“Azərbaycanın inkişafı bizi çox sevindirir” — TBMM-nin vitse-spikeri

“Azərbaycanın inkişafı bizi çox sevindirir”
12:48
12.06.2019
810
Siyasət
A
“Heç bir dövlət dünyada baş verən proseslərdən kənarda qala bilməz. Terrorla ciddi mübarizə aparmaq üçün ortaq mövqe olmalıdır”.

 “Ölkə.Az” xəbər verir ki, bunu Türkiyə Böyük Millət Məclisinin (TBMM) vitse-spikeri Süreyya Sadi Bilgiç Bakıda keçirilən "Dialoq və Əməkdaşlıq üzrə Bakı Parlament Platforması"nın təsis konfransında deyib.
Onun sözlərinə görə, bu sahədə iki və çoxtərəfli müzakirələr aparıla bilər. “Avropada islamafobiya ortaya çıxır. Bu, narahatlıq doğurur. Ona görə də bu məsələ şiddətlənmədən qarşısı alınmalıdır. İnanıram ki, Bakı Parlament Platforması bu və ya digər məsələlərlə bağlı ciddi işlər görəcək”, - deyə TBMM-in vitse-spikeri deyib.
Türkiyəli parlamentari bildirib ki, Türkiyə ilə Azərbaycan qardaş ölkə olduğundan Azərbaycanın inkişafı bizi çox sevindirir.

Ermənistan-Azərbaycan münaqişəsinə toxunan türkiyəli parlamentari bildirib ki, Dağlıq Qarabağ münaqişəsində Türkiyə Azərbaycanı dəstəkləyir: “Münaqişə Azərbaycanın ərazi bütövlüyü çərçivəsində həll edilməlidir. Türkiyə bu istiqamətdə atılan addımlarda Azərbaycanın yanındadır”.

Mürtəza
Ölkə.Az

ŞƏRH YAZ
1

Mədəniyyət naziri və nazir müavinləri bölgələrdə vətəndaşları qəbul edəcək

Mədəniyyət naziri və nazir müavinləri bölgələrdə vətəndaşları qəbul edəcək
22:24
Bu gün
133
Siyasət
A
Mərkəzi icra hakimiyyəti orqanları rəhbərlərinin və onların müavinlərinin şəhər və rayonlarda vətəndaşların qəbulu cədvəlinə əsasən 2020-ci ilin yanvar ayının 31-də saat 11:00-da Azərbaycan Respublikasının Mədəniyyət naziri Əbülfəs Qarayev tərəfindən Sumqayıt şəhər Heydər Əliyev Mərkəzində (Sumqayıt şəhəri, Heydər Əliyev parkı, 9-cu mkr., Z.Hacıyev küçəsi, 92) Sumqayıt şəhərindən, Qubadlı və Şuşa rayonlarından olan vətəndaşların qəbulu keçiriləcək.

"Ölkə.Az" bildirir ki, nazirlikdən verilən məlumata görə, həmin gün saat 11:00-da Mədəniyyət nazirinin birinci müavini Vaqif Əliyev Xızı rayon Heydər Əliyev Mərkəzində (Xızı şəhəri, Heydər Əliyev prospekti, 37 ) Xızı rayonundan olan vətəndaşları qəbul edəcək.

2020-ci ilin yanvar ayının 23-də saat 11:00-da Mədəniyyət nazirinin müavini Rafiq Bayramov Abşeron rayon Heydər Əliyev Mərkəzində (Abşeron rayonu, Heydər Əliyev parkı) Abşeron və Zəngilan rayonlarından olan vətəndaşları qəbul edəcək.

Vətəndaşlar nazirliyin mct@mct.gov.az elektron poçt ünvanı, ex.mct.gov.az elektron xidmətlər saytı, telefon məlumat sistemi (çağrı mərkəzi): 147 və ya (012) 493-92-17 (əlaqələndirici şəxs: Pərviz İsgəndərli - Regional siyasət şöbəsinin müdiri) və (012) 493-55-21 nömrəli telefonlar vasitəsi ilə qəbula yazıla bilərlər.

Qəbula gəlmək istəyən vətəndaşların həmçinin aşağıda qeyd olunmuş əlaqələndirici şəxslərə müraciət etmələri xahiş olunur.

Sıra

№-si

Şəhər (rayon)

Əlaqələndirici

şəxs

Əlaqə

telefonu

1

Sumqayıt şəhəri

Mehman Şükürov

050-319-18-25

018-654-46-51

2

Qubadlı rayonu

İlham Əhmədov

055-359-39-39

018-654-46-51

 

3

Şuşa rayonu

Zahid Abbasov

050-221-30-09

012-514-09-05

4

Xızı rayonu

Möhsün Bağırov

050-349-41-89

023-315-03-45

5

Abşeron rayonu

İlham Manafov

051-699-00-37

012-342-11-32

6

Zəngilan rayonu

Mehman Nəsirov

055-440-55-64

012-341-40-21

ŞƏRH YAZ
0

Ramiz Mehdiyev Elton Məmmədovu yeni vəzifəyə təyin etdi

Ramiz Mehdiyev Elton Məmmədovu yeni vəzifəyə təyin etdi
20:36
Bu gün
1120
Siyasət
A
Azərbaycan Milli Elmlər Akademiyasının (AMEA) prezidenti Ramiz Mehdiyev 16 yanvar 2020-ci il tarixli sərəncamı ilə Elton Məmmədovu AMEA-nın İşlər idarəsinin müdiri təyin edib.

"Ölkə.Az" bildirir ki, Texnika elmləri doktoru, professor Elton Məmmədov bu gün AMEA-nın akademik-katibi, AMEA-nın müxbir üzvü Əminağa Sadıqov tərəfindən Rəyasət Heyətinin kollektivinə təqdim edilib.

Tədbiri giriş sözü ilə açan Ə.Sadıqov çıxışında professor Elton Məmmədovun zəngin həyat və iş təcrübəsinə, elmi, elmi-təşkilati və pedaqoji fəaliyyətə malik olduğunu bildirib və onun yeni şəraitdə İşlər idarəsinin üzərinə düşən vəzifələrin öhdəsindən layiqincə gələcəyinə əminliyini ifadə edib, alimə yeni işində uğurlar arzulayıb.

Xatırladaq ki, 27 noyabr 2019-cu il tarixində akademik R.Mehdiyevin əmri ilə Elton Məmmədov AMEA-nın “Yüksək Texnologiyalar Parkı” Məhdud Məsuliyyətli Cəmiyyətinin direktoru təyin edilib. 

Xatırladaq ki, keçmiş deputat Elton Məmmədov keçmiş Nəqliyyat naziri Ziya Məmmədovun qardaşıdır. (oxu.az)

ŞƏRH YAZ
0
BAĞLA