Azərbaycanın nümayəndə heyətinin üzvü: “Ermənilər “konyak diplomatiyası” ilə AŞPA deputatlarını ələ alır”

Azərbaycanın nümayəndə heyətinin üzvü: “Ermənilər “konyak diplomatiyası” ilə AŞPA deputatlarını ələ alır”
12:35
23.10.2017
747
Siyasət
A
Azərbaycanın Avropa Şurası Parlament Assambleyasındakı (AŞPA) nümayəndə heyətinin üzvü, Milli Məclisin deputatı Rövşən Rzayev AŞPA-nın Azərbaycanla bağlı bir gündə iki qətnamə qəbul etməsinə münasibət bildirib.

R.Rzayev “Ölkə.Az”-a açıqlamasında deyib ki, bütün bunların arxasında Ermənistanın apardığı siyasət dayanır:

“Erməni lobbisi Ermənistanın işğalçı siyasətini gündəmdən çıxartmaq üçün öz imkanlarından uğurla istifadə edir. Bilirsiniz ki, erməni lobbisi “konyak diplomatiyası” kimi üsullarla bu cür məsələləri həyata keçirə bilirlər. Əgər bizdə belə etsəydik, o zaman müəyyən məsələlərdə nəticələr əldə edə bilərdik. Ermənilər bunu bütün beynəlxalq təşkilatlarda, o cümlədən AŞPA çərçivəsində reallaşdıra bilirlər. Çünki ermənilərin Avropada çox böyük dəstəyi var və bu göz qabağındadır. Ermənilər bu cür ədalətsizlik və ikilistandartlara uyğun olaraq öz məsələlərini həll edirlər. Ancaq AŞPA-dan Azərbaycan nümayəndə heyətinin qaldırdığı məsələlərə qarşı heç bir ədalətli yanaşma sərgilənmir. Avropada ermənilərə böyük dəstək olduğu üçün Azərbaycana qarşı növbəti dəfə qərəzli addımlar atılmasının şahidi olduq”.

R.Rzayev deyib ki, AŞPA Azərbaycan nümayəndə heyətinin qaldırdığı məsələləri görməzdən gəlir:

“Misal üçün, bizim nümayəndə heyəti Avropa məhkəməsinin Çovdarov və digər şəxslərlə bağlı qəbul etdiyi qərarları var. AŞPA-ya sual edirik ki, bəs qaldırdığımız bu məsələlər nə zaman öz icrasını tapacaq? Ancaq qarşı tərəfdən heç bir cavab ala bilmirik. Sərsəng su anbarı ilə bağlı qətnamə var. Ancaq onun icrası ilə bağlı heç bir ədalətli addım atılmayıb. 2005-ci ildən bəri Dağlıq Qarabağla bağlı Alt Komitə yaradılıb. Məqsəd də münaqişənin sülh yolu ilə həllinə nail olmaqdır. Ancaq Alt Komitə də heç bir fəaliyyət sərgiləmir. Bunun da əsas səbəbi Serj Sarkisyanın AŞPA-ya verdiyi göstərişlə bağlıdır. Çünki Serj Sarkisyan AŞPA-ya birbaşa göstəriş verib ki, Alt Komitə nahaq yerə yaradılıb və bu heç zaman çalışmayacaq. Yəni, biz bu cür ədalətsiz mövqeylərin şahidi oluruq. Ona görə də AŞPA-da cüzi səs çoxluğu ilə olsa belə, Azərbaycan əleyhinə qərarlar qəbul edilir. Təbii ki, biz də buna qarşı öz işimizi davam etdirəcəyik”. 

Deputat xaricdə yaşayan bəzi soydaşlarımızı “erməni dəyirmanına su tökməkdə” ittiham edib:

“Çox təəssüflər olsun ki, Avropada fəaliyyət göstərən azərbaycanlılar da Azərbaycana qarşı qarayaxma kampaniyaları keçirtmək üçün bütün imkanlarından istifadə edirlər. Vaxtilə əməlləri həyata keçə bilməyən bu insanlar bu gün xaricdən Azərbaycan əleyhinə iş aparırlar. Mən düşünürəm ki, ümumiyyətlə, Azərbaycan AŞPA çərçivəsində öz mövqeyini daha da gücləndirməlidir. Biz fəaliyyətimizi daha da gücləndirməliyik, daha çox ədaləti tələb etməliyik və AŞPA çərçivəsində işimizi davam etdirməliyik. Mən qəti şəkildə Azərbaycanın AŞPA-da çıxmasının əleyhinəyəm. Azərbaycan AŞPA kimi böyük meydanı Ermənistan kimi düşmən ölkəyə görə itirməməlidir. Təbii ki, biz qarşı tərəfi də beynəlxalq hüququn prinsiplərinə ədalətli mövqe sərgiləməyə dəvət etməliyik. Onların da borcudur ki, bizimlə eyni səviyyədə münasibətlər qursunlar”. 

R.Rzayev Azərbaycanın AŞPA-dakı nümayəndə heyətinin rəhbəri Səməd Seyidovun uğurlu fəaliyyət qura bilmədiyi üçün tutduğu vəzifədən uzaqlaşdırılacağı barədə bir sıra mətbuat orqanlarında yayılan xəbərlərə də münasibət bildirib:

“Nümayəndə heyətinin rəhbəri olan Səməd müəllim öz işini kifayət qədər uğurlu aparır. Nümayəndə heyətinin digər üzvləri də çox fəal iştirak edirlər. Hətta, nümayəndə heyətimizin üzvü olan Sahibə xanım Qafarova ən böyük komitənin sədridir. Sevinc xanım Fətəliyeva əsas məruzəçidir. Qənirə xanım Paşayeva isə bütün imkanlarından istifadə edib iş aparır. Rafael müəllim Hüseynov isə bütün nümayəndə heyətləri arasında ən sayılıb seçilən və fəal deputatlardan biridir. Mən isə orada Dağlıq Qarabağın Azərbaycan İcmasının üzvü kimi fəal iştirak edirəm. Ona görə də hesab edirəm ki, bütün bunlar Azərbaycana qarşı növbəti qarayxamadır. Səməd müəllim Seyidov kifayət qədər uğurlu qrup rəhbəridir”.

Vasif Həsənli
Ölkə.Az

ŞƏRH YAZ
0

İlham Əliyev “SUEZ” qrupunun baş icraçı direktoru ilə görüşdü

İlham Əliyev “SUEZ” qrupunun baş icraçı direktoru ilə görüşdü
23:42
Bu gün
13
Siyasət
A
İyulun 19-da Azərbaycan Respublikasının Prezidenti İlham Əliyev Parisdə “SUEZ” qrupunun baş icraçı direktoru Jan Lui Şassod ilə görüşüb.

"Ölkə.Az" xəbər verir ki, görüşdə “SUEZ” şirkətinin Bakı və Sumqayıt şəhərlərində içməli suyun təmizlənməsi üzrə bir neçə layihədə iştirakından danışılıb. Azərbaycanın əhalisinin artdığını qeyd edən Prezident İlham Əliyev bu layihələrin vacibliyinə toxunub, onların strateji əhəmiyyətini qeyd edib.

Söhbət zamanı bu sahədə mövcud təkliflər nəzərdən keçirildi, gələcək əməkdaşlıqla bağlı fikir mübadiləsi aparılıb.

Ölkə.Az

ŞƏRH YAZ
0

Pezident İlham Əliyev Fransa Senatının sədri ilə görüşüb — FOTO

Pezident İlham Əliyev Fransa Senatının sədri ilə görüşüb
23:01
Bu gün
126
Siyasət
A
Azərbaycan prezidenti İlham Əliyev iyulun 19-da Parisdə Fransa Senatının sədri Jerar Larşe ilə görüşüb.

"Ölkə.Az" xəbər verir ki, Senatın binasının qarşısında dövlətimizin başçısının şərəfinə fəxri qarovul dəstəsi düzülüb. Prezident İlham Əliyevi Senatın sədri Jerar Larşe qarşılayıb. Dövlətimizin başçısı və Senatın sədri fəxri qarovul dəstəsinin qarşısından keçiblər. Prezident İlham Əliyev və Senatın sədri Jerar Larşe birgə foto çəkdiriblər.

Jerar Larşe Azərbaycan prezidenti İlham Əliyevi Fransa Senatında yenidən görməkdən məmnun olduğunu deyib. O, bu cür səfərlərin ölkələrimiz arasında ikitərəfli əlaqələrin daha da inkişaf etdirilməsi baxımından əhəmiyyətini qeyd edib. Senatın sədri, həmçinin Fransa ilə Azərbaycan arasında iqtisadi, siyasi, təhsil, mədəniyyət sahələrində qarşılıqlı əməkdaşlıqdan danışıb, Bakıda Fransız Liseyinin, Azərbaycan-Fransız Universitetinin fəaliyyət göstərdiyini xüsusi qeyd edib. Bildirib ki, bu, ölkələrimiz arasında münasibətlərin yüksək səviyyəsindən xəbər verir.

Prezident İlham Əliyev Fransa Senatına növbəti dəfə gəlməkdən məmnunluğunu ifadə edib. Qeyd edib ki, bu gün Fransa ilə bütün səviyyələrdə aparılan dialoq Azərbaycan üçün mühüm əhəmiyyət kəsb edir. Dövlət başçısı bildirib ki, Azərbaycan Fransanı özünə çox yaxın tərəfdaş, dost ölkə hesab edir və Azərbaycan bundan sonra da Fransa ilə mövcud olan əməkdaşlığın daha da genişləndirilməsində maraqlıdır. Görüşdə vurğulanıb ki, Fransa ilə Azərbaycan arasında mövcud münasibətlər, burada aparılan müzakirələr Azərbaycan ilə Avropa İttifaqı arasında imzalanacaq Sazişə öz müsbət töhfəsini verəcək. Senatın sədri Avropa İttifaqı ilə Azərbaycan arasında hərtərəfli Sazişin yaxın zamanlarda imzalanacağına ümidvar olduğunu deyib. Vurğulanıb ki, Fransa bu sənədin imzalanmasında çox maraqlıdır. Görüşdə parlamentlərarası əlaqələrin çox yüksək səviyyədə olduğu qeyd edilib, bu əməkdaşlığın bundan sonra da inkişaf etdirilməsinin zəruriliyi vurğulanıb. Fransa Senatında Fransa-Qafqaz Dostluq Qrupu çərçivəsində bir çox görüşlərin, qarşılıqlı səfərlərin keçirildiyi diqqətə çatdırılıb.

Görüşdə, həmçinin Ermənistan-Azərbaycan, Dağlıq Qarabağ məsələsi müzakirə olunub. Senatın sədri vurğulayıb ki, Fransa Ermənistan-Azərbaycan, Dağlıq Qarabağ münaqişəsinin sülh yolu ilə həll olunması istiqamətində fəaliyyətini davam etdirmək niyyətindədir.

Sonra prezident İlham Əliyev Senatın qızıl kitabını imzalayıb.

Ölkə.Az

ŞƏRH YAZ
0
BAĞLA