Azərbaycandakı xarici banklar belə hesabat verəcəklər

Azərbaycandakı xarici banklar belə hesabat verəcəklər
12:27
11.08.2017
141
İqtisadiyyat
A
Maliyyə Bazarlarına Nəzarət Palatası “Xarici bankın yerli nümayəndəliyinin hesabatının forması, məzmunu və təqdim edilməsi Qaydası”nı təsdiq edib.

"Ölkə.Az" xəbər verir ki, qaydaya əsasən, xarici bankın yerli nümayəndəliyi idarə edilməsi qaydasını və cari fəaliyyətini əks etdirən illik hesabat tərtib edir və hesabat dövründən sonrakı ilin iyun ayının 1-dən gec olmayaraq təqdim olunur.

Hesabat dövrü yanvar ayının 1-dən dekabr ayının 31-i də daxil olmaqla olan dövr sayılır. İl ərzində oktyabr ayının 1-dək yeni yaradılan nümayəndəlik üçün birinci hesabat dövrü onların qanunla müəyyən edilmiş qaydada dövlət qeydiyyatına alındığı tarixdən dekabr ayının 31-i də daxil olmaqla, oktyabr ayının 1-dən sonra yeni yaradılmış nümayəndəlik üçün isə birinci hesabat dövrü onların qanunla müəyyən edilmiş qaydada dövlət qeydiyyatına alındığı tarixdən növbəti ilin dekabr ayının 31-i də daxil olmaqla olan dövr sayılır. Hesabat nümayəndəliyin rəhbəri tərəfindən imzalanmış və möhürlə təsdiq edilmiş kağız daşıyıcıda və ya elektron imza ilə təsdiq edilmiş elektron sənəd formasında Palataya təqdim edilir.

Hesabatda nümayəndəliyin yerli və xarici banklarda olan bank hesabları üzrə pul axını barədə məlumat, yəni il ərzində hesab üzrə mədaxil və məxaric olmuş vəsait, nümayəndəliyin kassasında olan orta aylıq nağd pul qalığının məbləği, nümayəndəliyin bank hesablarında olan orta aylıq qalığının məbləği əksini tapmalıdır. Eyni zamanda, hesabatda nümayəndəliyin işçilərinin sayı və əgər rəhbərliyin tərkibində dəyişikliklər varsa, bunun səbəbləri qeyd edilməli, təsisçi bankın kənar auditor yoxlamasından keçmiş illik maliyyə hesabatı və Azərbaycan dilinə tərcüməsi notariat qaydasında təsdiq edilmiş auditor rəyinin surətləri, təsisçi bank tərəfindən nümayəndəlikdə aparılan yoxlamanın nəticələrini əks etdirən sənədlər hesabata əlavə edilməlidir.  

ŞƏRH YAZ
0

Bitkoinlər artıq əsginas formasında satılacaq

Bitkoinlər artıq əsginas formasında satılacaq
01:16
Bu gün
1131
İqtisadiyyat
A
Artıq bitkoinlər plastik əsginas formasında satılacaq.

"Ölkə.Az" xarici KİV-ə istinadən xəbər verir ki, bitkoinlərin bu formada satışına başlanılıb. Qeyd olunan valyutanı 2 formada almaq mümkündür: 0,01 və 0,05 ВТС.

Məlumata görə, plastik əsginaslar İsveçrənin "Tangem" startapı tərəfindən hazırlanıb.

Qeyd edək ki, bu əsginaslardan istifadə etmək üçün istifadəçiyə yalnız NFC texnologiyasını dəstəkləyən smartfon lazımdır.

Ölkə.Az

ŞƏRH YAZ
0

Azərbaycan neftinin bir bareli 80 dollara çatır

Azərbaycan neftinin bir bareli 80 dollara çatır
23:50
22.05.2018
1513
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti mayın 21-də 79,9 dollar/barel təşkil edib ki, bu da ötən həftənin cümə gününə olan göstəricidən 0,24 dollar/barel çoxdur.

"Ölkə.Az" xəbər verir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti mayın 21-də 78,99 dollar/barel təşkil edib ki, bu da əvvəlki qiymətdən 0,11 dollar/barel çoxdur.

Novorossiysk limanından yüklənən URALS neftinin qiyməti mayın 21-də 76,25 dollar/barel təşkil edib ki, bu da əvvəlki qiymətdən 0,08 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti isə mayın 21-də 78,59 dollar/barel təşkil edib. Bu, əvvəlki qiymətdən 0,16 dollar/barel çoxdur.

Ölkə.Az

ŞƏRH YAZ
0
BAĞLA