Mətn ölçüsü:
  • 100%

Azərbaycanın geosiyasətdəki möhkəmlənən yeri və arxa plana atılmış Ermənistan

Zaman gələcək 2016-cı ilin aprel ayının bir neçə günü Azərbaycanın tarixində parlaq ulduz kimi qalacaq.

Düşünməyin ki, ordumuzun iki kənd və bir neçə yüksəkliyi erməni işğalından azad etməsinə poema həsr etmək istəyirəm. Yox. Aprelin əvvəlində Qarabağ cəbhəsində baş vermiş qısa qarşıdurmanın geosiyasi arenada hansı effekti verdiyi haqda danışacağıq bugünkü yazımızda.

Beləliklə 20 ildən çox bir vaxt ərzində daxilində "məğlub sindromunu" yaşadan bir xalqın, getdikcə komplekslərinə çevrilməyə başlayan bir nisgil qəfil baş vermiş hadisə nəticəsində sinəsindən qoparaq onu çuğlamış bədbinliyin caynaqlarından xilas etdi. Bir gecənin içərisində ordumuzun cəbhə xəttindəki bir neçə strateji yüksəkliyi ələ keçirməsi dünya mediasının və daha sonra dünya siyasətinin gündəmini zəbt etdi.

Bu ayın əvvəlindən başlayaraq Suriya, Donbas, Krım və sair kimi dünyanın gündəm xəbərlərini arxa plana salan Qarabağdakı döyüşlər hər kəsin diqqət mərkəzinə çevrildi. Hətta dünya birjalarında neftin, qızılın, valyutaların qiyməti və məzənnəsi belə ikinci dərəcəli xəbərə çevrildi. O gün bütün dünya Qarabağdan, Azərbaycan-Ermənistan münaqişəsindən danışdı. Təmas xəttindən başqa müharibə tam gücü ilə qlobal informasiya məkanında da davam etdi. Hər kəs öz mövqeyinin haqlı olduğunu sübut etməyə çalışdı. Döyüşlərin ikinci və üçüncü günü də ordumuzdan ağır zərbələr yeyən Ermənistan ənənəvi ikiüzlü, qeyri-səmimi və şivən siyasətini işə saldı. 20 ildir özlərini döyüşkən, qəhrəman bir millət kimi qələmə verən ermənilər əsgərlərinin cəsədlərini döyüş meydanında, erməni sakinləri isə kəndlərdə qoyaraq üzü Xankəndinə tərəf qaçmağa başladılar. Dağlıq Qarabağda olan-qalan ermənilər də panika içərisində götürə biləcəkləri yükü götürərək Ermənistana doğru üz tutdular.

Bir neçə gün ərzində erməni liderlərinin bütün dünyaya "əzabkeş" ermənilərin Azərbaycan təcavüzündə əziyyət çəkdiyi və qırıldıqları haqda vay-şivən və yalvarış dolu müraciətləri yayıldı. Artıq "döyüşkən ermənilər" qorxaq küçük kimi rus ayısının arxasında gizlənərək, zingiltili səslə ondan kömək diləyirdilər. Ordumuzun əks-zərbələrinin dördüncü günündə erməni işğalçıları tələsik birtərəfli atəşkəs elan etdərək dünyaya vuruşa bilmədiklərini bəyan etdilər. Dünyanı başına götürmüş erməni vay-şivənindən təngə gələn dünya liderləri məsələyə qarışaraq sülhün vacibliyindən danışdılar. ABŞ, Rusiya, Avropanın siyasi strukturlarının rəhbərləri Azərbaycan prezidentinə zənglər edərək tərəfləri sülhə çağırdılar. Ermənilərin 4 günlük zərbələrin nəticəsində kapitulyasiya etməsindən sonra Rusiyanın baş naziri Medvedev və XİN başçısı regiona səfər etdilər. Medvedev tələsik İrəvana uçaraq Sarkisyana ürək-dirək verdi və oradan Azərbaycana gəldi.

Azərbaycan rəhbərliyinə yüksək səviyyədə qarşılandığına və Rusiya dövlətinə göstərilən ehtirama görə dərin təşəkkürünü bildirən Medvedev Azərbaycanla Rusiyanın strateji tərəfdaş olduğuna diqqət çəkərək bu əlaqələrin onlar üçün çox qiymətli olduğunu vurğuladı. Bakıda baş nazir Medvedevə qoşulan müavini Roqozin, Rusiya hərbi sənaye kompleksinin kuratoru kimi Ermənistanın silah məsələsində Moskvaya yönəltdikləri iradlara sərt şəkildə cavab verərək, Azərbaycanla hər sahədə əməkdaşlığı davam etdirəcəklərini bildirdi. Daha sonra Rusiyanın baş naziri Medvedev də Rusiyanın Azərbaycana silah satışını davam etdirəcəyini deyərək, bu bazara başqa dövlətlərin girməsinə razı olmayacaqlarını qeyd etdi.

Ermənilərin boş yerinə təpik dəymiş yaralı çaqqal kimi ulaşması isə hələ də davam edir. Bu dəfə həmişə erməniləri dəstəkləyən dünya dövlətlərinin hamısı Azərbaycanın ərazi bütövlüyünün bərpasının vacibliyindən, erməni işğal qüvvələrinin Azərbaycanın ərazisindən çıxmasının vacibliyindən danışdılar. Həmişə ermənilərin arxasında duran Roma katolik kilsəsi, Vatikan və Fransa kimi nüfuzlu dövlətlər belə Azərbaycanı dəstəklədilər. Bu da son 20 ildə aparılan uğurlu xarici siyasətin nəticəsi və Azərbaycan diplomatiyasının erməni lobbisinin beynəlxalq şəbəkəsi üzərindəki parlaq QƏLƏBƏSİ! Bu, Azərbaycan dövlətinin geosiyasi məkandakı nüfuzundan, çəkisindən və tutduğu mühüm yerindən xəbər verir. Artıq məğlub edə bilməyəcəyimizi düşündüyümüz erməni lobbisinin propaqandasının daşa dəyərək bumeranq kimi özlərinin başına dəydiyi dövrdür. Artıq böyük qələbə dövrüdür. Azərbaycanın qələbəsinin başlanğıc dövrüdür.

P.S. Azərbaycan əsgəri bir neçə günlük döyüşü ilə 25 illik tilsimi birdəfəlik sındıraraq millətin inamını özünə qaytardı. Torpağımız bir daha uğrunda canından keçən oğullarının qanı ilə suvarıldı. Bu torpaq müqəddəsdir və oraya düşmən ayağı dəyməməlidir! Artıq millət özünə, ordusuna, əsgəri komandanına, prezidenti xalqına, xalqı isə Allahına sidq ürəkdən inanan Azərbaycan var. Artıq ruhu cisminə, əsgərinin şöhrəti dünyaya sığmayan Azərbaycan var! Artıq yumruq kimi birliyimiz və sınmaz döyüş ruhumuz oyandı. Qələbəmiz isə irəlidə, düşmən tapdağından tam azad edəcəyimiz vətən torpaqlarımızdadır!

Məsul redaktordan
Ölkə.az