Azərbaycanın tanınmış şairi vəfat etdi — FOTO

Azərbaycanın tanınmış şairi vəfat etdi
09:28
05.09.2019
15832
Mədəniyyət
A
Azərbaycan Yazıçılar Birliyinin üzvü, şair, Əməkdar mədəniyyət işçisi Abbas Abdulla vəfat edib.

"Ölkə.Az" xəbər verir ki, sosial şəbəkələrdə yayılan məlumata görə, şair sentyabrın 4-də axşam saatlarında uzun sürən xəstəlikdən sonra yaşadığı mənzildə dünyasını dəyişib.

Şair Abbas Abdulla bu gün saat 13:00-da Maştağada yerləşən Kəpənəkçi qəbiristanlığında dəfn ediləcək.

Abbas Abdulla 1940-cı il mayın 12-də Gürcüstanın Bolnisi rayonunun Bolus Kəpənəkçisi kəndində anadan olub. ADU-nun filologiya fakültəsini bitirib.

"Ulduz" jurnalında şöbə müdiri, "Ədəbiyyat və incəsənət" qəzeti redaksiyasında şöbə müdiri, xüsusi müxbir, baş redaktorun müavini, "Ulduz" jurnalının məsul katibi, sonra baş redaktoru, Türkiyədə Azərbaycan Respublikasının Baş konsulu (1992-1997) vəzifələrində çalışıb.

Ədəbi fəaliyyətə "Öyün, vətənim!" adlı ilk şeiri 1957-ci ildə "Şərqin şəfəqi" (Tiflis) qəzetində çap ediləndən sonra başlayıb. O, poetik yaradıcılığında bədii tərcüməyə xüsusi diqqət yetirib. İ.Draç, İ.P.Kotlyarevski, M.Rılski, T.Şevçenko, L.Ukrainka, L.Şapoval və digər sənətkarların əsərlərini Ukrayna dilindən tərcümə edib.

"Ağlı-qaralı dünya" (şeirlər), "Azərbaycan-Ukrayna ədəbi əlaqələri", "Üzü dan yerinə" (şeirlər və poemalar), "Sonsuzluğa gedən karvan" (şeirlər və poemalar), "Erməni məsələsi və ya oğru elə bağırır doğrunun bağrı yarılır" kitablarının müəllifi idi. (publika)

Allah rəhmət eləsin.

Ölkə.Az

ŞƏRH YAZ
0

Heydər Əliyev Mərkəzinin parkında təşkil olunan möhtəşəm estrada konserti davam edir — FOTO

Heydər Əliyev Mərkəzinin parkında təşkil olunan möhtəşəm estrada konserti davam edir
20:53
20.10.2019
586
Mədəniyyət
A
Bu gün Heydər Əliyev Mərkəzinin parkında Azərbaycan estrada ulduzlarının iştirakı ilə konsert keçirilir.

"Ölkə.Az" bildirir ki, 18 oktyabr - Azərbaycanın Dövlət Müstəqilliyi Gününə həsr olunan konsertdə Röya, Miri Yusif, Murad Arif, “Natiq” ritm qrupu, “Mirvari” rəqs ansamblı çıxış edirlər.

Eləcə də konsertin xüsusi qonaq müğənniləri var. Belə ki, müğənni-bəstəkar EMİN, Rusiyada yaşayıb-fəaliyyət göstərən tanınmış azərbaycanlı ifaçılar Bahh Tee (Bəxtiyar Əliyev), Ellai (Elvin Əliyev), Elman (Elman Zeynalov) konsertin xüsusi qonaqları kimi öz məşhur kompozisiyalarını səsləndirirlər.

19:00-da başlayan konsertə giriş sərbəstdir. Hazırda təxminən 20 min tamaşaçı bu konserti izləyir.

Ölkə.Az

ŞƏRH YAZ
0

Emin və azərbaycanlı məşhurlardan “Azərbaycan-101” layihəsi — VİDEO

Emin və azərbaycanlı məşhurlardan “Azərbaycan-101” layihəsi
11:38
20.10.2019
946
Mədəniyyət
A
Xalq artisti Emin Ağalarov Azərbaycana həsr olunmuş "Azərbaycan-101" adlı irimiqyaslı musiqi layihəsini təqdim edib.

“Ölkə.Az” qafqazinfo-ya istinadən xəbər verir ki, yeni layihəsinin işıq üzü görməsi haqda məlumat verən Emin həmyerlilərini Azərbaycanın Müstəqillik Günü münasibəti ilə təbrik edib və 2019-cu ildə republikanın 101 yaşı tamam olduğunu qeyd edib:

“Azərbaycan! Mən səni sevirəm! Harada olmağımızdan asılı olmayaraq, biz həmişə doğma torpağımızı, yaxın insanlarımızı, uşaqlığımızı, doğma diyarımızı düşünürük və xatırlayırıq. Azərbaycan, bizim hamımızı birləşdirdiyin üçün çox sağ ol!

Layihədə Emin Ağalarovla yanaşı Xalq artistləri Aygün Kazımova, Zülfiyyə Xanbabayeva, Elçin Əzizov, Yusif Eyvazov, eləcə də Jony, Bahh Tee və digər məşhur azərbaycanlı artistlər yer alıb.

Xalq artisti, həmçinin, mahnının müəlliflərinə - söz yazarı, Heydər Əliyev Fondunun vitse-prezidenti Leyla Əliyevaya və bəstəkar Ruslan Ağababayevə xüsusi minnətdarlığını bildirib. Klipin rejissoru Emin Muradovdur.

Ölkə.Az

ŞƏRH YAZ
0
BAĞLA