Azərbaycanın 5 ən gözəl piknik zonası — FOTO

Azərbaycanın 5 ən gözəl piknik zonası
19:03
12.08.2017
666
Maraqlı
A
Elə dövrlər olur ki, bir sabah gözünü açırsan və səhər yeməyini sevdiklərinin əhatəsində, təbiət qoynunda yemək istəyirsən.

Gözlərini yumub suyun şırıltısından, quşların səsindən, təbiətin gözəlliyindən həzz almaq istəyirsən.

Ailənizlə birgə təbiətin qoynunda bir neçə saat etdiyiniz piknik həyatınızın ən gözəl anına çevrilir. Bəs görəsən, Azərbaycanda bir neçə saatımızı maraqlı keçirə biləcəyimiz, piknik zonaları varmı?

"Ölkə.Az" bildirir ki, inteneti açıb uzun-uzadı axtarışlar etməməyiniz üçün səy-yah.com sizə Azərbaycanın piknik zonalarının siyahısını təqdim edir:

Qəçrəş, Quba

Qubanın Qəşrəş kəndi və onun ətrafı piknik üçün türklərin təbirincə desək çox müsaitdir. Yol kənarındakı meşələrdə saysız-hesabsız çardaqlar, yemək üçün masalar hətta manqal üçün gözəl şərait də var.

Qoşa şəlalə, Qusar

Təxminən 2000 metr yüksəklikdədir. Xüsusilə də yay aylarında bura istirahətə gələnlər üçün əvəzolunmaz piknik zonasıdır.

Mamırlı şəlalə, Qax

Ləkit-Kötüklü kəndində, sıx meşənin dərinliyində yerləşir. Çox nadir şəlalədir. Qayalardan süzülən su buarada sıx mamır bitməsinə səbəb olub. Burda ağaclar elə sıx bitib ki, əraziyə gün düşmür. Şəlalənin ətrafı piknik cənnətidir. Burda hər zaman piknikçiləri görmək mümkündür.

Qaladüzü parkı, Zaqatala

Park 1947-ci ildə salınıb. Zaqatalalıların ən məşhur istirahət yeridir. Parkda bolluca çayxana və restoranlar var. İstəyən hər kəs piknik çantasını da götürü, burada vaxtını səmərəli keçirə bilər.

İstisu, Masallı

İlin hər fəslində gözəldir. Şəlalələri ilə daha da ecazkar görünür. Yayda bu şəlalələrin ətrafı çox sərin olduğu üçün insanlar bura piknik üçün gəlirlər.

ŞƏRH YAZ
0

Rusiya tarlasında qəribə işarələr — Yadplanetlilər mesaj verir?

Rusiya tarlasında qəribə işarələr
18:48
Bu gün
227
Maraqlı
A
Rusiyanın Krasnodar vilayətindəki buğda tarlalarında qəribə simvollar üzə çıxıb.

“Ölkə.Az” xəbər verir ki, artıq simvollar araşdırılır.

Rusiyanın taxıl anbarı olaraq tanınan və ölkənin ən çox əkin sahəsi olan Krasnodarda baş verən qəribə hadisə rusları qorxuya salıb. Səhər tarlaya çıxan fermerlər buğdalar üzərində qərimə simvollar görüblər. Məsələ mütəxəssislərə bildirilib.

Mütəxəssislər tarlaları həm havadan, həm də qurudan lentə alıblar. Bundan başqa ətrafda da axtarış işlərinə başlanılıb. Sosial şəbəkələrdə isə bu simvolların və işarələrin yadplanetlilər tərəfindən qoyulduğu və ruslara nəsə mesaj ötürmək istədikləri iddia edilir.

Hikmət Həsənov
Ölkə.Az

ŞƏRH YAZ
0

Alimlərdən dəhşətli xəbərdarlıq: “İstilər 100 min insanın ölümünə səbəb olacaq”

Alimlərdən dəhşətli xəbərdarlıq: “İstilər 100 min insanın ölümünə səbəb olacaq”
13:10
Bu gün
1993
Maraqlı
A
Qlobal istilər və iqlim dəyişikliyinin mənfi təsirləri artıq insan ölümünə səbəb olacaq.

“Ölkə.Az” xəbər verir ki, bu barədə tədqiqatçı alimlər xəbərdarlıq ediblər. Bildirilir ki, 2100-cü ildə dəhşətli istilər 100 min insanın ölümünə səbəb olacaq.

Tədqiqatın nəticələrinə əsasən, 1981-2010-cu illər arasında Avropa qitəsində hər il orta hesabla 3 min insan istilər səbəbindən ölüb. Əgər gedişat belə davam etsə, 2100-cü ildə bu rəqəm 100 min nəfərə çatacaq.

Hikmət Həsənov
Ölkə.Az

ŞƏRH YAZ
1
BAĞLA