Azərbaycanın Avropa İttifaqı ilə ticarət dövriyyəsi azalmaqdadır

Azərbaycanın Avropa İttifaqı ilə ticarət dövriyyəsi azalmaqdadır
16:15
11.10.2017
168
İqtisadiyyat
A
Bu ilin yanvar-avqust aylarında Azərbaycanın hüquqi və fiziki şəxsləri dünyanın 180 ölkəsindəki tərəfdaşları ilə ticarət əməliyyatları həyata keçirib, 110 ölkəyə məhsul ixrac olunub, 173 ölkədən idxal olunub.

Dövlət Statistika Komitəsindən “Ölkə.Az”a verilən məlumata görə, gömrük orqanlarında qeydiyyatı aparılıb, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla bu ilin yanvar-avqust aylarında xarici ticarət dövriyyəsi 15 mlrd. 21,2 mln. dollar, o cümlədən ixracın dəyəri 9 mlrd. 720,4 mln. dollar, idxalın dəyəri 5 mlrd. 300,8 mln. dollar təşkil edib, nəticədə 4 mlrd. 419,6 mln. dollarlıq müsbət ticarət saldosu yaranıb. 2016-cı ilin yanvar-avqust ayları ilə müqayisədə xarici ticarət dövriyyəsi faktiki qiymətlərlə 7% faiz artıb, real ifadədə isə 13,3%, o cümlədən ixrac 8,9%, idxal 20% azalıb.
 
Ticarət dövriyyəsinin 35,7%-i (yanvar-iyul ərzində 37,3%) Avropa İttifaqı ölkələri, 13,2%-i (dəyişməz qalıb) MDB üzvü dövlətləri, 51,1%-i (49,5%) isə dünyanın digər ölkələrinin payına düşüb.

İxracın dəyərinin 21,4%-i İtaliyaya, 14,2%-i Türkiyəyə, 6%-i Çinə, 5,1%-i Rusiyaya, 4,7%-i Gürcüstana, 4,4%-i Çexiyaya, 4,2%-i İsrailə, 3,8%-i Hindistana, hər biri 3,7%-i olmaqla Tayvan (Çinin əyaləti), Almaniya və Portuqaliyaya, 3,4%-i Kanadaya, qalan 21,7%-i isə digər ölkələrə göndərilmiş məhsullar əsasında formalaşıb.
 
İdxal olunmuş məhsulların dəyərinin 17,2%-i Rusiyanın, 15,3%-i Türkiyənin, 10%-i Çinin, 7,8%-i ABŞ-ın, 4,7%-i Almaniyanın, 4,4%-i Ukraynanın, 3,9%-i İtaliyanın, hər biri 3%-i olmaqla İran və Birləşmiş Krallığın, 2,8%-i Braziliyanın, 2,2%-i Norveçin, 1,7%-i Fransanın,  24%-i isə digər ölkələrin payına düşüb.
 
Bu ilin yanvar-avqust aylarında 963,5 mln. dollar dəyərində qeyri-neft məhsulları ixrac edilib ki, bu da 2016-cı ilin yanvar-avqust aylarına nisbətən faktiki qiymətlərlə 30,1%, real ifadədə isə 27,4% çoxdur.
 
Bu ilin yanvar-avqust aylarında 2016-cı ilin eyni dövrü ilə müqayisədə mühüm məhsul növlərindən təzə tərəvəz ixracı 86,3%, təzə meyvə – 34,6%, kartof – 50,7%, tütün – 92,1%, bitki yağları – 14,2%, çay – 53,8%, meyvə və tərəvəz şirələri – 75,8%, təbii üzüm şərabları və üzüm suslosu – 73,5%, meyvə və tərəvəz konservləri – 0,8%, pambıq lifi – 6,3 dəfə, bentonit gili – 3,7 dəfə artıb, şəkər ixracı isə 34,4%, marqarin, qida üçün yararlı digər qarışıqlar – 2,8%, polietilen – 0,4%, emal olunmamış alüminium – 26,8%, qara metallardan borular – 6,9%, qara metallardan yarımfabrikatlar – 28,3%, pambıq ipliyi – 34,1% azalıb.
 
2016-cı ilin yanvar-avqust ayları ilə müqayisədə 2017-ci ilin yanvar-avqust aylarında bitki yağları idxalı 2,7%, kərə yağı, digər süd yağları və pastaları – 5,8%, təzə meyvə – 8,6%, çay – 1,6%, quş əti və onun əlavə məhsulları – 55,2%, mal əti – 2,2 dəfə, minik avtomobilləri – 63,5%, polad prokatı – 7,9%, hesablama maşınları, blok və qurğuları – 70,9%, mebel – 2,4 dəfə,  qara metallardan çubuqlar – 18,7%, rezin şinlər – 38,2%, mineral gübrələr – 2,9 dəfə, məişət kondisionerləri – 25%, qara metallardan künclüklər – 35,2%, paltaryuyan maşınlar – 77,8%, yük avtomobilləri – 76,3%, avtobuslar – 2,5 dəfə artıb, buğda idxalı isə 36,2%, xam şəkər və şəkər – 8,7%, kartof – 5,2%, təzə tərəvəz – 44,7%, qara metallardan borular – 63,1%, polietilen – 20,6%, sement və sement klinkerləri – 93,8%, məişət soyuducuları – 28% azalıb.

ŞƏRH YAZ
0

Bitkoin 9 min dollar həddini keçdi

Bitkoin 9 min dollar həddini keçdi
00:40
Bu gün
142
İqtisadiyyat
A
Dünyanın ən populyar kriptovalyutası olan bitkoin bahalaşmanı davam etdirib.

"Ölkə.Az"ın Trend-ə istinadən məlumatına görə, bitkoin bu gün 9 min dollar həddini keçib.

Belə ki, "CoinMarketCap" portalının məlumatlarına əsasən, bitkoinin qiyməti 4,42% bahalaşaraq 9,253 min dollar təşkil edib.

Alternativ kriptovalyutaların qiymətində də artım davam edir. Belə ki, "Ethereum" 7,54% və ya 680,52 dollaradək, "Ripple" 5,92% (0,92 dollara qədər), "Bitcoin Cash" isə 16,29% (1547,12dollaradək) bahalaşıb.

Kriptovalyuta bazarının kapitallaşması hazırda 421,63,46 milyard dollar təşkil edir və bunun 37 faizi bitkoinin payına düşür.

Ölkə.Az

ŞƏRH YAZ
0

Qızıl-gümüş bazarında qiymətlər ucuzlaşır

Qızıl-gümüş bazarında qiymətlər ucuzlaşır
23:26
24.04.2018
187
İqtisadiyyat
A
Aprelin 24-də Azərbaycanda qiymətli metallar ucuzlaşıb.

"Ölkə.Az" "Trend"ə istinadən xəbər verir ki, qızılın qiyməti aprelin 23-ü ilə müqayisədə 12,988 manat azalaraq 1 troy unsiyası üçün 2255,339 manat təşkil edib.

Gümüş 0,6679 manat ucuzlaşaraq 1 unsiya üçün 28,373 manata bərabər olub.

Trend-ə görə, platinin qiyməti 10,353 manat azalaraq 1566,397 manat, palladiumun qiyməti 79,8915 manat azalaraq 1677,4835 manat təşkil edib.

Ölkə.Az

ŞƏRH YAZ
0
BAĞLA