Azərbaycanda yeni dövlət qurumu yaradılır — FƏRMAN

Azərbaycanda yeni dövlət qurumu yaradılır
21:20
13.11.2017
5508
Ölkə
A
Prezident İlham Əliyev Azərbaycan Respublikasının Qida Təhlükəsizliyi Agentliyinin fəaliyyətinin təmin edilməsi haqqında fərman imzalayıb.

Ölkə.Az xəbər verir ki, sənədə əsasən, “Azərbaycan Respublikasının Qida Təhlükəsizliyi Agentliyi haqqında Əsasnamə” təsdiq edilib.

Agentliyin Aparatının işçilərinin say həddi 75 ştat vahidi müəyyən olunub. Agentliyin tabeliyində publik hüquqi şəxs statuslu Azərbaycan Qida Təhlükəsizliyi İnstitutu yaradılacaq.

Müəyyən edilib ki, Azərbaycan Qida Təhlükəsizliyi İnstitutu (bundan sonra – İnstitut) qida məhsullarının təhlükəsizliyi sahəsində elmi-praktiki araşdırmalar aparacaq, elmi prinsiplərə əsaslanan risk qiymətləndirilməsini həyata keçirəcək, qida təhlükəsizliyi sahəsində texniki normativ hüquqi aktların layihələrini hazırlayacaq və aidiyyəti üzrə təqdim edəcək, qida məhsullarına dair digər beynəlxalq standartların qida məhsullarının istehsalçıları tərəfindən könüllü tətbiqinə nəzarət edəcək, qida məhsullarının təhlükəsizliyi göstəriciləri üzrə tədqiqat xidmətləri göstərəcək.

İnstitutda təsisçinin səlahiyyətlərinin həyata keçirilməsi aşağıdakılara həvalə edilir:

Azərbaycan Respublikasının Prezidentinə:

- İnstitutun yenidən təşkil və ləğv edilməsi;

- Azərbaycan Respublikasının Nazirlər Kabinetinə:

- nizamnamənin və strukturun təsdiqi;

- nizamnamə fondunun miqdarının müəyyən edilməsi;

- icra orqanının yaradılması və onun səlahiyyətlərinin müəyyənləşdirilməsi;

Azərbaycan Respublikasının Qida Təhlükəsizliyi Agentliyinə:

- bu Fərmanın 6.1-ci və 6.2-ci bəndlərində nəzərdə tutulanlar istisna olmaqla, “Publik hüquqi şəxslər haqqında” Azərbaycan Respublikası Qanununun 8.2-ci maddəsində publik hüquqi şəxsin təsisçisinin səlahiyyətlərinə aid edilmiş digər məsələlərin həlli.

Azərbaycan Respublikasının Nazirlər Kabineti:

- Azərbaycan Respublikasının Qida Təhlükəsizliyi Agentliyinin yaradılması ilə əlaqədar Azərbaycan Respublikası qanunlarının uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin; Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin; Azərbaycan Respublikası Nazirlər Kabinetinin normativ hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin; “Azərbaycan Respublikasında qida təhlükəsizliyi sisteminin təkmilləşdirilməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 10 fevral tarixli 1235 nömrəli Fərmanının 3.1-ci bəndi nəzərə alınmaqla, Azərbaycan Respublikası Qida Təhlükəsizliyi Agentliyinin regional bölmələrinin işçilərinin say həddi barədə təkliflərini hazırlayıb bir ay müddətində Azərbaycan Respublikasının Prezidentinə təqdim etsin; İnstitutun nizamnaməsini və strukturunu təsdiq etsin, habelə nizamnamə fondunun formalaşdırılmasını təmin etsin və bu barədə iki ay müddətində Azərbaycan Respublikasının Prezidentinə məlumat versin; Azərbaycan Respublikasının Əmlak Məsələləri Dövlət Komitəsi və Azərbaycan Respublikasının Qida Təhlükəsizliyi Agentliyi ilə birlikdə İnstitutun maddi-texniki təminatı ilə bağlı məsələləri iki ay müddətində həll etsin; dövlət orqanları və qurumlarının bu Fərmanın 1-ci hissəsi ilə təsdiq edilən Əsasnamədə Azərbaycan Respublikasının Qida Təhlükəsizliyi Agentliyinin fəaliyyət istiqamətləri üzrə müəyyən edilmiş səlahiyyətlərinin həyata keçirilməsinə xidmət edən ştat vahidlərinin ixtisarı ilə bağlı təkliflərini üç ay müddətində Azərbaycan Respublikasının Prezidentinə təqdim etsin; mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin; fərmandan irəli gələn digər məsələləri həll etsin.

Ədliyyə Nazirliyinə tapşırılıb ki, mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Fərmana uyğunlaşdırılmasını təmin edib Nazirlər Kabinetinə məlumat versin.

Fərmanın 1-ci hissəsi 2018-ci il yanvarın 1-dən qüvvəyə minir.

ŞƏRH YAZ
0

Bakıda “Xocalıya ədalət” şüarı altında yarış keçirildi — FOTOLAR

Bakıda “Xocalıya ədalət” şüarı altında yarış keçirildi
15:40
Bu gün
14
Ölkə
A
Azərbaycan Respublikası Gənclər və İdman Nazirliyinin və Kung-Fu Federasiyasının birgə təşkilatçılığı, Xocalı Promotionun dəstəyi ilə Bakıda "Xocalıya Ədalət şüarı" altında peşəkar kung fu sanda və boks yarışı keçirilib.

“Ölkə.Az” xəbər verir ki, Azərbaycanın kung fu üzrə yığma komandasının rəqibi Iran idmançıları olub. Yarışı açıq elan Federasiyanın ümumi işlər üzrə vitse prezidenti, kikboksinq üzrə beş qat dünya çempionu Ehram Məcidov yarış haqqında məlumat verərək qeyd edib ki, ölkəmizdə keçirilən kung fu üzrə peşəkar  beynəlxalq yarışda Azərbaycanı 8 idmançı təmsil edəcək:

"Biz bu gün  yığma komandamızın ən güclülərinin döyüşünü izlədik.Iran idmançıları ilə qarşılaşan döyüşçülərimiz yüksək peşəkarlıq nümayiş etdirərək bir daha nəyə qadir olduqlarını göstərdilər.Bu cür yarışları keçirməkdə əsas məqsədimiz dövlətimizin apardığı siyasətə idman vasitəsilə dəstək verməkdir.Xocalıya Ədalət şüarı ilə haqq səsimizi dünyaya çatdırmağa çalışırıq. Qoy bütün dünya erməni vəhşiliyindən xəbərdar olsun səsimizə səs versin". Kung-Fu federasiyasının vitse prezidenti Tural Alışanlı isə çıxışında vurğulayıb ki, əsas məqsədin dünyada aparılan Xocalıya ədalət kampaniyasına dəstək verməkdir. O qeyd edib ki, Azərbaycan idmmançıları bu gün istər dünyada istərsə də ölkəmizdə keçirilən yarışlarda yüksək nailiyyətlər qazanaraq adlarını qaliblər sırasına yazdırmağa müvəffəq olurlar .Məhz ölkəmizdə aparılan uğurlu idman siyasətinə öz töhfəmizi vermək həmçinin də dünyanı Xocalıya ədalət deməyə çağıraraq bu cür yarışlar keçirməyi hədəfləmişik."

Digər çıxış edənlər də öz növbələrində  idmançılarımıza uğurlar arzulayıblar. Qeyd edək ki, 56 kq çəki dərəcəsində ölkəmizi  Səxavət Həsənov təmsil edərək  iranlı Fardin Xazri üzərində qələbə qazanıb.60 kq çəkidə Elxan Cəfərov,70 kq çəkidə  Israfil Şabanov, 75 kq çəkidə Yerkin Osmanov, 81 kq çəkidə Rauf Gərayzadə və gənclər arasında 70 kq çəki dərəcəsində idmançılarımız yüksək nəticələr qazanaraq adlarını qaliblər sırasına yazdıraraq Xocalı-1 kubokuna sahibləniblər

 

ŞƏRH YAZ
0

Bu gündən müəllimlər biliklərini sınayacaqlar

Bu gündən müəllimlər biliklərini sınayacaqlar
15:11
Bu gün
204
Ölkə
A
Bu gün ümumi təhsil müəssisələrinə müəllimlərin işə qəbulu üzrə müsabiqənin test mərhələsinə start verilib.

Bu barədə "Ölkə.Az"a Təhsil Nazirliyindən bildirilib.

Namizədlərə ixtisaslarına uyğun olaraq ümumtəhsil məktəblərinin fənn proqramının məzmunu üzrə 40, metodika, təlim strategiyaları üzrə 10 və məntiq üzrə 10 sual olmaqla ümumilikdə 60 sualı cavablandırmaq üçün 90 dəqiqə vaxt verilib.

Qeyd edək ki, müsabiqədə iştirak etmək üçün müraciət edənlərdən 46 839 namizədin elektron ərizəsi təsdiq edilib.

Azərbaycan Texniki Universitetinin idman zalında keçirilən imtahanda gün ərzində 4 min nəfərə yaxın şəxsin imtahan verəcəyi gözlənilir.

Qeyd edək ki, ibtidai sinif üzrə 16-19 iyul, ingilis dili üzrə 19-20 iyul, alman dili üzrə 20 iyul, riyaziyyat üzrə 23-24 iyul, informatika və təsviri incəsənət üzrə 24 iyul, Azərbaycan dili və ədəbiyyat üzrə 25-26 iyul, rus dili, rus dili və ədəbiyyatı, Azərbaycan dili, fransız dili və musiqi üzrə 26 iyul, tarix və kimya üzrə 27 iyul, fizika və texnologiya üzrə 28 iyul, biologiya üzrə 30 iyul, fiziki tərbiyə üzrə 30-31 iyul, coğrafiya üzrə 31 iyul tarixlərində test imtahanları keçiriləcək.

Müəllimlərin işə qəbulu 4 mərhələdən (elektron ərizədəki göstəricilərin qiymətləndirilməsi, test imtahanı, vakant yerlərin seçilməsi və müsahibə) ibarətdir. Test imtahanı mərhələsində namizədə ixtisas, tədris metodikası, təlim strategiyaları və məntiqə aid suallar təqdim ediləcəkdir. Bu mərhələdə keçid balını toplamış namizədlər 8 vakant yer seçə biləcəklər. Namizədlərin vakant yerlərə yerləşdirilməsi elektron ərizələrində qeyd etdikləri seçim ardıcıllığı gözlənilməklə aparılacaqdır.

Müsahibə mərhələsində test imtahanlarının nəticələrinə əsasən vakant yer tutmaq hüququ qazanmış namizədlərin bilik və bacarıqları, psixoloji hazırlığı və ümumi dünyagörüşü yoxlanılacaq.

İşə qəbul müsabiqəsi nəticəsində namizədlərin topladığı bal iki təqvim ili qüvvədədir və onlar növbəti tədris ili üçün keçirilən müsabiqə zamanı birbaşa vakansiya seçimi mərhələsində iştirak edə bilərlər.

ŞƏRH YAZ
0
BAĞLA