Azərbaycanda xəstəxana yanır

"Ölkə.Az" xəbər verir ki, Yevlax Rayon Mərkəzi Xəstəxanasında yanğın davam edir.

Yanğını söndürmək hələki mümkün olmayıb. Yanğın zamanı xəstəxanada olan ağır xəstləri yaxınlıqda olan Mingəçevir və Bərdə rayon Mərkəzi Xəstəxanalarına çatdırıblar.

Ərazidə olan əməkdaşımızın verdiyi məlumata görə, təxminən 35-40 xəstə, o cümlədən uşaqlar içəridə qalıb.

Qeyd edək ki, ilkin ehtimala görə yanğının elektirik naqillərində qısa qapanmadan baş verməsi ehtimal edilir.

***

"Ölkə.Az"-ın verdiyi məlumata görə bu gün günorta saatlarında Yevlax rayon mərkəzi xəstəxanasında yanğın baş verib. Hadisə yerinə yanğınsöndürən maşınlar cəlb edilib. Hələki yanğını ram etmək mümkün olmayıb.

Əldə etdiyimiz məlumata görə, xəstələri və həkim heyətini Mərkəzi xəstəxanadan çıxardıblar. Yanğınla bağlı xəsarət alanlarla bağlı heç bir məlumat yoxdur.

Əlavə məlumatlar əldə etdikcə diqqətinizə çatdıracağıq.

Səxavət Məmməd
Ölkə.Az