Regionlarda “Sosial layihələr” müsabiqəsinin ictimaiyyət üçün təqdimatları keçirilib — FOTO

Regionlarda “Sosial layihələr” müsabiqəsinin ictimaiyyət üçün təqdimatları keçirilib
12:51
11.09.2019
7944
Ölkə
A
Heydər Əliyev Fondunun “Regional İnkişaf” İctimai Birliyinin 2019-cu il üzrə elan etdiyi “Sosial layihələr” müsabiqəsinin Şamaxı, Şəki, Ağcabədi, Salyan və Quba rayonlarında, Gəncə və Mingəçevir şəhərlərində ictimaiyyət üçün geniş təqdimatları keçirilib.

“Sosial layihələr” müsabiqəsinin rəhbəri Şahin Seyidzadə tərəfindən aparılan təqdimatlarda qeyd olunan şəhər və rayonlarda fəaliyyət göstərən dövlət qeydiyyatına alınmış qeyri-hökümət təşkilatlarının, ali təhsil müəssisələrinin, peşə və orta ixtisas təhsili müəssisələrinin, elmi-tədqiqat təşkilatlarının, könüllülər hərəkatlarının, təhsil müəssisələrinin daxilində fəaliyyət göstərən tələbə elmi cəmiyyətləri və tələbə gənclər təşkilatlarının nümayəndələri iştirak ediblər.

İştirakçılara “Sosial layihələr” müsabiqəsinin məqsədi, müsabiqədə iştirak şərtləri, müraciət qaydaları, tələb olunan sənədlər və digər məsələlər barədə ətraflı məlumatlar verilib, onları maraqlandıran suallar cavablandırılıb.

“Sosial layihələr” müsabiqəsi ilə bağlı respublikanın digər bölgələrində də təqdimatların keçirilməsi nəzərdə tutulur. 

Xatırladaq ki, müsabiqəyə layihə qəbulu noyabrın 20-dək davam edəcək.

Müsabiqə üzrə iştirakçıların qeydiyyatı və layihə təkliflərinin qəbulu elektron qaydada “Regional İnkişaf” İctimai Birliyinin rəsmi internet səhifəsində (http://musabiqe.riib.az/) aparılır.

Ölkə.Az

ŞƏRH YAZ
0

Bakıda taksi sürücüsünə qarşı quldurluq edən şəxs tutuldu

Bakıda taksi sürücüsünə qarşı quldurluq edən şəxs tutuldu
01:46
Bu gün
2216
Ölkə
A
Taksi sürücüsünə qarşı quldurluq etməkdə şübhəli bilinən şəxs saxlanılıb.

Xətai RPİ-nin 34-cü Polis Şöbəsinə müraciət edən Ağsu rayon sakini İ.Şirəliyev dekabrın 5-də idarə etdiyi “Mercedes” markalı avtomobilə sərnişin qismində minən şəxsin onu bıçaqla hədələyib içərisində 100 manat olan pulqabısını aldığını və Yasamal rayonu ərazisində yerləşən “Qələbə” dairəsinin yaxınlığına sürdürərək orada düşərək getdiyini bildirmişdir.

Bakı ŞBPİ-nin Cinayət Axtarışı İdarəsi və 34-cü PŞ əməkdaşlarının birgə keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən İmişli rayon sakini O.Salamzadə qısa müddətdə müəyyən edilərək saxlanılmışdır.

Araşdırma aparılır.

Natiq Allahverdiyev
Ölkə.Az

 

ŞƏRH YAZ
0

Yevda Abramov dünyasını dəyişib

Yevda Abramov dünyasını dəyişib
21:30
06.12.2019
6629
Ölkə
A
Milli Məclisin deputatı Yevda Abramov dünyasını dəyişib.

"Ölkə.Az" xəbər verir ki, bu barədə modern.az-a deputat Vahid Əhmədov məlumat verib.

Vahid Əhmədovun verdiyi məlumata görə dəfn mərasimi dekabrın 7-si saat 12:00-da Qubada keçiriləcək:
“Qubada “Mədəniyyət evi”ndə vida mərasimi keçiriləcək. Allah rəhmət eləsin!”

Qeyd edək ki, Milli Məclisin İnsan hüquqları komitəsinin sədrinin müavini Yevda Abramov bir müddətdir xəstəliyi ilə əlaqədar Mərkəzi Klinik Xəstəxanada müalicə olunurdu.

ŞƏRH YAZ
0
BAĞLA