Azərbaycandan 5.5 milyard manat çıxaran bank işçilərinin məhkəməsi

Azərbaycandan 5.5 milyard manat çıxaran bank işçilərinin məhkəməsi
19:31
20.02.2019
6888
Ölkə
A
Bu gün Bakı Ağır Cinayətlər Məhkəməsində cinayət yolu ilə eldə edilmiş külli miqdarda pulu leqallaşdırmaqda təqsirləndirilən “Royalbank”ın 10 saylı filialının keçmiş direktor müavini Malik Əliyev və tanışı Rüfət Vəliyevin cinayət işi üzrə məhkəmə iclası davam etdirilib.

"Ölkə.Az" xəbər verir ki,hakim Azad Məcidovun sədrliyi ilə keçirilən prosesdə şahiq qismində Vidadi Əliyev ifadə verib.

O, söyləyib ki, 2012-ci ilə qədər keçmiş "Röyalbank"ın əməkdaşı olub, 2013-ci ildə M.Əliyevlə tanış olub, ona iş təklif edib:

 "Məni Rüfət müəllimlə tanış etdi. Sonra “AGbank”ın Xətai filialının 2-ci mərtəbəsində ayrıca otaq ayrıldı. Bankda qeyri-rəsmi olaraq kassir işlədim. Pulları Rüfət müəllim gətirirdi, otaqda bankın rəsmi işçiləri Kamil, Nurlana və Samirə ilə sayıb, kassaya təhvil verirdim. Pulların əsil sahibinin kim olduğundan xəbərsizəm. Otağın açarı məndə olurdu, sənədləşmə işlərinə mən baxmamışam".

V.Əliyev bildirib ki, işlədiyi dövrdə R.Vəliyev ona nağd şəkildə 700-800 manat maaş verib.

Hakim deyib ki, şahid barəsində, hökm çıxarılan zaman məhkəmə qərar qəbul edəcək.

Məhkəmənin növbət iclası fevralın 27-nə təyin edilib.

İttiham aktına əsasən, “Royalbank”ın 10 saylı filialının keçmiş direktor müavini Malik Əliyev 2012-ci ilin əvvəlində Rüfət Vəliyevlə görüşərək ona cinayət yolu ilə əldə olunmuş pulların leqallaşdırılmasını təklif edib. M.Əliyev onu “AGbank”ın İdarə Heyətinin sədri Azər Mövsümovla görüşdürüb. R.Vəliyev görüşdə özünü “Provision Group”, “İmpeks+”, “Blast”, “Qalaksi A”, “Asin Co. LTD”, “Primo A” və “İTEK” MMC-lərin direktoru kimi təqdim edib. O, guya xarici iqtisadi ticarət fəaliyyəti göstərəcəklərini, külli miqdarda dövriyyələri olacağını bildirib və bunun üçün bankın filiallarının birində onlara otaq ayrılmasını istəyib. A.Mövsümov onlar üçün “AGbank”ın Xətai filialında otaq ayırıb.

M.Əliyev “Royalbank”da işlədiyi vaxtdan bəri tanıdığı Vidadi Əliyev, Ülkər Nəbiyeva və Arzu Əsgərovanı da işə cəlb edib. R.Vəliyev və istintaqa məlum olmayan şəxslərin gətirdiyi cinayət yolu ilə əldə edilmiş külli miqdarda pulları V.Əliyev sayıb, onların saxta olub-olmadığını yoxlayıb. Daha sonra həmin pullar adları qeyd olunan şirkətlərin hesablarına köçürülüb, ardıyca xarici valyutaya konversiya edilərək xarici ölkələrin banklarındakı hesablara köçürülüb. Ü.Nəbiyev və A.Əsgərova R.Vəliyevin tapşırığı ilə xarici bankların hesablaşma nömrələri və köçürüləcək məbləği komputer vasitəsilə yazaraq çap edib M.Əliyevə təqdim ediblər. R.Vəliyev isə həmin sənədləri şirkətlərin möhürü ilə təsdiqləyib, imzaladıqdan sonra icra olunması üçün M.Əliyev və V.Əliyevə təqdim edib.

Bu qayda ilə M.Əliyev “Privion Group” MMC vasitəsilə 2014-cü ilin fevral ayından 2015-ci ilin oktyabr ayına kimi 839 milyon manat, “İmpeks+” MMC vasitəsilə 2013-cü ilin noyabr ayından 2015-ci ilin oktyabr ayına kimi 778 milyon manat, “Blast” MMC vasitəsilə həmin müddət ərzində 510 milyon manat, “Qalaksi A” MMC vasitəsilə 115 milyon manat, “Asin Co. LTD” vasitəsilə 79 milyon manat, “Primo A” MMC vasitəsilə 213,5 milyon manat, “İTEK” MMC vasitəsilə 129 milyon manat pulu müxtəlif xarici valyutalara konveriya edərək xarici ölkələrdə yaradılan şirkətlərin bank hesablarına köçürüb.
Həmin şəxslər ümumilikdə cinayət yolu ilə əldə edilmiş 5 milyard 551 milyon manat pulu çirkli yolla leqallaşdırıb və ölkədən çıxarıb.

Xatırladaq ki, M.Əliyev eyni cinayət əməlinə görə, 2017-ci ildə 10 il müddətinə azadlıqdan məhrum edilib.

Natiq Allahverdiyev
Ölkə.Az

ŞƏRH YAZ
0

Dövlət Komitəsi telefonları, kompüter avadanlıqlarını satışa çıxarır

Dövlət Komitəsi telefonları, kompüter avadanlıqlarını satışa çıxarır
22:20
21.09.2019
5914
Ölkə
A
Əmlak Məsələləri Dövlət Komitəsi 22 oktyabrda dövlət nəfinə müsadirə edilmiş əmlakları hərraca çıxaracaq.

“Ölkə.Az” oxu.az-a istinadən xəbər verir ki, müxtəlif telefonlar, kompüter avadanlıqları, maldarlıq ferması və avtomobil müştərilərə təqdim olunacaq.

Hərracda iştirak etmək istəyən fiziki və hüquqi şəxslər satışa çıxarılan əmlaka sifariş vermək üçün Əmlak Xidmətləri Məkanına müraciət edə bilərlər.

Ölkə.Az

ŞƏRH YAZ
0

9 nömrəli məktəbin direktoru Həcər İbrahimova niyə süründürməçilik edir? — FOTO

9 nömrəli məktəbin direktoru Həcər İbrahimova niyə süründürməçilik edir?
20:13
21.09.2019
9016
Ölkə
A
Abşeron rayonu, Xırdalan şəhərində yerləşən 9 nömrəli orta məktəbdə baş verən süründürməçiliklə bağlı, Xırdalan şəhər sakini Təbriz Yusubov avtosfer.az-a məlumat verib.

“Ölkə.Az” xəbər verir ki, o, öz övladını məktəbəhazırlıq kursuna qoymaq üçün tələb olunan bütün zəruri sənədləri toplayaraq 9 nömrəli məktəbə yaxınlaşıb.

İlk yaxınlaşdığı gün ona bildirilib ki, sağlamlıq haqqında arayışda vurulan düzbucaqlı və yumru möhür keçərli deyil. Üçbucaqlı möhür vurulmasını tələb edərək sənəd qəbulundan imtina ediblər.

Valideyn bu məsələ ilə bağlı səhiyyə və təhsil nazirliyinə zəng edərək şikayət edib. Hər iki nazirlikdən bildirilib ki, üçbucaqlı möhürün tələb olunması qanunsuzdur.

Valideyn səhəri gün yenidən məktəbə yaxınlaşıb sənədləri təqdim etmək istəyən zaman, direktorun müavini olan Nigar adlı şəxs bu dəfə başqa bəhanə gətirərək bildirib ki, sağlamlıq haqqında arayışı başqa rayonun poliklinikası verdiyinə görə bu sənədi qəbul edə bilmərik.

O, məktəbin direktoru Həcər İbrahimovanın da yanına gedərək sözügedən məsələni ona bildirib. H.İbrahimov da həmin sənədi qəbul etməyərək valideynə qarşı kobudluq edib.

Valideyn Təbriz Yusubov yenidən Təhsil Nazirliyinə zəng edib bu haqda məlumat verən zaman nazirlikdən təsdiq ediblər ki, direktor Həcər İbrahimovanın və onun müavini Nigar adlı şəxsin etdiyi hərəkət qanunsuzdur və süründürməçilikdir. Nazirlikdən T.Yusubovu Abşeron Rayon Təhsil Şöbəsinin qəbuluna yazaraq şikayəti ora bildirməsini xahiş ediblər.

Ölkə.Az

ŞƏRH YAZ
0
BAĞLA