Azərbaycandan qaçan bank rəhbəri 115 milyon manat oğurlayıb

Azərbaycandan qaçan bank rəhbəri 115 milyon manat oğurlayıb
17:33
11.01.2018
4634
İqtisadiyyat
A
“Bank Standard” QSC Kommersiya Bankının İdarə Heyətinin keçmiş sədri Kriman Səlim Eldaroviçin banka vurduğu ziyanın məbləği məlum olub.

"Ölkə.Az"ın məlumatına görə, “Çudo Peçka” və “ÇP Aqro” MMC-lərinin təsisçisi Çingiz Cəlilovun ittiham aktında qeyd edilib ki, S.Kirman ümumilikdə 41 epizod üzrə təqsirli bilinir.

Belə ki, o, 104 milyon 7 min 656 manat məbləğində əmlakı mənimsəməklə talayıb, eləcə də vəzifə səlahiyyətlərindən sui-istifadə etməklə, “Bank Standard” QSC-yə 10 milyon 749 min 500 manat, ümumilikdə isə 114 milyon 757 min 155 manat zinan vurub.

Qeyd edək ki, Baş Prokurorluğun yaydığı məlumata əsasən, müxtəlif hüquqi və fiziki şəxslərin adından bankdan kredit kimi aldığı külli miqdarda vəsaiti bankın vəzifəli şəxsi ilə birgə qulluq mövqeyindən istifadə etməklə təyinatından yayındıraraq şəxsi ehtiyacları üçün mənimsəyən şirkət rəhbərinin qanunsuz əməlləri barədə Baş prokuror yanında Korrupsiyaya qarşı Mübarizə Baş İdarəsində araşdırma aparılıb.

Keçirilmiş istintaq-əməliyyat tədbirləri ilə müəyyən edilib ki, “Çudo Peçka” və “ÇP Aqro” MMC-lərinin təsisçisi Cəlilov Çingiz Asim oğlu “Bank Standard” QSC Kommersiya Bankının İdarə Heyətinin sədri olmuş Kriman Səlim Eldaroviçlə qabaqcadan razılaşmaqla əlbir olaraq həmin dövrdə banka müxtəlif mənbələrdən, o cümlədən xarici və daxili investorlardan və depozitlərdən daxil olmuş külli miqdarda pul vəsaitləri hesabına 21 milyon 874 min manat məbləğində krediti bankın Müşahidə Şurasının razılığı olmadan dəyəri süni olaraq artıq qiymətləndirilmiş əmlakları girov qoymaqla özünün, yaxın qohumlarının və qohumluq münasibətində olduğu, eləcə də rəhbərlik etdiyi cəmiyyətlərdə işləyən ayrı-ayrı şəxslərin adlarına guya bağ evinin alınması, mənzil təmiri, torpaq alınması və bu kimi digər təyinatlarla rəsmiləşdirilməsinə nail olmuş, daha sonra qeyd olunan kredit müqavilələri əsasında banka guya külli miqdarda kredit borcu olduğu görüntüsünü yaradaraq bir neçə dəfə restrukturizasiya (kreditin və ya onun ödənilməsi şərtlərinin dəyişdirilməsi) etdirməklə mənimsədiyi 13 milyon 962 min manat pul vəsaitini Səlim Krimanla öz aralarında bölüb.

Ç.Cəlilovun qeyd edilən kredit məbləğlərini bankın vəzifəli şəxsləri ilə əlbir olaraq öz qulluq mövqeyindən istifadə etməklə təyinatından yayındırmaqla şəxsi ehtiyaclarına xərcləməsinə şübhələr üçün əsaslar yarandığından ona Cinayət Məcəlləsinin 179.3.2 (külli miqdarda mənimsəmə və ya israf etmə, yəni təqsirkara etibar edilmiş özgə əmlakını talama) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə ittiham elan olunmaqla barəsində məhkəmənin qərarı ilə həbs qətimkan tədbiri seçilib.

Xatırladaq ki, 2016-cı ilin sentyabr ayının 28-də S.Kirmanın cinayət işinə təqsirləndirilən şəxs qismində cəlb olunmasına dair qərar qəbul edilib. Lakin o, istintaqdan gizləndiyi üçün barəsində axtarış elan olunub. Binəqədi Rayon Məhkəməsinin 5 oktyabr 2016-cı il tarixində çıxardığı qərarla S.Kirmanın barəsində həbs qətimkan tədbiri seçilib. Eyni zamanda, o, "İnterpol" xətti ilə axtarışa verilib.

ŞƏRH YAZ
0

Azərbaycana 151 ölkədən 629 min turist gəlib

Azərbaycana 151 ölkədən 629 min turist gəlib
20:00
Bu gün
72
İqtisadiyyat
A
2018-ci ilin yanvar-mart ayları ərzində Azərbaycana dünyanın 151 ölkəsindən 629,4 min və ya ötən illin müvafiq dövrü ilə müqayisədə 12,4 faiz çox əcnəbi və vətəndaşlığı olmayan şəxs gəlib.

Dövlət Statistika Komitəsindən "Ölkə.Az"a verilən xəbərə görə, gələnlərin 27,4 faizi Rusiya Federasiyası, 22,1 faizi Gürcüstan, 15,8 faizi İran, 11,6 faizi Türkiyə, 4,7 faizi Birləşmiş Ərəb Əmirlikləri, 1,9 faizi Ukrayna, 1,8 faizi İraq, 14,6 faizi digər ölkələrin vətəndaşları, 0,1 faizi isə vətəndaşlığı olmayan şəxslər olmuşdur. Gələnlərin 67,9 faizini kişilər, 32,1 faizini isə qadınlar təşkil edib. Əcnəbi və vətəndaşlığı olmayan şəxslərin 29,6 faizi yanvar, 26,4 faizi fevral, 44,0 faizi isə mart ayında ölkəyə gəlib. Mart ayında ölkəmizə gələlənlərin 25,8 faizini İran vətəndaşları təşkil etmiş və onların sayı ötən ilin mart ayında gələnlərdən 4,6 faiz çox olub.

Cari ilin yanvar-mart aylarında Körfəz ölkələrindən (İran istisna olunmaqla) gələnlərin sayında daha çox artım müşahidə edilib. Ötən ilin yanvar-mart ayları ilə müqayisədə ölkəmizə gələn Küveyt vətəndaşlarının sayı 7,1 dəfə, Bəhreyn və Qətər vətəndaşlarının sayı hər biri üzrə 2,7 dəfə, Səudiyyə Ərəbistanı vətəndaşlarının sayı 2,4 dəfə, Oman vətəndaşlarının sayı 1,9 dəfə, İraq vətəndaşlarının sayı 1,7 dəfə, Birləşmiş Ərəb Əmirlikləri vətəndaşlarının sayı 1,3 dəfə artıb. İrandan gələnlərin sayında 6,4 faiz azalma müşahidə edilib.

2018-ci ilin yanvar-mart aylarında Avropa İttifaqına üzv ölkələrdən gələnlərin sayı 4,1 faiz azalaraq 18,6 min nəfər, MDB ölkələrindən gələnlərin sayı 6,7 faiz artaraq 204,4 min nəfər olub. Ölkəmizə gələn əcnəbilər və vətəndaşlığı olmayan şəxslərin 63,3 faizi dəmir yolu və avtomobil, 35,9 faizi hava, 0,8 faizi isə su nəqliyyatından istifadə edib.

ŞƏRH YAZ
0

Nazirlər Azərbaycan-Rusiya iqtisadi əlaqələrini müzakirə edib

Nazirlər Azərbaycan-Rusiya iqtisadi əlaqələrini müzakirə edib
19:32
Bu gün
82
İqtisadiyyat
A
İqtisadiyyat naziri Şahin Mustafayev Azərbaycanda səfərdə olan Rusiya Federasiyasının İqtisadi inkişaf naziri Maksim Oreşkinlə görüşüb.

İqtisadiyyat Nazirliyinin mətbuat xidmətindən “Ölkə.Az”a daxil olan məlumata görə, Azərbaycan və Rusiya tərəfindən bir sıra dövlət qurumlarının rəhbər şəxslərinin də iştirak etdiyi görüşdə Şahin Mustafayev ölkələrimiz arasında əlaqələrin strateji səviyyədə olduğunu, iqtisadi-ticarət sahəsi də daxil olmaqla bütün sahələrdə inkişaf etdiyini vurğulayıb.

Qeyd edilib ki, Rusiya Azərbaycanın əsas ticarət tərəfdaşlarındandır və 2017-ci ildə ölkələrimiz arasında ticarət dövriyyəsi 22% artıb. Ticarət əlaqələrinin artım dinamikası 2018-ci ilin I rübündə də davam edib və bu dövrdə ölkələrimiz arasında ticarət dövriyyəsi 32%, Azərbaycanın Rusiyaya ixracı isə 50%-dək artıb. Azərbaycanın qeyri-neft məhsullarının ixracı üzrə Rusiya birinci yerdədir. Təsadüfi deyildir ki, Azərbaycanın ilk ticarət nümayəndəliyi məhz Rusiya Federasiyasında yaradılıb. 2017-ci ildə Bakıda Rusiya İxrac Mərkəzinin nümayəndəliyinin açılması Rusiya ilə Azərbaycan arasında ticarət əlaqələrinin genişlənməsində mühüm addımdır. Azərbaycan şirkətləri Rusiyada keçirilmiş “Worldfood Moscow” və “Prodexpo” sərgilərində vahid ölkə stendi ilə təmsil olunub, bu ölkəyə ixrac missiyası təşkil edilib, “Made in Azerbaijan” brendinin təşviqi məqsədilə “Rossiya 24” kanalında Azərbaycan meyvələrinə və meyvə şirələrinə dair video çarxlar nümayiş olunub.

Nazir Şahin Mustafayev qarşıdakı 5 ildə istehsal ediləcək yerli məhsullara dair Rusiya tərəfinə məlumat təqdim edildiyini və ölkəmizin yaxın 5 ildə Rusiyaya ixracının 3 dəfə artırılmasının hədəf olduğunu bildirib. Qeyd edilib ki, Azərbaycan tərəfindən Rusiya iqtisadiyyatına 1 mlrd. ABŞ dollarından çox, Rusiya isə Azərbaycan iqtisadiyyatına 4 mlrd. ABŞ dollarına yaxın investisiya yatırıb.

Pirallahı Sənaye Parkında yaradılan Azərbaycan-Rusiya birgə əczaçılıq müəssisəsi də ölkələrimiz arasında əməkdaşlığın önəmli istiqamətlərindəndir. 2018-ci ilin sonunda əczaçılıq zavodunda qablaşdırma xəttinin istifadəyə verilməsi nəzərdə tutulur. Bundan başqa, Hacıqabul Sənaye Məhəlləsində kiçik tonnajlı “QAZ” avtomobillərinin yığılması barədə razılıq əldə edilib. Hazırda Samur çayı üzərində yeni körpünün tikintisi uğurla davam edir və tikinti işlərinin 2019-cu ildə başa çatdırılması nəzərdə tutulur. 

Şimal-Cənub nəqliyyat dəhlizi ilə bağlı məlumat verən nazir Mustafayev Azərbaycanın bu dəhlizin yaradılmasına böyük töhfə verdiyini, artıq dəhlizin Azərbaycan hissəsində işlərin başa çatdığını, Rəşt-Astara hissəsinin maliyyələşdirilməsində ölkəmizin iştirak edəcəyini vurğulayıb. Bildirilib ki, hazırda dəhlizin İran hissəsində terminalın yaradılması işləri aparılır.

M. Oreşkin Azərbaycan və Rusiyanın strateji tərəfdaşlar olduğunu, Azərbaycan və Rusiya prezidentlərinin ölkələrimiz arasında əməkdaşlığın daha da genişləndirilməsinə böyük önəm verdiklərini vurğulayıb. Qeyd olunub ki, iqtisadi-ticarət əlaqələrinin inkişafı üçün böyük potensial var. Maksim Oreşkin yaxın bir neçə ildə Azərbaycan məhsullarının Rusiyaya ixracının bir neçə dəfə artırılacağına əminliyini bildirib və bunun üçün müvafiq imkanların olduğunu qeyd edərək əməkdaşlığın genişləndirilməsi istiqamətləri barədə fikirlərini bölüşüb.

Görüşdə ticarət əlaqələrinin genişləndirilməsinə, gömrük-sərhəd prosedurlarının sadələşdirilməsinə, Azərbaycan-Rusiya sərhədində aksiz-gömrük postunun yaradılmasına, Sumqayıt Texnologiyalar Parkında neft maşınqayırmasının təşkilinə, Şimal-Cənub nəqliyyat dəhlizi çərçivəsində Azərbaycan, Rusiya və İran arasındakı əməkdaşlığın genişləndirilməsinə, Azərbaycan məhsullarının Rusiyaya ixracının artırılmasına, kənd təsərrüfatı, vergi, maliyyə, turizm, təhsil və s. sahələrdə əlaqələrin genişlənməsinə dair müzakirələr aparılıb.

Görüş çərçivəsində Azərbaycanın “Şahdağ” Turizm Mərkəzi ilə Rusiyanın “Şimali Qafqaz kurortları” ASC arasında əməkdaşlığa və təcrübə mübadiləsinə dair Saziş, həmçinin Rusiyanın “QAZ” ASC və Azərbaycanın “Azərmaş” ASC arasında kiçik tonnajlı avtomobillərin Azərbaycanda yığılmasına dair uzunmüddətli əməkdaşlıq haqqında Memorandum  imzalanıb.

ŞƏRH YAZ
0
BAĞLA