Azərbaycanın Gürcüstandakı səfiri yaralı azərbaycanlılara baş çəkdi

Azərbaycanın Gürcüstandakı səfiri yaralı azərbaycanlılara baş çəkdi
18:47
20.10.2017
242
Siyasət
A
Azərbaycanın Gürcüstandakı səfiri Dursun Həsənov ötən gecə Marneulidə baş vermiş insident nəticəsində yaralanmış şəxslərin vəziyyəti ilə maraqlanıb.

"Ölkə.Az"ın APA-ya istinadən məlumatına əsasən, səfir onların qohumları ilə söhbət edib.
 
Xəstəxananın həkim heyəti səfiri yaralıların vəziyyəti ilə bağlı məlumatlandırıb.
 
Xatırladaq ki, dünən naməlum şəxslər hakim “Gürcü Arzusu” partiyasının Marneuli rayon bələdiyyə üzvlüyünə Qızılhacılı kəndi üzrə majoritar namizədi Ceyhun Çovdarov və onu müşayiət edən 4 nəfərə atəş açıblar. Onların hamısı güllə yarası alıb. Hadisə “Gürcü Arzusu” partiyasının kənddəki qərargahı yaxınlığında baş verib.
 
Yerli xəstəxanaya yerləşdirilən yaralılar əməliyyat olunub.
 
Gürcüstan daxili işlər naziri Giorgi Mqebrişvili hadisə ilə bağlı Marneuliyə səfər edib. O, hadisəni siyasi amillərlə əlaqələndirməməyə çağırıb. ABŞ-ın Gürcüstandakı səfiri Yan Kelli isə baş verənləri qəbulolunmaz zorakılıq adlandırıb.

ŞƏRH YAZ
0

Deputat: “İsa Qəmbərin dövlət tərəfindən müalicəsi üçün göstərilən səylər birliyə rəvac verəcək addımdır”

Deputat: “İsa Qəmbərin dövlət tərəfindən müalicəsi üçün göstərilən səylər birliyə rəvac verəcək addımdır”
18:44
19.01.2018
10809
Siyasət
A
“İsa Qəmbərin dövlət tərəfindən müalicə olunması üçün ortaya qoyulan iradə Azərbaycanda həmrəyliyə və birliyə rəvac verəcək addımdır”.

Bu fikirləri “Ölkə.Az”-a açıqlamasında Milli Məclisin Vətəndaş Həmrəyliyi Partiyasından (VHP) seçilmiş deputatı Fəzail İbrahimli Yeni Azərbaycan Partiyasının (YAP) icra katibinin müavini Siyavuş Novruzovun fikirlərinə münasibət bildirərkən deyib. 

F.İbrahimli bildirib ki, Azərbaycan prezidenti siyasi mövqeyindən asılı olmayaraq, hər bir insana bütün çətin məqamlarda kömək göstərir: 

“Vaxtilə cənab İlham Əliyev prezident seçiləndə də bəyan etmişdi ki, mən hər bir azərbaycanlının prezidenti olacam. Doğrudan da biz bunun şahidi oluruq. Hörmətli Siyavuş Novruzovun İsa Qəmbərin xaricdə müalicə olunması ilə bağlı düşüncə qidası da məhz bu məqamdan bəhrələnib”.

Deputat qeyd edib ki, İsa Qəmbərin dövlət tərəfindən müalicə olunması Azərbaycanda həmrəyliyə və birliyə rəvac verəcək addımdır:

“Hər şeydən öncə isə bu insani addım hesab olunur. Mən bunu çox müsbət qiymətləndirirəm. İsa Qəmbərin dövlət tərəfindən müalicə olunmasının real həyata keçirilməsini də çox istərdim. Düşünürəm ki, bütün müxalifət düşərgəsi də Siyavuş Novruzovun bu mövqeyini alqışlamalıdır”.

Xatırladaq ki, Milli Strateji Düşüncə Mərkəzinin sədri, Müsavat Partiyasının sabiq sədri İsa Qəmbər ötən həftə ürəyində yaranmış problemlə əlaqədar Mərkəzi Klinik Xəstəxanaya yerləşdirilib. Onun ürəyinə stentlər qoyulub, hazırda həkim nəzarətindədir. Hakim Yeni Azərbaycan Partiyasının icra katibinin müavini, Milli Məclisin İctimai birliklər və dini qurumlar komitəsinin sədri Siyavuş Novruzov isə deyib ki, əgər İsa Qəmbərin xaricdə müalicəsinə ehtiyac yaranarsa, dövlət lazımi dəstək verəcək.

Vasif Həsənli
Ölkə.Az

ŞƏRH YAZ
0

İlham Əliyev QMİ-yə 4 milyon pul ayırdı

İlham Əliyev QMİ-yə 4 milyon pul ayırdı
18:09
19.01.2018
5822
Siyasət
A
Azərbaycan Prezidenti İlham Əliyev Qafqaz Müsəlmanları İdarəsi tərəfindən keçiriləcək bir sıra tədbirlərin maddi təminatı haqqında Sərəncam imzalayıb.

"Ölkə.Az" xəbər verir ki, Sərəncama əsasən “İslam Həmrəyliyi İli”nin davamı kimi 2018-ci ildə keçiriləcək əlavə tədbirlərin maddi təminatı üçün 2018-ci il dövlət büdcəsində nəzərdə tutulmuş Prezidentin ehtiyat fondundan Qafqaz Müsəlmanları İdarəsinə dörd milyon manat ayrılıb.

Sərəncamda bildirilir ki, İslam dininin sülh, əmin-amanlıq, insanpərvərlik və həmrəylik dini olması mədəniyyətlərarası və dinlərarası münasibətlərin hazırkı dövründə bu qəbildən tədbirlərin davamlı təşkilinə xüsusi aktuallıq qazandırır. Azərbaycan Respublikası Prezidentinin “2017-ci ilin Azərbaycan Respublikasında “İslam Həmrəyliyi İli” elan edilməsi haqqında” 2017-ci il 10 yanvar tarixli Sərəncamının icrası ilə əlaqədar 2017-ci ildə Azərbaycanda və onun hüdudlarından kənarda silsilə tədbirlər təşkil edilib, o cümlədən Bakı şəhərində “2017 – İslam Həmrəyliyi İli: Dinlər və mədəniyyətlərarası dialoq” mövzusunda mötəbər beynəlxalq konfrans keçirilib. 

İslam həmrəyliyinin möhkəmləndirilməsinə böyük töhfə verən həmin tədbirlər müsəlman aləmində özünəməxsus mövqeyə və nüfuza malik Azərbaycanın dini-mənəvi dəyərlərə dərin ehtiramının ifadəsinə çevrilib, həmçinin ölkəmizin tolerantlıq mühitinin və multikulturalizm təcrübəsinin təbliği baxımından böyük əhəmiyyət kəsb edib.

ŞƏRH YAZ
0
BAĞLA