Azərbaycanın əməkdar artisti vəfat etdi
Əməkdar artist, dirijor Ziya Bağırov vəfat edib.
“Ölkə.Az” xəbər verir ki, bu barədə Əməkdar artist Nüşabə Ələsgərli sosial media hesabında məlumat verib.
Qeyd edək ki, mərhum sənətçi 1962-1972-ci illərdə Z. Bağırov Bakı Hərbi Mahnı və Rəqs ansamblında, 1972-1978-ci illərdə Azərbaycan Dövlət Televiziya və Radio Verlişləri Komitəsində, 1978-1998-ci illərdə M.Maqomayev adına Azərbaycan Dövlət Filarmoniyasının F.Əmirov adına Mahnı və Rəqs ansanblında dirijor vəzifəsində çalışıb.
1962-ci ildən 1998-ci ilə qədər iş fəaliyyəti ilə bağlı bir çox xariсi ölkələrdə qastrol səfərlərində olan Z.Bağırov, bu səfərlər zamanı Azərbaycan mədəniyyətini təmsil edib. O, 1999-cu ildən etibarən isə Musiqili Komediya Teatrında çalışırdı.
Z.Bağırov 81 yaşında dünyasını dəyişib.
Ölkə.Az
