Azərbaycanın mədəniyyət nazirinin 3 müavini olacaq

Azərbaycanın mədəniyyət nazirinin 3 müavini olacaq
14:31
07.06.2018
864
Mədəniyyət
A
Azərbaycanın mədəniyyət nazirinin 3 müavini olacaq.

“Ölkə.Az” xəbər verir ki, bu, Prezident İlham Əliyevin iyunun 6-da təsdiqlədiyi Mədəniyyət Nazirliyinin Əsasnaməsində əksini tapıb.  

Onlardan biri birinci müavin, ikisi isə müavin postunu tutacaq. Nazir müavinlərini Azərbaycan Prezidenti vəzifəyə təyin və vəzifədən azad edəcək.

Nazir müavinləri nazirin onlara həvalə etdiyi vəzifələri yerinə yetirəcəklər və bunun üçün şəxsən məsuliyyət daşıyacaqlar.

Qeyd edək ki, artıq mədəniyyət nazirinin birinci müavini vəzifəsinə təyinat olub. Prezident İlham Əliyevin imzaladığı sərəncamla Vaqif Qədir oğlu Əliyev mədəniyyət nazirinin birinci müavini vəzifəsinə təyin olunub.

Xatırladaq ki, Prezident İlham Əliyev aprelin 20-də "Mədəniyyət və turizm sahəsində dövlət idarəçiliyinin təkmilləşdirilməsi ilə bağlı bəzi tədbirlər haqqında" sərəncamına əsasən Mədəniyyət və Turizm Nazirliyi ləğv edilərək onun əsasında Mədəniyyət Nazirliyi və Dövlət Turizm Agentliyi yaradılıb. Mədəniyyət Nazirliyi Mədəniyyət və Turizm Nazirliyi kimi fəaliyyət göstərdiyi dövrdə nazirin 4 müavini olub. 

ŞƏRH YAZ
0

"Murad Dadaşova yaraşdırmadım" — Xanım təşkilatçıdan TƏNQİD

14:12
19.06.2018
11552
Mədəniyyət
A
Dövlət tədbirlərinin təşkilatçısı Nərminə Qafarlı xalq artisti Murad Dadaşovu tənqid edib.

"Ölkə.Az"-ın məlumatına görə, xanım təşkilatçının qınağına səbəb Dadaşovun bir müddət öncə müğənni Talıb Talenin Heydər Əliyev adına Sarayda konsertini təşkil etməsi olub:

"Talıbı piar etməyi Murad Dadaşova yaraşdırmadım. Murad bəy zövqlü insandır və inanmıram ki, Talıba qulaq asır. Sadəcə, pul qazanmaq üçün bu konserti təşkil edib".

Qeyd edək ki, T.Tale bu ilin 14 fevral tarixində Heydər Əliyev adına sarayda konsert vermişdi.

İntiqam VALEHOĞLU
Ölkə.Az

ŞƏRH YAZ
0

Xalq artistindən Mədəniyyət Nazirliyinə ÇAĞIRIŞ: "Nəzarət edilməlidir"

Xalq artistindən Mədəniyyət Nazirliyinə ÇAĞIRIŞ:
12:40
19.06.2018
5396
Mədəniyyət
A
Xalq artisti Sabir Əliyev musiqimizin uçurumda olduğunu bildirib.

"Space" telekanalında Kamran Həsənlinin aparıcılığıyla yayımlanan "Onda başladıq" verilişinin qonağı olan sənətkar Mədəniyyət Nazirliyini bu məsələdə musiqimizin yanında olmağa çağırıb:

"Musiqi elə olmalıdır ki, əndazədən çıxmasın, camaatın zövqünü korlamasın. İnsanlar qulaq asmaq əvəzinə, efirə baxıb pis sözlər deməsinlər. Bütün müqabiqələrə nazirliyin nəzarəti olmalıdır. Mən də senzuranın tərəfdarıyam".

Qeyd edək ki, həftə içi yayımlanan "Onda başladıq" verilişinin informasiya dəstəkçisi "Ölkə.Az" saytıdır.

İntiqam VALEHOĞLU 
Ölkə.Az

 

ŞƏRH YAZ
0
BAĞLA