KORONAVİRUSA YOLUXANLARIN SAYI - CANLI STATİSTİKA

Azərbaycanda YENİLİK — Bu şəxslərə COVID-19-a görə 525 dollar veriləcək

Azərbaycanda YENİLİK
11:14
01.06.2020
6046
Ölkə
A
Azərbaycan Mikromaliyyə Assosiasiyası (AMFA) Naxçıvan Muxtar Respublikasında Avropa İttifaqının (Aİ) maliyyələşdirdiyi və BMT-nin İnkişaf Proqramının (UNDP) qismən maliyyələşdirdiyi və icra etdiyi “Genderə Həssas Dayanıqlı İnkişaf Məqsədlərinin Həyata Keçirilməsində Vətəndaş Cəmiyyətinin Rolunun Artırılması” adlı daha geniş miqyaslı proqram çərçivəsində “Naxçıvan Muxtar Respublikasında COVID-19-un təsirinə məruz qalmış qadınlara iqtisadi dəstək” layihəsinin icrasına start verib.

AMFA-dan “Ölkə.Az”a verilən məlumata görə, layihənin əsas məqsədi COVID-19 böhranı dövründə iqtisadi zərəri minimallaşdırmaq, gəlir mənbələrinin yaradılmasında və koronavirusdan sonrakı mərhələyə hazırlıqda qadınlara (o cümlədən sağlamlıq imkanları məhdud qadınlara) dəstək verməkdir.

Layihə sağlamlıq imkanları məhdud olan qadınlar da daxil olmaqla, kənd icmalarından olan 25 nəfərdən artıq qadının COVID-19-la mübarizədə vacib qorunma tədbirləri haqqında biliklərinin, biznes bacarıqlarının, maliyyə resurslarına çıxışının və təşkilati bacarıqlarının yaxşılaşmasına kömək edəcək. Layihədə iştirak edən qadınlara Naxçıvan MR-da biznes fəaliyyətinə başlamaq üçün 525 ABŞ dolları məbləğində ilkin maliyyələşdirmə ilə təmin olunacaq.

Dayanıqlı İnkişaf üzrə 2030-cu il Gündəliyinin və Dayanıqlı İnkişaf Məqsədlərinin (DİM) icrasının sürətləndirilməsi ilə bağlı Azərbaycanın üzərinə götürdüyü öhdəliyə dəstək olaraq, layihə 1-ci (Yoxsulluğa son), 2-ci (Aclığa son), 3-cü (Yaxşı səhiyyə və rifah), 5-ci (Gender bərabərliyi) və 8-ci (Layiqli əmək və iqtisadi artım) Qlobal Məqsədlərin icrasına töhfə verəcək.

ŞƏRH YAZ
1

Məşhur bloqer “Mediclub” klinikasını tənqid etdi — 815 manata peyvənd olar?- VİDEO

Məşhur bloqer “Mediclub” klinikasını tənqid etdi
13:25
Bu gün
783
Ölkə
A
Məşhur bloqer Nagihan Abdullayeva “Mediclub” klinikasını tənqid edib.

“Ölkə.Az” xəbər verir ki, azərbaycanlı model Fərid Abdullayevin həyat yoldaşı, türk vətəndaşı Nagihan klinikada uşaq peyvəndinin 815 manata olduğunu iddia edib. O, bu barədə “İnstagram” səhifəsində məlumat verib.

“Mən “Mediclub” kimi xəstəxana görməmişəm. Adicə uşaq üçün peyvəndi mənə 815 manata dedilər. Heç kəs bu qiymətə uşağına peyvənd etdirə bilməz. Mən belə hadisə ilə heç vaxt qarşılaşmamışam”,- deyə o, qeyd edib.

Xatırladaq ki, Nagehan və Fərid  Türkiyə televiziyasında yayımlanan “Zuhal Topalla izdivac” proqramında tanış olaraq evləniblər. Cütlüyün bir övladı var. Hazırda onlar Azərbaycanda yaşayırlar.

Ölkə.Az

ŞƏRH YAZ
0

Koronavirusa yoluxmanın sayını necə aşağı salmaq olar? — CƏLAL İSAYEV DANIŞIR

Koronavirusa yoluxmanın sayını necə aşağı salmaq olar?
12:58
Bu gün
1221
Ölkə
A
“Kim deyir ki, hökumətin koronavirusa yoluxmaya qarşı gördüyü tədbirlər nəticə vermir?! Yeni növ koronavirus (COVİD-19) epidemiyası 6 aydan artıq yayılmasına baxmayaraq, bu gün Azərbaycan insanının cəmi 0,2 faizi bu virusa yoluxub. Əgər hökumət zamanında tədbirlər görməsəydi bu say qat-qat artıq olardı. Hazırda görülən tədbirlər nəticəsində gündəlik yoluxma halı 500 nəfər civarındadır”.

Bunu “Ölkə.Az”a açıqlamasında respublikanın baş infeksionisti Cəlal İsayev sərtləşdirilmiş karantin rejiminin tətbiqinin nəticələri ilə bağlı mövqeyini açıqlayarkən deyib.

Onun sözlərinə görə, son sərtləşdirilmiş karantin rejiminin nəticələrində gəldikdə isə  bu zaman tələb edən məsələdir. 
“Qısa bir müddət keçməlidir ki, biz bunun nəticəsini görməliyik. Amma sərtləşdirilmiş karantin rejimi o zaman istədiyimiz nəticəni verə bilər, insanlar  sərtləşdirmə dönəmində verilən qaydalara  əməl etsinlər. Əməl olunmazsa bir qədər çətin olacaq. Odur ki, hər şey vətəndaşlarımızdan asılıdır”- baş infeksionist deyib.

 C. İsayev vətəndaşlara onu da məsləhət görüb ki, artıq maskadan istifadə edib, məsafə gözləmək, digər tövsiyyələrə əməl etmək  insanlarda bir vərdişə çevrilməlidir: 

“Bunu artıq bir atributa çevirməliyik. Bilməliyik ki, maska taxıb, digər qaydalara əməl etmək  həm özünü, həm də qarşındakı insanın həyatını təhlükədən qorumaq deməkdir. Bir qapalı məkanda hər iki nəfərin və ya bütün insanların maskadan istifadə etməsi koronavirusa yoluxma halınının 95 faiz qarşısını alır”.

COVİD-19 mutasiyaya uğraması ilə bağlı deyilənlərə gəldikdə baş infeksionist hesab edir ki, bu zaman tələb edən məsələdir:

 “Mutasiyaya uğrama məsələsi var. Bu vaxt tələb edən məsələdir və bu konkret nə zaman baş verəcək deyə bilmərik.  Bu 3 aydan sonra da baş verə bilər, 1 ildən də sonra...  Amma bir müddətdən sonra  COVİD-19  yeni bir virusa mutasiya olunaraq ortadan çıxıb gedəcək. Getməsə də indiki kimi kütləvi formada insan həyatına elə də ciddi təhlükə törətməyəcək.  Necə ki, SARS-1 virusu mutasiya olunaraq  SARS-2 virusunu yaratdı. Bax elə.  SARS-2 SARS-1 virusu əsasında yaranan xəstəlikdir. Artıq SARS-1 insanların səhhətinə  elə də ciddi təhlükə yaratmır.   Zaman keçdikdən sonra COVİD-19 virusu da  mutasiyaya uğrayıb ya tamam ortadan getsin və yaxud da  daha ciddi patogen virusa  çevrilib ortaya çıxsın. COVİD-19-un yeni növ patogen virusa çevrilməsi daha təhlükılidir. SARS-1-lə SARS-2 kimi...”.

Azərbaycanda cəmiyyətin virusa qarşı immun gücünün artırılması ilə bağlı məəsləyə gəldikdə  Cəlal İsayev deyib ki, bunun üçün gərək əhalinin 60 faizi bu virusa yoluxmalıdır, ondan sonra  insanlarda immun qrupları yaransın.”Ondan sonra  epidemiyanın sönməsi baş verəcək. Amma yuxarıda qeyd etdiyim kimi virusun yayıldığı 6 ay müddətində görülən tədbrilər nəticəsində Azərbaycan  əhalisinin cəmi 0,2 faizi bu virusa yoluxub, Yəni 10 milyondan artıq Azərbaycan əhalisinin haradasa 21 minə yaxını virusa yoluxub və onunda böyük  əksəriyyəti sağalıb”- baş infeksionist vurğulayıb.

Virusa yoluxanların təkrar yoluxmasına gəldikdə C. İsayev deyib ki, bu yoluxan insanın immunitetindən asılı olan məsələdir:

“Bundan öncəki viruslar zamanı praktika göstərib ki, tək-tək olsa da təkrar virusa yoluxanlar olub. Amma COVİD-19 yeni növ virus olduğundan bu barədə hələlik bir söz demək olmur. Yəni hələ  ki, ortada  təkrar yoluxma faktı barədə bir şey yoxdur”. 

Mürtəza
Ölkə.Az

ŞƏRH YAZ
0
BAĞLA