Azərbaycanda yeyinti məhsulları ilə bağlı yeni dövlət rüsumu tətbiq oluna bilər

Azərbaycanda yeyinti məhsulları ilə bağlı yeni dövlət rüsumu tətbiq oluna bilər
22:09
10.05.2019
1008
İqtisadiyyat
A
Azərbaycanda yeyinti məhsulları ilə bağlı yeni dövlət rüsumunun tətbiq olunması təklif edilir.

"Ölkə.Az" bildirir ki, bununla bağlı məsələ “Yeyinti məhsulları haqqında” qanuna təklif edilən dəyişiklikdə öz əksini tapıb.

Qanunun 7-ci maddəsinə (Qida məhsulları sahəsində fəaliyyət göstərən subyektlərin qeydiyyatı) təklif edilən bəndə əsasən, qida təhlükəsiziyi sertifikatının verilməsinə və qida məhsulları sahəsində fəaliyyət göstərən subyektlərin qida təhlükəsizliyi qeydiyyatına alınmasına (reyestrdən çıxarışın verilməsinə, çıxarışın dublikatının verilməsinə və reyestr məlumatlarında fəaliyyət sahəsindən asılı olaraq dəyişikliklərin edilməsinə) görə “Dövlət rüsumu haqqında” qanunla müəyyən edilmiş məbləğdə dövlət rüsumu tutululur.

“Baytarlıq haqqında” qanunun 39-cu maddəsinə (Baytarlığın maliyyə təminatı) təklif edilən dəyişikliyə əsasən isə baytarlıq şəhadətnaməsinin, sertifikatının, baytarlıq preparatlarının qeydiyyat şəhadətnaməsinin, heyvanların, heyvan mənşəli məhsulların və xammalın baytarlıq normalarına cavab verməsini təsdiq edən ekspertiza aktının verilməsinə və ətin, heyvan və quş cəmdəklərinin üzərinə nişan qoyulmasına görə “Dövlət rüsumu haqqında” qanunla müəyyən edilmiş məbləğdə dövət rüsumu tutulur.

Qanuna təklif edilən dəyişikliklər Milli Məclisin mayın 17-də keçiriləcək plenar iclasında müzakirə ediləcək.

Ölkə.Az

ŞƏRH YAZ
0

Mikayıl Cabbarov Bakıda erməni nazir müavininə: “Yerevanda doğru insanın heykəlini qoymusunuzmu?” — VİDEO

Mikayıl Cabbarov Bakıda erməni nazir müavininə: “Yerevanda doğru insanın heykəlini qoymusunuzmu?”
12:21
Bu gün
823
İqtisadiyyat
A
“Avropa-Qafqaz-Asiya nəqliyyat dəhlizinin (TRACECA) inkişafı üzrə beynəlxalq nəqliyyat haqqında Əsas Çoxtərəfli Saziş”in imzalanmasının 20 illiyi münasibətilə Bakıda keçirilən beynəlxalq konfransda iştirak edən Ermənistan nümayəndə heyəti ənənəsinə sadiq qalaraq təxribata əl atıb.

"Ölkə.Az" xəbər verir ki, Ermənistanın Ərazi idarəetmə və infrastruktur nazirinin müavini Armen Simonyan tədbirdə çıxış edərək, TRACECA-nın effektiv olmaması barədə fikrilər səsləndirib, eyni zamanda, tədbirin proqramına etiraz edib.

O, proqramda siyasi məsələlərə yol verilməməsini istəyib.

“Biz bu məsələlərdə hər hansı siyasiləşmədən uzağıq. Biz nəyə görə Fəxri Xiyabana getməliyik? Nəyə görə bu proqrama daxil olunub? 13-cü görüş Yerevanda keçiriləndə orada hər hansı tematik siyasi mənalı tədbirlər nəzərdə tutulmurdu.

Hesab edirik ki, belə bir platformaların bu məqsədlər üçün istifadə edilməsi qəbuledilməzdir. Qeyd etmək istəyirəm ki, burada məqsəd dəyişdirilməli deyil, bütün addımlar effektivliyə yönəlməlidr”, - deyə o bildirib.

Ermənistan nümayəndə heyətinin çıxışını isə İqtisadiyyat naziri Mikayıl Cabbarov cavabsız qoymayıb. Nazir erməni naziri müavinin həm TRACECA haqqında dediklərinə, həm də proqrama etirazına münasibət bildirib:

“Qonşu Ermənistandan olan həmkarlarımın çıxışına toxunmaya bilməzdim. Düşünürəm ki, onların fikirlərini ifadə etdikləri tərzdə onlara cavab verməliyəm.

Hər halda bu tərz daha anlaşılandır. Mən reaksiyanı başa düşürəm. Hesab edirəm ki, bu reaksiyanı iki hissəyə bölmək olar. Birinci TRACECA haqqında səsləndirilən fikrilərlə bağlı. Mən çıxış edən həmkarlarıma təşəkkür edirəm. Mənə elə gəlir ki, onlar kifayət qədər əminliklə, sadə şəkildə rəqəmlərlə TRACECA-nın bizə nə verdiyinə aydınlıq gətirdilər. Tədbirin təşkilatçısı, konfransa və mədəni proqrama cavabdeh ölkə olaraq mən öz tərəfimdən bu mövzu üzərində dayanmağı borc bilirəm.

Mən oradan başlamaq istəyirəm ki, qonşularımızın reaksiyasını çox yaxşı başa düşürəm. Hər halda onlar İrəvandan Baklıya gəliblər və Bakını öz gözləri ilə görürlər. Anlayıram ki, onların gördüklərini qəbul etməsi elə də asan deyil.

İkincisi, biz konstruktiv yanaşmaya üstünlük veririk. Ancaq bilirik ki, destruktivlik daha asandır, daha dağıdıcıdır və bu dağıdıcılıq siyasətinin nəticəsi, ilk növbədə, qonşu ölkədə müşahidə olunur. Hansı ki, böyük həcmdə layihələrdən təcrid olunub və özü-özünü nəqliyyat dalanına, iqtisadi dalana salıb və oradan çıxmaq da istəmir.

O ki qaldı proqrama, məzmunu anlamayanlar üçün bir daha bildirim ki, 20 il əvvəl bu gün yubileyini qeyd etdiyimiz bu layihənin reallaşmasına imkan verən o addım atılmasaydı, o strateji baxış olmadan bu gün haqqında danışdığımız uğurlar mümkün olmazdı.

Məhz böyük Heydər Əliyev beynəlxalq liderləri, dövlət başçılarını dəvət etmiş, arxasınca aparmışdı. Təbii ki, Azərbaycan tərəfi yubiley tədbirinin mədəni proqramını tərtib edərkən hər sivil cəmiyyətdə olduğu kimi, regionun inkişafına töhfələr vermiş insanların xatirəsinə münasibət aspektindən yanaşıb.

Bütünlükdə xatirəyə ehtiram məsələsinə gəldikdə, düşünürəm ki, bir daha paytaxtınızın mərkəzinə diqqət yetirin. Sizdə qoyulmuş o heykələ baxın. Yadınıza salın ki, gələn il faşizm üzərində qələbənin 75 illiyi qeyd olunacaq və bir daha düşünün ki, doğru insanın heykəlini qoymusunuzmu?”

Nazir Ermənistan nümayəndə heyəti üçün fərdi mədəni proqram tərtib olunduğunu da deyib:

“Sizi isə mən şəxsən dəvət edirəm ki, Heydər Əliyev Mərkəzini ziyarət edəsiniz. Orada sizin doğulduğunuz şəhərin tarixinə həsr olunmuş sərgi keçirilir. O sərgi bizə gürcü həmkarlarımız tərəfindən, Gürcüstan Muzeyindən təqdim olunub, harada ki, daimi əsaslarla nümayiş etdirilir. İnanın ki, İrəvan xanlığı, İrəvan şəhərinin əsasının qoyulması haqqında tarixdə oxuya bilməyəcəyin çox yeni şey öyrənəcəksiniz. Təbii ki, əgər bu sizə maraqlıdırsa... O ki qaldı TRACECA karvanına, bütün əks cəhdlərə baxmayaraq, o irəli gedəcək”.

ŞƏRH YAZ
0

SOCAR Qaladakı “Eko park”da Enerji İdarəetmə Mərkəzini istifadəyə verib

SOCAR Qaladakı “Eko park”da Enerji İdarəetmə Mərkəzini istifadəyə verib
12:04
Bu gün
413
İqtisadiyyat
A
Bu gün Azərbaycan Dövlət Neft Şirkəti (SOCAR) Bakının Qala qəsəbəsində yerləşən “Eko park”da Enerji İdarəetmə Mərkəzini istifadəyə verib.

"Ölkə.Az" report-a istinadən xəbər verir ki, Mərkəz SOCAR və BMT-nin İnkişaf Proqramının (UNDP) birgə həyata keçirdiyi “Azərbaycanın yanacaq istehlakı sektorunda karbon emissiyasının azaldılmasını təmin edən Milli Fəaliyyətlər Planı (NAMA) layihəsi çərçivəsində qrant hesabına tikilib.

Mərkəzin əsas funksiyası NAMA layihəsi çərçivəsində Qaradağ, Sumqayıt və Qala ərazilərində quraşdırılmış alternativ enerji mənbələrindən istehsal olunan enerjinin istifadəsinə nəzarət etməkdir.

SOCAR-ın ekologiya məsələləri üzrə vitse-prezidenti Rəfiqə Hüseynzadə bildirib ki, bu mərkəz Xəzər regionunda yeganə mərkəzdir:

“Buradakı monitor vasitəsilə onlayn şəkildə SOCAR-ın digər müəssisələri ilə əlaqə yaradırıq. Bu müəssisələrdəki enerji səmərəliliyi barədə məlumatlar bu mərkəzdə toplanır”.

ŞƏRH YAZ
0
BAĞLA