Azərbaycanın ağır atleti Avropa çempionatında bürünc medal qazanıb

Azərbaycanın ağır atleti Avropa çempionatında bürünc medal qazanıb
22:33
19.10.2017
169
İdman
A
Albaniyanın Dürres şəhərində 20-23 yaşlı gənclər arasında ağır atletika üzrə Avropa çempionatı davam edir.

Azərbaycan Ağır Atletika Federasiyasından “Ölkə.Az”a bildirilib ki, yarışda ölkəmizin gənclərdən ibarət yığmasının üzvləri də iştirak edirlər.

Oktyabrın 19-da Hüseyn İsmayılov (94kq) 20 yaşadək kişi atletlər arasında medallar uğrunda mübarizəyə qoşulublar. Atletimiz uğurlu çıxışı ilə yadda qalıb. H.İsmayılov birdənqaldırma hərəkətində 158 kiloqramı ram edib və bu hərəkətdə bürünc medal qazanıb.

18 yaşlı atletimiz təkanla qaldırma hərəkətində 188 kiloqramı qaldıraraq bu hərəkətdə dördüncü olub.

H.İsmayılov ümumilikdə 346 kiloqram (158+188) nəticə ilə Avropa çempionatının yekun sıralamasında üçüncü yeri tutub.

Oktyabrın 22-dək davam edəcək yarışda 36 ölkədən 405 atlet (170 qadın və 235 kişi) mübarizə aparır.

Ölkə.Az

ŞƏRH YAZ
0

Ronaldinyo futbol karyerasını başa vurur

Ronaldinyo futbol karyerasını başa vurur
10:17
Bu gün
340
İdman
A
Əfsanəvi futbolçu Ronaldinyo futbol karyerasını başa vurur.

"Ölkə.Az" xəbər verir ki, karyerasında iki illik fasilədən sonra Ronaldinyo rəsmi olaraq idmanı tərk etdiyini bildirib.

37 yaşlı futbolçunun qardaşı Roberto de Assiş bəyan edib ki, "Barselona" klubu və Braziliya millisinin yarımmüdafiəçisi bundan sonra futbol meydançasında simvolik fiqur kimi peyda ola bilər.

"Globo" nəşriyyatı Robertonun müsahibəsini verib: "Ronaldinyo karyerasını başa vurdu. Artıq bitdi. Ola bilər ki, 2018-ci ilin dünya çempionatından sonra nəsə düşünək. Braziliya, Avropa və Asiyada tədbirlər təşkil edə bilərik".

Hikmət Həsənov
Ölkə.Az

ŞƏRH YAZ
0

“Qarabağ” dünyanın ən yaxşı 100 komandası arasında

“Qarabağ” dünyanın ən yaxşı 100 komandası arasında
17:59
16.01.2018
235
İdman
A
Dünyanın ən yaxşı klublarının siyahısı açıqlanıb.

"Ölkə.Az" Apasport.az-a istinadən xəbər verir ki, Beynəlxalq Futbol Tarixi və Statistikaları Federasiyasının (İFFHS) tərtib etdiyi cədvəldə planetin ən yaxşı 402 komandası yer alıb.

2017-ci ilin yekunlarının əksini tapdığı siyahıda Azərbaycan 3 klubla təmsil olunub. Ən yaxşı təmsilçimiz “Qarabağ”dı.

Ağdam klubu 136 xalla planetin 93-cü komandasıdı. İlk “100-lük”dəki yeganə təmsilçimiz Çempionlar Liqasının qrupuna qədər irəliləsə də, 1 il əvvəlki ilə müqayisədə 39 pillə geriləyib. Bu, Qurban Qurbanovun yetirmələrinin ötən il Avropa Liqasının qrupunda daha çox xal yığması ilə bağlıdı.

“Qarabağ”dan başqa, dünyanın 2 klubu 136 xala malikdi. Təmsilçimizin şərikləri “Borussiya” (Mönhenqladbax, Almaniya) və “Paçuka” (Meksika) klublarıdı.

Ölkəmizin siyahıdakı 2-ci komandası “Zirə”di. Paytaxt klubu 72 xalla 296-cı yerə şərikdi. “Atletiko” (Bukaramanqa, Kolumbiya), “Kolon” (Argentina), “Renn” (Fransa) və “Melqar”la (Peru) eyni xala malik Ayxan Abbasovun yetirmələri fantastik sıçrayışla diqqət çəkib. Ötən il 761-ci olan bakılılar 465 pillə irəliləyib.

Hesabında 65 xal olan “Qəbələ” isə 353-cü pillənin şərikləri arasındadı. Roman Qriqorçukun yetirmələri “Əl-Naser” (Səudiyyə Ərəbistanı), “Arka” (Polşa), “Defensor” (Uruqvay), “Atromitos” (Yunanıstan), “Hapoel” (Hayfa, İsrail), “Əl-Vəhdət” (İordaniya) ilə eyni nəticəyə malikdi. Əyalət klubu bir il əvvəlki ilə müqayisədə 255 pillə geriləyib. Bu, komandanın ötənilki uğurunu təkrarlayıb Avropa Liqasının qrup mərhələsinə yüksələ bilməməsi ilə bağlıdı.

Qeyd edək ki, siyahıya İspaniya “Real”ı başçılıq edir – 328 xal. Braziliya “Qremio”su 286 xalla 2-ci, İngiltərə təmsilçisi “Mançester Yunayted”  284 xalla 3-cüdü.

ŞƏRH YAZ
0
BAĞLA