. Kadrlardan da göründüyü kimi xəstə ağrı içində qıvrılır. Əlacsız qalan qohumları isə xəstəxananın qarşısında vurnuxurlar.

Çəkilişi edən xəstənin yaxını içəri daxil olduqda isə xəstəxananın əməkdaşları gizlənməyə cəhd edirlər.

Qohumları həkimin ilkin yardımından sonra başqa xəstəxanaya aparacaqlarını desələr də, bir həkim belə xəstəyə yaxın durmayıb.

Xəstəxanadan bildiriblər ki, Əmrah Əşirlini Mingəçevir şəhər xəstəxanasına aparsınlar. Xəstənin dayısı xəstəxanadan təcili yardım maşını istəsə də, onlar buna da məhəl qoymayıblar. Bu səbəbdən kəskin ağrılar içində olan Əmrah Əşirlini qohumları Ağdamın Quzanlı xəstəxanasına aparıblar. Orda ilkin yardım edilib hazırda vəziyyəti normaldır.

Xəstə yaxınlarının dediklərinə inansaq, Yevlax Mərkəzi Xəstəxanasının münasibətindən belə çıxır ki, hər kəs yalnız qeydiyyatda olduğu rayonda xəstələnməlidir. 

Xəstəxana Səhiyyə Nazirliyinin deyil, İcbari Tibbi Sığorta Agentliyin tabeliyindədir. Adı çəkilən qurumdan bildiriblər ki, məsələ ilə bağlı yalnız bazar ertəsi açıqlama verə bilərlər. Halbuki el bu gün də iş günüdür. 

ŞƏRH YAZ
0

Liseylərin V və VII siniflərinə qəbulla bağlı müsabiqə keçirilib

Liseylərin V və VII siniflərinə qəbulla bağlı müsabiqə keçirilib
19:45
Bu gün
98
Ölkə
A
Bakı Şəhəri üzrə Təhsil İdarəsinin (BŞTİ) tabeliyindəki lisey və məktəb-liseylərin V və VII siniflərinə qəbulla bağlı müsabiqə keçirilib.

BŞTİ-dən "Ölkə.Az"a verilən məlumata görə, müsabiqədə şagirdlər ana dili, riyaziyyat və məntiqə aid 60 sualdan ibarət test tapşırığını yerinə yetiriblər.

V sinfə qəbul üzrə müsabiqədə sualların cavablandırılması üçün şagirdlərə 80 dəqiqə, VII sinfə qəbul üzrə müsabiqədə isə 1 saat 40 dəqiqə vaxt verilib.

Bildirilib ki, Texniki-Humanitar Lisey, 2 nömrəli Texniki-Humanitar Lisey, 147 nömrəli Texniki-Humanitar Lisey və 291 nömrəli Ekologiya Liseyinin V sinfinə qəbul üçün müsabiqədə 1 315 nəfər iştirak edib. Onlardan 848-i Texniki-Humanitar Liseyə, 111-i 2 nömrəli Texniki-Humanitar Liseyə, 171-i 147 nömrəli Texniki-Humanitar Liseyə, 185-i isə 291 nömrəli Ekologiya Liseyinə qəbul üçün müsabiqəyə qatılıb.

BŞTİ-nin tabeliyindəki 23 məktəb-lisey və liseyin VII sinfinə (20, 62, 70, 72, 83, 166, 213, 220, 246, 252, 261, 264, 267, 275, 299, 49, MLK, 2 nömrəli Texniki-Humanitar Lisey, 147 nömrəli Texniki-Humanitar Lisey, 291 nömrəli Ekologiya Liseyi, Texniki-Humanitar Lisey, 16 nömrəli Texniki-Humanitar Lisey, 287 nömrəli “Zəkalar” Liseyi) qəbul üçün müsabiqədə isə təmayül istiqamətlərinə uyğun olaraq (humanitar, texniki, təbiət) 2142 şagird iştirak edib.

ŞƏRH YAZ
0

Nazirlik tülküyə işgəncə verən şəxsi cərimələdi

Nazirlik tülküyə işgəncə verən şəxsi cərimələdi
18:36
Bu gün
796
Ölkə
A
Son günlər vəhşi heyvana qarşı qəddarlıq göstərərək nümayişkaranə surətdə sosial şəbəkədə video görüntüləri yayan şəxsin tapılması məqsədilə Azərbaycan Heyvanların Qorunması Cəmiyyətinin Heyvan Haqları üzrə inzibatçısı Fərid Mansurov tərəfindən aidiyyəti qurumlara müraciət olunub.

Ekologiya və Təbii Sərvətlər Nazirliyinin (ETSN) mətbuat xidmətindən "Ölkə.Az"a verilən məlumata görə, müraciət Heydər Əliyev Fondu tərəfindən nəzarətə götürülüb.

Nərimanov rayonu 18-ci polis bölməsinin əməkdaşları tərəfindən tülküyə işgəncə verən şəxslə bağlı araşdırmalara başlanılıb. Araşdırma zamanı tülkü ilə rəhmsiz davranaraq sosial şəbəkədə görüntüləri yayan şəxsin Bakı şəhəri sakini Akif Həsənov olduğu müəyyən edilib. A.Həsənov hadisəni etiraf edərək səhvini boynuna alıb. 

ETSN tərəfindən qanun pozucusu inzibati xəta törətdiyinə görə 500 manat məbləğində cərimə olunub və cərimənin ödətdirilməsi təmin edilib.

ŞƏRH YAZ
0
BAĞLA