Azərbaycanın bank sektorunun aktivləri yanvarda 3% artıb

Azərbaycanın bank sektorunun aktivləri yanvarda 3% artıb
23:55
20.03.2017
187
İqtisadiyyat
A
Azərbaycanda fəaliyyət göstərən 32 bankın cəmi aktivləri bu il fevralın 1-nə 32 407,1 mln. manat təşkil edib.

"Ölkə.Az” Maliyyə Bazarlarına Nəzarət Palatasına istinadən xəbər verir ki, bu, bu il yanvarın 1-i ilə müqayisədə 3,1% çoxdur.

Bankların aktivlərinin 50%-ni müştərilərə verilmiş kreditlər təşkil edib. Ay ərzində bank sektorunun kredit portfeli 1,7% böyüyüb.

Yanvarda bankların cəmi öhdəlikləri 2,8% artaraq 30 347,5 mln. manat olub. Bunun 57%-ni və yaxud 17 301,6 mln. manatını depozit portfeli təşkil edib. Bu, aylıq müqayisədə 5,4% çoxdur.

Ay ərzində əhalinin banklardakı əmanətləri (fiziki şəxslərin depozitləri) 3,5% artaraq 7 691,3 mln. manata, hüququ şəxslərin depozitləri isə 7% artaraq 9 610,3 mln. manata çatıb.

Hesabat dövründə bankların Azərbaycan Mərkəzi Bankı qarşısında öhdəlikləri isə 0,35% artaraq 1 701,4 mln. manat olub.

Yanvarda bank sektorunun cəmi kapitalı isə 7,9% artaraq 2 059,6 mln. manat təşkil edib.

Ay ərzində kredit təşkilatlarının faiz gəlirləri 179,8 mln. manat, faiz xərcləri 91 mln. manat, qeyri-faiz zərərləri 303,8 mln. manat, qeyri-faiz xərcləri isə 67,4 mln. manat olub. Son nəticədə bank sektorunun xalis əməliyyat zərəri 282,4 mln. manat təşkil edib.

Banklar aktivlər üzrə zərərlərin ödənilməsi üçün xüsusi ehtiyatın yaradılmasına 212 mln. manat yönəldib, digər mənbələrdən isə 1,1 mln. manat gəlir əldə edib, 2,7 mln. manat isə mənfəət vergisi ödəyib. Beləliklə, bank sektoru yanvar ayını 496 mln. manat xalis zərərlə başa vurub. 

Ölkə.Az

ŞƏRH YAZ
0

Türkdilli ölkələrin vahid gömrük zonası yaradıla bilər

Türkdilli ölkələrin vahid gömrük zonası yaradıla bilər
20:27
Bu gün
172
İqtisadiyyat
A
Gələcəkdə türkdilli ölkələr üçün vahid gömrük zonasının yaradılması məsələsinə baxıla bilər.

"Ölkә.Az" xәbәr verir ki, bu barədə Trend-ə Azərbaycanın Özbəkistandakı fövqəladə və səlahiyyətli səfiri Hüseyn Quliyev deyib.

Səfir bildirib ki, Özbəkistanın Türkdilli Ölkələrin Əməkdaşlıq Şurasına üzv olmasından sonra təkcə iqtisadiyyat deyil, təhsil, gənclər, idman və turizm sahələrində də bütün mümkün layihələrin reallaşdırılmasına imkan yaranacaq:

"Türkiyə Prezientinin Özbəkistana səfərindən sonra ölkə rəhbərliyi tərəfindən rəsmi Daşkəndin Türk Şurasının işində iştirakı barədə qərar qəbul olundu. Özbəkistanın Türk Şurasına üzv olması çox vacib hadisədir. Özbəkistan inkişaf dinamikası və əhalisinin sayına görə Şuranın işinə mühüm töhfə verəcək".

H.Quliyev qeyd edib ki, idxal rüsumu və kvota kimi ticarət maneələrinin azaldılması və tam aradan qaldırılması nəticəsində Mərkəzi Asiya ölkələri, Azərbaycan və Türkiyə arasında beynəlxalq ticarətin həcmi arta bilər:

"Tariflərin azaldılması, öz növbəsində, Türk Şurasının təşəbbüsü ilə gömrük ittifaqının və ya azad ticarət zonasının yaradılması sayəsində, həmçinin praktikada geniş yayılmış beynəlxalq danışıqlar nəticəsində həyata keçirilə bilər".

Xatırladaq ki, Özbəkistan Prezidenti Şavkat Mirziyoyev 2018-ci il aprelin 30-da Türkiyə Prezidenti Rəcəb Tayyib Ərdoğanla danışıqların yekunları ilə bağlı bəyanatında ölkəsinin mənzil-qərargahı İstanbulda yerləşən Türkdilli Ölkələrin Əməkdaşlıq Şurasının işində iştirak etməyə başlayacağını bildirmişdi. Dövlət başçısı demişdi ki, Özbəkistan Bişkekdə Türk Şurasının növbəti iclasına qatılacaq.

Qeyd edək ki, müasir türk dövlətlərini birləşdirən Türk Şurası beynəlxalq təşkilatının əsas məqsədi üzv dövlətlər arasında hərtərəfli əməkdaşlığın inkişaf etdirilməsidir. Şura 2009-cu il oktyabrın 3-də Azərbaycanın Naxçıvan şəhərində yaradılıb.

Hazırda Şuranın üzvləri Azərbaycan, Qazaxıstan, Qırğızıstan, Türkiyə və Özbəkistandır.

Ölkә.Az

ŞƏRH YAZ
0

Azərbaycanlılar ərzağa nə qədər pul xərcləyir? — Rəsmi rəqəmlər

Azərbaycanlılar ərzağa nə qədər pul xərcləyir?
20:00
Bu gün
199
İqtisadiyyat
A
Yanvar-may aylarında pərakəndə ticarət şəbəkəsində satılmış məhsulların dəyəri əvvəlki ilin eyni dövrünün səviyyəsini müqayisəli qiymətlərlə 2,4 faiz üstələyərək 13,7 milyard manata bərabər olub.

Dövlət Statistika Komitəsindən "Ölkə.Az"a verilən məlumata görə, ticarət dövriyyəsinin 6,9 milyard manatını ərzaq məhsulları, içkilər və tütün məmulatları, 6,8 milyard manatını qeyri-ərzaq məhsulları təşkil edib və satılmış məhsulların dəyəri 2017-ci ilin yanvar-may aylarının göstəricilərini real ifadədə müvafiq olaraq 1,8 faiz və 3,0 faiz üstələyib.

Hesabat dövründə alıcıların son istehlak məqsədilə aldıqları mallara xərclədiyi vəsaitin 45,2 faizi ərzaq məhsullarının, 4,9 faizi içkilər və tütün məmulatlarının, 18,0 faizi toxuculuq məhsulları, geyim və ayaqqabıların, 6,2 faizi elektrik malları və mebellərin, 5,8 faizi avtomobil yanacağının, 1,3 faizi əczaçılıq və tibbi malların, 0,7 faizi kompüterlər, telekommunikasiya avadanlıqları və çap məhsullarının, 17,9 faizi isə digər qeyri-ərzaq məhsullarının alınmasına sərf olunub.

Hesabat dövründə yanvar-may aylarında istehlak məhsullarının 13,9 faizi ticarət müəssisələri, 52,3 faizi fərdi sahibkarlar tərəfindən, 33,8 faizi isə bazar və yarmarkalarda satılıb. 2017-ci ilin eyni dövrü ilə müqayisədə pərakəndə ticarət dövriyyəsi real ifadədə müəssisələr üzrə 23,3 faiz artıb, fərdi sahibkarlar üzrə 0,1 faiz, bazar və yarmarkalarda 0,5 faiz azalıb.

Əhalinin bir nəfərinə düşən orta aylıq pərakəndə ticarət dövriyyəsi 279,7 manat və ya ötən ilin yanvar-may aylarının göstəricisindən nominal ifadədə 13,5 manat çox olub. Ticarət şəbəkəsində bir ölkə sakini orta hesabla hər ay 140,1 manatlıq ərzaq məhsulları, içkilər və tütün məmulatları, 139,6 manatlıq qeyri-ərzaq məhsulları alıb.

ŞƏRH YAZ
0
BAĞLA