Azərbaycanda yeni qurum yaradıldı

Azərbaycanda yeni qurum yaradıldı
00:45
21.02.2018
5493
Ölkə
A
Nazirlər Kabineti Azərbaycan Respublikası Elmi Tədqiqatların Əlaqələndirilməsi Şurasının yaradılması haqqında qərar verib.

“Ölkə.Az”ın məlumatına görə, qərara əsasən Şuranın sədri Azərbaycan Milli Elmlər Akademiyasının prezidenti Akif Əlizadə, Şuranın sədr müavini Azərbaycan Milli Elmlər Akademiyasının vitse-prezidenti İbrahim Quliyev təsdiqlənib.

Şuranın üzvləri Azərbaycan Milli Elmlər Akademiyasının vitse-prezidenti İsa Həbibbəyli, Azərbaycan Milli Elmlər Akademiyasının vitse-prezidenti  Dilqəm Tağıyev, Milli Aviasiya Akademiyasının rektoru Arif Paşayev, Milli Elmlər Akademiyasının akademik-katibi Rasim Əliquliyev, akademik, Azərbaycan Milli Elmlər Akademiyasının Biologiya və Tibb elmləri Bölməsinin akademik-katibi Əhliman Əmiraslanov, Bakı Dövlət Universitetinin rektoru Abel Məhərrəmov, Dövlət İdarəçilik Akademiyasının rektoru Urxan Ələkbərov,  M.Lomonosov adına Moskva Dövlət Universitetinin Bakı filialının rektoru Nərgiz Paşayeva, Azərbaycan Milli Elmlər Akademiyasının Naxçıvan Bölməsinin sədri İsmayıl Hacıyev, Azərbaycan Milli Elmlər Akademiyasının Gəncə bölməsinin sədri Fuad Əliyev, Azərbaycan Dövlət Neft və Sənaye Universitetinin rektoru Mustafa Babanlı, Azərbaycan Respublikası Silahlı Qüvvələrinin Hərbi Akademiyasının rəisi Heydər Piriyev və Azərbaycan Milli Elmlər Akademiyasının müxbir üzvü, Azərbaycan Milli Elmlər Akademiyasının Elm və Təhsil İdarəsinin rəisi (məsul katib) Əminağa Sadıqovdur.

Ölkə.Az

ŞƏRH YAZ
0

Məşhur gecə klubunda şəxsi ədavət — MƏHKƏMƏ İŞİ

Məşhur gecə klubunda şəxsi ədavət
10:10
Bu gün
835
Ölkə
A
Bakı Ağır Cinayətlər Məhkəməsində gecə kubunda cinayət törədən şəxsin məhkəməsi başlayıb.

“Ölkə.Az”ın məlumatına görə, cinayət məcəlləsinin 126.1-ci maddəsi ilə təqsirləndirilən Abudov Xanlar Maşallah oğlunun məhkəmə prosesinə hakim Cavid Hüseynov sədrlik edəcək. 

Bu ilin mart ayında Yasamal rayonu, İzmir küçəsində yerləşən"Solfeggio Lounge & Club"da əlbəyaxa dava zamanı bir nəfər xəsarət alıb.

Belə ki, gecə saatlarında 1991-ci il təvəllüdlü Rəhimov Tərlan Aydın oğlu naməlum şəxslərlə əlbəyaxa dava edib. Naməlum şəxslərdən biri ona bir neçə bıçaq zərbəsi endirib. Yaralı təcili yardım avtomobili ilə 1 saylı Kliniki Tibbi Mərkəzə yerləşdirilib.

Araşdırmalar zamanı məlum olub ki, T. Rəhimovu Xanlar Abudov adlı şəxs bıçaqlayıb. İstintaq araşdırmaları zamanı məlum olub ki, onlar arasında çoxdan şəxsi ədavət olub. Ancaq uzun müddət bir-birini görməyən gənclər təsadüfən gecə klubunda rastlaşıblar. Aralarındakı ədavəti çözə bilməyən gənclərin əlbəyaxa davası qanla nəticələnib.

ŞƏRH YAZ
0

Etimad İsmayılov son mənzilə belə yola salındı — FOTOLAR

Etimad İsmayılov son mənzilə belə yola salındı
09:43
Bu gün
1646
Ölkə
A
Azərbaycanlı biznesmen Etimad İsmayılov İstanbul şəhərinin Florya bölgəsində, biznesmenin ofisində qətlə yetirilib.

“Ölkə.Az” xəbər verir ki, İsmayılovu keçmiş polis rəisi, iş adamı, azərbaycanlı Gözəl Dəmirov odlu silahdan qətlə yetirib.

İstanbulun Florya məscidində qılınan cənazə namazından sonra mərhumun nəşi son mənzilə yola salınıb. İsmayılovun cənazəsi dəfn edilmək üçün Azərbaycana göndərilib.

 

Hikmət Həsənov
Ölkə.Az

ŞƏRH YAZ
0
BAĞLA