“Azərbaycanın suverenliyini zəiflətmək yolverilməzdir” — Tahir Kərimli Sərdar Cəlaloğlunu müstəqilliyimizi sevməyə ÇAĞIRDI

“Azərbaycanın suverenliyini zəiflətmək yolverilməzdir”
16:12
12.06.2018
29227
Siyasət
A
Milli Məclisin deputatı, Vəhdət Partiyasının sədri Tahir Kərimli ADP sədri Sərdar Cəlaloğlunun Türkiyə-Azərbaycan konfederasiyası yaradılması təklifinə sərt reaksiya verib.

Deputat “Ölkə.Az”a açıqlamasında bu cür təkliflərin gülünc olduğunu söyləyib:

“Bu gün biz Azərbaycan xalq Cümhuriyyətinin 100 illik yubileyini qeyd edirik. Ancaq ötən əsrin əvvəllərində də bu məsələ ortaya atılmışdı. Hətta, İttihad Partiyasının üzvləri buna meyl göstərirdilər. Türkiyədən də bununla bağlı fikirlər səsləndirilirdi. Təklif olunurdu ki, Azərbaycan və Türkiyə birləşsin. Ancaq həmin vaxtı Məhəmməd Əmin Rəsulzadə qəti şəkildə buna qarşı çıxmışdı”. 

Deputat qeyd edib ki, dövlət müstəqilliyi bu millətin haqqıdır:

“Müstəqillik qazanmaqla Azərbaycan xalqı sübut etdi ki, o buna qadirdir. Çünki müstəqilliyimizə qədər bizə deyilirdi ki, sizin dövlətiniz olmayıb, keçmişdə hər zaman sülalə hakimiyyətləriniz olub və sairə. Biz müstəqillik qazanmaqla sübut etdik ki, nəinki bizim müstəqil dövlətimiz var,həm də biz Şərqdə ilk demokratik respublika yaratmışıq”.

T.Kərimli Sərdar Cəlaloğlunun fikirlərinin Azərbaycanın dövlət müstəqilliyinə zidd olduğunu söyləyib:

“Müstəqilliyimiz hüquqi məsələdir. Azərbaycanın Konstitusiyası ilə bu qəbul edilib. Türkiyə ilə konfederasiya olsaq, o zaman bu müstəqilliyə xələl gətirmiş olarıq. Yəni, bununla biz suverenliyimizin bir hissəsini Konfederasiyaya vermiş olarıq. Bu da Azərbaycanın dövlət müstəqilliyini və suverenliyini zəiflətmiş olar. Ona görə də bu cür şüarlara ehtiyac yoxdur. Bu bizim üçün zərəlidir. Bu həm də konstitusiyamıza ziddir. Eyni zamanda bu Azərbaycanın milli dövlətçiliyini, özünəinamını zəiflədir”.

Deputat Sərdar Cəlaloğlunun sözügedən təklifi ilə bağlı Ayaz Mütəllibovun söylədiyi fikirlərini dəstəklədiyini deyib:

“Mən bu məsələ ilə bağlı Ayaz Mütəllibovun fikirlərini tam dəstəkləyirəm. Ayaz Mütəllibov Azərbaycanın dövlət müstəqilliyinə imza atmış prezidentdir. Vaxtilə Sərdar Cəlaloğlu və digərləri Ayaz Mütəllibovu müstəqilliyimizə qarşı olmaqda ittiham edirdi. Amma indi Ayaz Mütəllibov həmin adamları haqlı olaraq ittiham edir. Mən də Ayaz Mütəllibovun bu fikirlərini dəstəkləyirəm. Azərbaycanın suverenliyini zəiflətmək yolverilməzdir. Kim olursa olsun, Türkiyə nə qədər dostumuz da olsa, bu cür addımlar atmaq doğru olmaz. Mən Sərdar Cəlaloğlunu bu cür hərəkətlərdən daşınmağa çağırıram”.

Zaur Əziz
Ölkə.Az

ŞƏRH YAZ
0

"Son 10 ildə 4500-ə yaxın layihəyə 36 milyon manata yaxın yardım göstərilib" — Əli Həsənov

20:42
22.06.2018
4576
Siyasət
A
Bu gün Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasının yaranmasının 10 illiyi münasibətilə yubiley tədbiri keçirilib.

"Ölkə.Az" xəbər verir ki, tədbirdə dövlət və hökumət nümayəndələri, millət vəkilləri, xarici qonaqlar, QHT nümayəndələri iştirak ediblər.

Tədbiri giriş sözü ilə açan Qeyri-Hökumət Təşkilatlarına Dövlət Dəstəyi Şurasının sədri Azay Quliyev bildirib ki, bu Şuranı təsis etməklə Prezident İlham Əliyev siyasi iradə göstərərək dövlət-QHT münasibətlərinin yeni müstəviyə keçməsi üçün şərait yaratdı, QHT-lərə etimad mühitini gücləndirdi.

A.Quliyev deyib ki, belə bir qurumun təsis edilməsi ilə Azərbaycanda milli donorluq institutu yaranmış oldu: “Şura yaranana qədər ölkədə milli donorluq institutu yox idi, Azərbaycan həqiqətlərinin, ermənilərin Azərbaycana qarşı təcavüzünün və erməni işğalının, qaçqın və məcburi köçkünlər probleminin dünya ictimaiyyətinə çatdırılması istiqamətində layihələrə heç kim donorluq etmirdi. Xarici təşkilatlar heç bir halda bizə dəstək vermirdilər, deyirdilər ki, “bu sizin daxili işinizdir”. Ancaq Şura yarandıqdan sonra vəziyyət dəyişdi və bu istiqamətdə çoxlu sayda layihələr həyata keçirilməyə başlandı. Şuranın yaranması ilə QHT-ləri ümummilli problemlərin həlli istiqamətində səfərbər etmək mümkün oldu. Biz bütün görülən işlərə görə cənab Prezident İlham Əliyevə təşəkkür edirik və bildiririk ki, Şura bundan sonra da üzərinə düşən vəzifələri layiqincə yerinə yetirəcək”.

Sonra tədbirdə çıxış edən Azərbaycan Prezidentinin ictimai-siyasi məsələlər üzrə köməkçisi - şöbə müdiri Əli Həsənov bildirib ki, 10 il ərzində Şura böyük işlər görüb və fəaliyyəti qənaətbəxş hesab olunmalıdır.

PA rəsmisi qeyd edib ki, cənab Prezident İlham Əliyev vətəndaş cəmiyyəti quruculuğunu bizim cəmiyyətimizin inkişafının əsas şərtlərindən biri hesab edir:

“Azərbaycanın əldə etdiyi bütün nailiyyətlərin əsası ümummilli lider Heydər Əliyev tərəfindən qoyulub. 1995-ci ildə qəbul edilən Konstitusiyamızda vətəndaş cəmiyyətinin inkişafı, azadlığı üçün bütün şərtlər öz əksini tapıb. 1995-ci ildən bəri Azərbaycanda bütün seçkilər azad və şəffaf şəkildə keçib, Azərbaycanda azad media formalaşıb. Bu gün Azərbaycanda şəffaf şəkildə vətəndaş cəmiyyəti təşkilatlarının fəaliyyətini müşahidə edirik. QHT hərəkatının bir neçə özünəməxsus nəticələri var. Vətəndaş təşəbbüsləri bu hərəkat çərçivəsində öz təsbitini taparaq bugünkü normal formaya gəlib çatıb”.

Ə.Həsənov deyib ki, son 10 ildə 4500-ə yaxın layihəyə 36 milyon manata yaxın yardım göstərilib, bu layihələrə cəlb olunan insanların sayı isə 15 minə yaxındır:

“Ümumilikdə isə QHT sektorunda məşğul olan insanların sayı 30 minə yaxındır. Onlar Azərbaycanın fəal vətəndaşlarıdır, kənardan gələn təhlükəyə sinə gəlməkdə heç də məmurlardan az iradəyə malik deyillər, Azərbaycan dövlətinin, cəmiyyətinin maraqlarını heç də az təbliğ etmirlər. Təəssüf ki, xarici dairələrin təsirinə düşərək Azərbaycan dövlətinə və dövlətçiliyinə qarşı istifadə olunan QHT-lərin də şahidi olmuşuq. Ancaq sevindirici haldır ki, QHT-lərin 99 faizi dövləti, dövlətçiliyi təbliğ edir”.

Milli Məclis sədrinin müavini Bahar Muradova Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasının ötən 10 il ərzində uğurla fəaliyyət göstərdiyini, bu gün QHT-lərin Azərbaycan dövlətinin maraqlarını müdafiə etdiyini bildirib.

B.Muradova qeyd edib ki, Milli Məcllis Şura ilə əməkdaşlıq barədə memorandum imzalayıb və səmərəli əməkdaşlıq edir. QHT sektoru ilə əlaqədar Şuranın təşəbbüsü ilə Milli Məclisdə irəli sürülən qanun layihələri qəbul olunub və bu sahədə qanunvericilik bazası təkmilləşdirilib.

Daha sonra tədbirdə çıxış edən BMT-nin Azərbaycandakı rezident-əlaqələndiricisi Qulam İshaqzai Azərbaycanda vətəndaş cəmiyyəti təşkilatlarının səmərəli fəaliyyət göstərdiyini və BMT-nin bu istiqamətdə Azərbaycanla uğurlu əməkdaşlıq etdiyini bildirib: “Biz Azərbaycanda qeyri-hökumət təşkilatlarının fəaliyyətini yüksək qiymətləndiririk və Azərbaycanla bu sahədə əməkdaşlığı davam etdirməkdə maraqlıyıq”.

Tədbir bədii hissə ilə davam edib.

Ölkə.Az

ŞƏRH YAZ
0

Konqo OPEK-ə qoşuldu

Konqo OPEK-ə qoşuldu
19:32
22.06.2018
3823
Siyasət
A
OPEK Konqo dövlətinin təşkilata qoşulmasına icazə verib.

“Ölkə.Az” xəbər verir ki, bu barədə təşkilata üzv ölkələrin iclasına dair hesabatda məlumat verilib.

“Konfrans Konqonun tələbini nəzərdən keçirib və bu ölkəyə OPEK üzvü olmağa icazə verib”, - deyə məlumatada deyilir.

Sənədə əsasən, Konqo artıq OPEK-ə üzv ölkə sayılır.

Hikmət Həsənov
Ölkə.Az

ŞƏRH YAZ
0
BAĞLA