"Azərbaycandan qeyri-neft məhsullarının ixracı üzrə Rusiya birinci yerdədir" — Şahin Mustafayev

21:05
07.07.2018
629
İqtisadiyyat
A
İqtisadiyyat naziri, Azərbaycan-Rusiya Hökumətlərarası Komissiyasının həmsədri Şahin Mustafayev Rusiya Federasiyasının Azərbaycan Respublikasındakı səfiri Mixail Boçarnikovu qəbul edib.

"Ölkə.Az"ın nazirliyinin mətbuat xidmətinə istinadən məlumatına görə, görüşdə nazir Şahin Mustafayev diplomatı ölkəmizə səfir təyin olunması münasibətilə təbrik edib, Azərbaycan-Rusiya əlaqələrinin strateji əməkdaşlıq səviyyəsində olduğunu, ölkəmizin Rusiya ilə əməkdaşlığa böyük önəm verdiyini, əməkdaşlığın inkişafında dövlət başçılarının qarşılıqlı səfərlərinin mühüm əhəmiyyətini vurğulayıb. Diqqətə çatdırılıb ki, Azərbaycan və Rusiya Federasiyası arasında möhkəm müqavilə-hüquq bazası yaradılıb, müxtəlif sahələrdə 170-ə yaxın sənəd imzalanıb.

Hazırda Azərbaycanda 760-a yaxın Rusiya kapitallı şirkətin fəaliyyət göstərdiyini bildirən nazir Ş.Mustafayev Azərbaycan tərəfindən Rusiya iqtisadiyyatına 1 mlrd. ABŞ dollarından çox, Rusiya tərəfindən isə Azərbaycan iqtisadiyyatına 4 mlrd. ABŞ dollarından çox investisiya yatırıldığını qeyd edib. Rusiya Azərbaycanın əsas ticarət tərəfdaşlarındandır. Azərbaycandan qeyri-neft məhsullarının ixracı üzrə Rusiya birinci yerdədir. Ticarət əlaqələrinin artım dinamikası 2018-ci ildə davam edir, bu ilin 5 ayında ölkələrimiz arasında ticarət dövriyyəsi 24%-ə yaxın artıb. Rusiyanın Sankt-Peterburq və Həştərxan şəhərlərinə ixrac missiyaları təşkil edilib, Azərbaycan şirkətləri öz məhsullarını Rusiyada keçirilən sərgilərdə “Made in Azerbaijan” brendi işə nümayış etdiriblər. Həştərxanda “Azərbaycan İş Mərkəzi”nin açılması iş adamları arasına əlaqələrin genişlənməsində mühüm addımdır.

İqtisadiyyatın müxtəlif sahələrində, o cümlədən energetika, kənd təsərrüfatı, ticarət, əczaçılıq, turizm və s. sahələrdə əlaqələr inkişaf edir və əməkdaşlığın genişləndirilməsi üçün potensial böyükdür. Nazir qeyd edib ki, Azərbaycan Rusiyanın federal subyektləri ilə sıx əməkdaşlıq edir və Rusiyanın Şimali Qafqaz regionunda əsas investorlardandır.

Nəqliyyat-tranzit əməkdaşlığından danışan Şahin Mustafayev bu sahədə Şimal-Cənub dəhlizinin və Samur çayı üzərində tikilən körpünün əhəmiyyətini vurğulayıb.

Ölkələrimiz təhsil sahəsində də sıx əməkdaşlıq edir. M.Lomonosov adına Moskva Dövlət Universitetinin və İ.Seçenov adına Birinci Moskva Dövlət Tibb Universitetinin filalları Azərbaycanda uğurla fəaliyyət göstərir.

İkitərəfli əlaqələrin genişlənməsində Azərbaycan-Rusiya Hökumətlərarası Komissiyasının rolunu qeyd edən Şahin Mustafayev bu ilin sonunadək Komissiyanın 17-ci iclasının keçirilməsinin nəzərdə tutulduğunu diqqətə çatdırıb.

Rusiya Federasiyasının Azərbaycandakı səfiri Mixail Boçarnikov Azərbaycana səfir təyin olunmasından məmnunluğunu bildirib, ölkələrimiz arasında əlaqələrin inkişafı üçün səylərini əsirgəməyəcəyini qeyd edib, Rusiya-Azərbaycan iqtisadi əməkdaşlığının genişləndirilməsinə dair fikirlərini bölüşüb.

Görüşdə iqtisadi əlaqələrin genişləndirilməsi perspektivləri, bu ilin sentyabrında Gəncədə keçirilməsi nəzərdə tutuluan IX Azərbaycan-Rusiya Regionlararası Forumu barədə fikir mübadiləsi aparılıb, maraq doğuran digər məsələlər müzakirə edilib.

Ölkə.Az

ŞƏRH YAZ
0

Azərbaycan nefti ucuzlaşıb

Azərbaycan nefti ucuzlaşıb
01:18
Bu gün
52
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti aprelin 24-də 76,71 dollar/barel təşkil edib ki, bu da çərşənbə axşamına olan göstəricidən 0,23 dollar/barel azdır.

"Ölkə.Az" bildirir ki, bu barədə trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti 76,04 dollar/barel təşkil edib ki, bu da əvvəlki göstəricidən 0,42 dollar/barel azdır.

Novorossiysk limanından yüklənən URALS neftinin qiyməti isə 73,33 dollar/barel təşkil edib ki, bu, əvvəlki göstəricidən 0,7 dollar/barel azdır.

Şimal dənizindən hasil edilən "Brent Dated" etalon növlü neftin qiyməti 73,74 dollar/barel təşkil edib, bu da əvvəlki göstəricidən 0,05 dollar/barel çoxdur.

Ölkə.Az

ŞƏRH YAZ
0

Ölkədə qızıl və gümüş bahalaşıb

Ölkədə qızıl və gümüş bahalaşıb
23:05
25.04.2019
103
İqtisadiyyat
A
Azərbaycanda qızıl və gümüş bahalaşıb.

"Ölkə.Az" Trend-ə istinadən xəbər verir ki, aprelin 25-də qızılın qiyməti aprelin 24-ü ilə müqayisədə 9,52 manat artaraq 1 unsiya üçün 2168,5455 manat təşkil edib.

Gümüş 0,1473 manat bahalaşaraq 1 unsiya üçün 25,3405 manata bərabər olub.

Trend-ə görə, platinin qiyməti 6,8255 manat azalaraq 1502,188 manat, palladiumun qiyməti isə 46,631 manat artaraq 2404,9475 manat təşkil edib.

Ad

25.04.2019

24.04.2019

Qızıl

XAU

2168,5455

2159,0255

Gümüş

XAG

25,3405

25,1932

Platin

XPT

1502,188

1509,0135

Palladium

XPD

2404,9475

2358,3165

Qeyd edək ki, troy unsiyası 31,1034768 qrama bərabər ölçü vahididir.

Ölkə.Az

ŞƏRH YAZ
0
BAĞLA