KORONAVİRUSA YOLUXANLARIN SAYI - CANLI STATİSTİKA

“Azərbaycanın mədəni və qeyri-maddi irsinin dünyaya təqdim edilməsində Mehriban Əliyevanın rolu çox böyükdür” — Millət vəkili

“Azərbaycanın mədəni və qeyri-maddi irsinin dünyaya təqdim edilməsində Mehriban Əliyevanın rolu çox böyükdür”
13:05
10.07.2019
4134
Siyasət
A
“Şəki şəhərinin tarixi hissəsi və Şəki Xan Sarayının UNESKO-nun Ümumdünya İrs Komitəsinin Bakıda keçirilən 43-cü sessiyasında qurumun Ümumdünya İrs Siyahısına daxil edilməsi barədə qərarı Azərbaycanın beynəlxalq aləmdə artan nüfuzu ilə yanaşı, ümumbəşəri mədəniyyətin formalaşdırılmasında oynadığı rolun göstəricisidir. Azərbaycanın mədəni və qeyri-maddi irsinin UNESKO-nun Ümumdünya İrs Siyahısına salınması ölkəmizin dünyadakı möhkəmlənən imicinə əlavə təkan verən amillərdən biri kimi dəyərləndirilməlidir. O baxımdan UNESKO-nun Şəki ilə bağlı verdiyi qərar Azərbaycan üçün çox böyük tarixi əhəmiyyətə malik qərardır”.

Bunu “Ölkə.Az”a açıqlamasında millət vəkili Sona Əliyeva deyib.

Onun sözlərinə görə,  bu  qərar eyni zamanda Azərbaycanın mədəni və qeyri-maddi irsinin beynəlxalq səviyyədə qorunub-saxlanması, həmçinin əlavə maliyyə vəsaitlərinin ayrılması baxımından xüsusi əhəmiyyət kəsb edir. 

“Bu gün dünyada çox möhtəşəm və unikal tarixi-memarlıq abidələri var, ancaq Şəki Xan sarayı bu abidələr içərisində təkrarolunmaz səviyyədə memarlıq üslübu ilə seçilir. Bu istər Xan sarayının özünəməxsus memarlıq üslübunda tikintisi olsun, istərsə də sarayın şəbəkə-pəncərə sistemində  olsun, öz orjinallığı ilə seçilir.Şəbəkə-pəncərə sistemində müxtəlif rəngli şüşələrdən istifadə olunmaqla bərabər,   taxta şəbəkə sisteminin yığılmasında taxta məmulatların quraşdırılmasında hər hansı taxta çiv və ya mismardan istifadə olunmamasıdır. Bax bütün bu amillərə görə  Xan sarayı istər bölgədə, istər dünya tarixi-memarlıq abidələri içərisində öz möhtəşəmliliyi  ilə seçilən tarixi abidədir. Bu bir daha  Azərbaycan mədəniyyətə sahib olmasının bariz göstəricisidir. Xan sarayı və Şəkinin mərkəzi tarixi ərazisi XVIII əsrdə Azərbaycan xalqının yaşam tərzinin, onun  hansı milli-mənəvi dəyərlərə, mədəniyyətə, adət-ənənələrə malik olduğunu real surətdə göstərən bir  tarixi abidədir. Hansı ki, həmin milli adət-ənənələr nəsildən nəsilə ötürülərək,  günümüzədək qorunub saxlanmaqdadır”, - S.Əliyeva bildirib.

Millət vəkili hesab edir ki, belə bir abidənin beynəlxalq himayəyə alınması həm Azərbaycanın beynəlxalq aləmdə imicinin möhkəmlənməsinə xidmət edir, həm də ölkəmizin, bölgələrimizin dünyada tanınmasına, populyarlaşmasına xidmət edir: 

“Mədəni və qeyri-maddi irsimizin beynəlxalq səviyyədə müdafiə olunması həmçinin Azərbaycanən necə qədim mədəni bir kökə malik xalq olduğunu, onun dünya mədəniyyətinin formalaşmasında, fərqli dinləri, mədəniyyətləri bir araya gətirərək birgəyaşayış təmin edilməsi baxımdan dünyaya tanıdılmasında müstəsna rol oynayır”.

S.Əliyeva onu da bildirib ki, Şəkinin tarixi mərkəzi ərazisi və Xan sarayının UNESKO-nun Ümumdünya İrs Siyahısına salınması heç də asan proses olmayıb: 

“Bunun üçün 20 ilədək yaxın bir müddət ərzində məqsədyönlü iş aparılıb. Şəki Xan sarayı UNESKO-nun Ümumdünya İrs Siyahısına hələ Ulu Öndər Heydər Əliyevin Azərbaycana rəhbərlik etdiyi dövrdə, 2001-ci ildə salınıb və 2019-cu ildə bu barədə konkret qərar qəbul edilib. 

Hələ Ulu Öndər hakimiyyətdə olarakən ölkəmizin UNESKO ilə sıx əməkdaşlığının bünövrəsi qoyulub və bu siyasət daha sonra Prezident İlham Əliyev və Birinci vitse-prezident Mehriban xanım Əliyeva  tərəfindən daha da inkişaf etdirilib və biz artıq bu gün  həmin əməkdaşlığın real nəticələrini görməkdəyik. Prezident İlham Əliyev və Birinci vitse-prezident Mehriban xanım Əliyeva mədəniyyətimizin dünyaya tanıtdırılması, təqdim edilməsi, Azərbaycan dövlətçiliyinin və mdəniyyətinin necə qədim köklərə malik  olması istiqamətində yorulmadan fəaliyyət göstərirlər. M.Əliyevanın bu istiqamətdəki fəaliyyətini xüsusi qeyd etmək lazımdır. M.Əliyeva  Azərbaycan mədəniyyətinin və onun dünya sivilizasiyasındakı yeri, rolu barədə çox böyük işlər görməkdədir.  Biz gələcəkdə  bu istiqamətdə  aparılan işlərin çoxsaylı real nəticələrinin şahidi olacağıq.

Birinci vitse-prezident Azərbaycanın mədəni və qeyri-maddi irsinin dünyaya təqdim edib, onun beynəlxalq səviyyədə  himayə olunmasının digər əsas səbəblərindən biri də bu gün mədəni və qeyri-maddi irsimizin digərləri, xüsusən də ermənilər tərəfindən mənimsənilməsinin qarşısını almaqdır.  Təkcə mənimsənilməsinin deyil, eyni zamanda bununla sübut edir ki, Azərbaycan xalqının necə yüksək mədəni, milli-mənəvi dəyərlərə, tarixə malik olduğunu göstərir. Bu yolla ermənilərin və Azərbaycanı sevməyən qüvvələrin haqqımızda uydurduğu xoşagəlməz fikirləri darmadağın etmək və əsl həqiqətləri dünya ictimaiyətinə çatdırmaqdır. Bu baxımdan da Şəki Xan sarayının UNSEKO-nun Ümumdünya İrs Siyahıya salınması mühüm əhəmiyyət kəsb edir.
M.Əliyeva bununla paralel olaraq dünyanın digər xalqlarına məxsus mədəni irsinin bərpasında da müstəsna xidməti olan şəxsdir. Məhz onun təşəbbüsü və birbaşa dəstəyi nəticəsində Avropa və digər ölkələrdə bir sıra mədəni irs nümunələri yenidən həyata vəsiqə alıb və bərpa olunub”.

Bu gün Azərbaycanda xeyli sayda mədəni və qeyri-maddi irsin UNESKO-nun Ümumdünya İrs Siyahısına salınası abidələrin və nümunələrin olduğunu dilə gətirən deputat, həmin tarixi abidələrin və qeyri-maddi irsin beynəlxalq səviyyədə müdafiə olunacağına ümidvar olduğunu bildirib. “Bu gün UNESKO-nun Ümumdünya İrsinin ilk siyahısında yer alan Suraxanı, Atəşgah (1998), Naxçıvan Mavzoleyi (1998), Hirkan Dövlət Qoruğu (1998), Binəqədi Dördüncü Dövr Fauna və Flora Ehtiyatı (1998), Lök-Batan Palçıq Vulkanı (1998), Bakı dağları (1998), Xəzər sahili  tarixi abidələr (2001), Şuşa tarix- memarlıq qoruğu  (2001),  Ordubad tarix-memarlıq qoruğu (2001) barədə yaxın gələcəkdə  müvafiq qərar qəbul ediləcək. Bundan əlavə olaraq Azərbaycanın qeyri-maddi irsinin nümunələrindən olan balabanın  və digərlərinin bu siyahıya salınması istiqamətində işlər davam etdirilməlidir”,- deputat əlavə edib.

Mürtəza
Ölkə.Az

ŞƏRH YAZ
0

Paşinyan növbəti etirafı ilə özünü çətinə saldı

Paşinyan növbəti etirafı ilə özünü çətinə saldı
22:25
Bu gün
160
Siyasət
A
“Bu ilin 10 iyul tarixində Yerevanda keçirilən Təhlükəsizlik Şurasının iclasında Ermənistanın Milli Təhlükəsizlik Strategiyasının müzakirəsi zamanı bu ölkənin bölgədə sülh və təhlükəsizliyə birbaşa hədə törədən təcavüzkar siyasəti baş nazir N.Paşinyanın dilindən növbəti dəfə etiraf edildi”.

"Ölkə.Az" Xarici İşlər Nazirliyinə istinadən xəbər verir ki, Azərbaycanın beynəlxalq tanınmış torpaqlarına qarşı əsassız ərazi iddialarını, beynəlxalq hüququ kobudcasına pozaraq hərbi işğala əsaslanan siyasətini ölkənin milli strategiyasında əks etdirən Ermənistan bölgədə ciddi təhlükə ocağı olaraq qalmaqdadır:

“Azərbaycanın ərazilərini hərbi işğal edib bu ərazilərdə yaşayan erməni icmasının öz müqəddəratını müəyyən etməsindən danışan və bunu “milli məqsəd” kimi təhlükəsizlik strategiyasında əks etdirən işğalçı Ermənistan beynəlxalq hüququn, o cümlədən 1975-ci il Helsinki Yekun Aktının prinsiplərini yenidən görməzlikdən gəlir. Xalqların öz müqəddəratını təyin etməsi prinsipinin heç bir halda Azərbaycanın Dağlıq-Qarabağ bölgəsində yaşayan erməni icmasına şamil olunmadığını və ümumiyyətlə, Helsinki Yekun Aktının 8-ci bəndində öz müqqəddəratını təyin etmə prinsipinin BMT Nizamnaməsi, beynəlxalq hüququn norma və prinsipləri, xüsusilə ərazi bütövlüyünə uyğun şəkildə ifadə edilməsini təsbit edildiyini xatırladırıq.

Ermənistan rəhbərliyinin Azərbaycanın hərbi işğal altında saxladığı ərazilərində “suverenlik” iddiası, işğalçı siyasətinin nəticələrinin qorunub saxlanılmasının münaqişənin həlli üzrə aparılan danışıqların məqsədi kimi müəyyən etməsi bu ölkənin münaqişənin həlli prosesinə ciddi əngəl törətdiyini və beynəlxalq ictimaiyyətin qərar və qətnamələrinə hörmətsizlik nümayiş etdirdiyini açıq şəkildə göstərir.

Ermənistan rəhbərliyi anlamalıdır ki, hazırda apardıqları siyasətə görə Ermənistan-Azərbaycan Dağlıq Qarabağ münaqişəsinin həlli məsələsində tamamilə tək qalıblar. Bu ölkənin beynəlxalq reallıqlardan uzaq və sadəlövh milli təhlükəsizlik strayegiyası iflasa uğrayan daxili siyasəti sakitləşdirmək cəhdindən başqa bir şey deyildir.

Beynəlxalq tanınmış əraziləri, o cümlədən müvəqqəti işğal altında olan Dağlıq Qarabağ və ətraf rayonları da daxil olmaqla ərazi bütövlüyünü və azərbaycanlı məcburi köçkünlərin öz evlərinə geri qayıtmasını təmin etmək üçün Azərbaycanın cavab tədbirləri beynəlxalq hüquqa, BMT Nizamnaməsinə, BMT Təhlükəsizlik Şurasının qətnamələrinə və ölkə Konstitusiyasının ona verdiyi haqqa əsaslanır. Bölgədə artan gərginliyin məsuliyyəti isə bilavasitə işğalçı Ermənistanın üzərindədir”.

Ölkə.Az

ŞƏRH YAZ
0

Baş Nazir Əli Əsədov Konstitusiya Məhkəməsinə sorğu göndərib

Baş Nazir Əli Əsədov Konstitusiya Məhkəməsinə sorğu göndərib
21:05
Bu gün
418
Siyasət
A
Baş Nazir Əli Əsədov Konstitusiya Məhkəməsinə sorğu göndərdi.

"Ölkə.Az" Nazirlər Kabinetinin mətbuat xidmətinə istinadən xəbər verir ki, Əmanətlərin Sığortalanması Fondunun “Atabank” ASC, “NBCBank” ASC və “AGBank” ASC-də sığorta hadisəsinin baş verməsi ilə əlaqədar həmin banklarda olan müvafiq əmanətlərin qorunan əmanət hesab edilib-edilməməsi məsələsinə Azərbaycan Respublikasının Konstitusiya Məhkəməsi tərəfindən şərh verilməsi üçün Nazirlər Kabinetinə göndərdiyi müraciət öyrənilib və Konstitusiya Məhkəməsinə sorğu göndərilməsi qərar alınıb.

Nazirlər Kabinetinin Konstitusiya Məhkəməsinə ünvanladığı sorğuda həmin banklarda əmanətçilərin mənafelərinin qorunması məqsədilə “Əmanətlərin sığortalanması haqqında” Azərbaycan Respublikasının Qanununun 2.1.2.6-cı maddəsinə şərh verilməsinin zəruriliyi əsaslandırılır. 

Qeyd edək ki, “Əmanətlərin sığortalanması haqqında” qanunun 2.1.2.6-cı maddəsinə əsasən, cəlb edildiyi günə qorunan əmanətlər üzrə illik faiz dərəcəsinin yuxarı həddini maliyyə bazarlarına nəzarət orqanı və Mərkəzi Bankla razılaşdırmaqla müəyyən edilmiş həddən yuxarı illik faiz dərəcəsi ilə qəbul edilir.

Ölkə.Az

ŞƏRH YAZ
0
BAĞLA