Azərbaycanın energetika naziri Türkiyə səfirini qəbul edib — FOTO

Azərbaycanın energetika naziri Türkiyə səfirini qəbul edib
20:12
18.10.2017
35
Ölkə
A
Türkiyənin ölkəmizə yeni təyin olunmuş fövqəladə və səlahiyyətli səfiri Erkan Özoral Azərbaycan Energetika Nazirliyində olub.

Nazirlikdən “Ölkə.Az”a verilən məlumata görə, səfir Azərbaycanın energetika naziri vəzifəsinə təyin edilməsi münasibətilə Pərviz Şahbazova təbriklərini çatdırıb.

Səfir bu təyinatın iki ölkə arasında enerji əməkdaşlığının daha da möhkəmlənməsinə xidmət edəcəyinə ümidvar olduğunu bildirib. E. Özoral Azərbaycanın Türkiyə ilə birgə reallaşdırdığı Bakı-Tbilisi-Ceyhan neft və Bakı-Tbilisi-Ərzurum qaz kəməri, eləcə də “Cənub Qaz Dəhlizi”nin əsas seqmentlərindən olan Trans-Anadolu qaz boru kəməri (TANAP) layihələrini regionda enerji təhlükəsizliyinə töhfə verən uğurlu əməkdaşlıq nümunələri adlandırıb. O, Azərbaycan-Türkiyə ikitərəfli münasibətlərinin gələcək inkişafı istiqamətində sıx əməkdaşlığın vacibliyini vurğulayıb.

Nazir kimi ilk görüşünün Türkiyə səfiri ilə keçirilməsinin ölkələrimiz arasındakı dost və qardaşlıq münasibətlərinin daha bir göstəricisi olduğunu diqqətə çatdıran energetika naziri Pərviz Şahbazov bu münasibətlərin bütün sahələrdə, o cümlədən enerji sahəsində yüksək əməkdaşlığı təmin etdiyini bildirib. Qeyd edib ki, həyata keçirilən enerji layihələri hər iki ölkənin regionda daha da güclənməsi, tranzit potensialının genişlənməsi baxımından çox önəmlidir. Nazir iki ölkənin iştirakı ilə həyata keçirilən enerji layihələrinə və enerji əməkdaşlığının gələcək perspektivlərinə diqqət yönəldib. P.Şahbazov bu sahədə müasir trendlərin birgə müzakirəsi məqsədilə Türkiyənin enerji və təbii ehtiyatlar naziri Berat Albayrakla görüşmək arzusunda olduğunu nəzərə çatdırıb. Görüşdə Azərbaycan - Türkiyə enerji əməkdaşlığının prioritet istiqamətləri üzrə geniş fikir mübadiləsi aparılıb.

Ziya Səccad
Ölkə.Az

ŞƏRH YAZ
0

Ermənistan silahlı qüvvələri pulemyotlardan kəndlərimizi atəşə tutdu

Ermənistan silahlı qüvvələri pulemyotlardan kəndlərimizi atəşə tutdu
09:35
Bu gün
723
Ölkə
A
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 135 dəfə pozub

Ölkə.Az xəbər verir ki, bu barədə Müdafiə Nazirliyinin mətbuat xidməti məlumat yayıb.

Ermənistan Respublikası Noyemberyan rayonu ərazisindəki adsız yüksəkliklərdə, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Qaymaqlı, Quşçu Ayrım, Qızılhacılı, Bala Cəfərli kəndlərində, Berd rayonunun Mosesqex, Çinari və Ayqedzor kəndlərində yerləşən mövqelərdən Tovuz rayonunun Ağdam, Koxanəbi, Muncuqlu və Qaralar kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Göyəli, Zamanlı kəndlərində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Şıxlar, Baş Qərvənd, Cəvahirli, Qaraqaşlı, Yusifcanlı, Mərzili, Xocavənd rayonunun Kuropatkino, Füzuli rayonunun Qobu Dilağarda, Qərvənd, Qaraxanbəyli, Qorqan, Kürdlər, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər, Ağdam və Xocavənd rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.

ŞƏRH YAZ
0

Astarada torpaq sürüşməsi:yollardan biri qismən bağlandı

Astarada torpaq sürüşməsi:yollardan biri qismən bağlandı
22:48
18.11.2017
3115
Ölkə
A
Astarada torpaq sürüşməsi nəticəsində dağ kəndinə gedən yol qismən bağlanıb.

Ölkə.Az xəbər verir ki, bu barədə APA cənub bürosuna istinadən məlumat yayıb.

Qeyd edilir ki, Astarada Təxtənəkəran-Toradi yolunun Hamuşam kəndi ərazisindən keçən hissəsində dağdan ovunub gələn torpaq layı yolu bağlayıb. Sakinlərin sözlərinə görə, yolun bir zolağı ağır texnika vasitəsi ilə təmizlənib. Yolun ensiz və yağışlar səbəbindən sürüşkən olması sürücülər üçün təhlükə yaradır. Əlverişsiz hava şəraiti səbəbindən ərazidə təmizlik işləri müvəqqəti dayandırılıb.

ŞƏRH YAZ
0
BAĞLA