KORONAVİRUSA YOLUXANLARIN SAYI - CANLI STATİSTİKA

Azərbaycanın tranzit gəlirləri 5 dəfə artacaq — PROQNOZ

Azərbaycanın tranzit gəlirləri 5 dəfə artacaq
04:05
07.10.2019
1834
İqtisadiyyat
A
Bir neçə gündən sonra İranın Gilan vilayətindəki bağlardan subtropik meyvələrin yığımı və ixracı başlayacaq.

“Ölkə.Az” azərtac-a istinadən xəbər verir ki, bu barədə məlumatı İranın Fermerlər Birliyinin Gilan vilayəti üzrə təmsilçisi Əli Dədrcani verib.

O bildirib ki, Gilan vilayətinin coğrafi vəziyyəti əlverişli olduğu üçün yığılan məhsulun ixracı asandır. Bu vilayət Azərbaycan Respublikası ilə həmsərhəddir və subtropik meyvələr Azərbaycan ərazisindən keçməklə Rusiyaya ixrac ediləcək. Cari ildə İranın Talış, Astara və Rudbar bölgələrinin bağlarında 180 min ton kivi yetişdirilib. Bu məhsulun 90 faizi Rusiyaya göndəriləcək.

Xatırladaq ki, Astara (İran) – Astara (Azərbaycan) dəmir yolu xətti istifadəyə verildikdən sonra İranın Rusiyaya ixrac etdiyi məhsulların həcmi artıb. Dəmir yolu çəkilməmişdən öncə İran ixrac əməliyyatlarını yük maşınları ilə həyata keçirirdi. Bu isə həm baha başa gəlir, həm də vaxt itkisinə səbəb olurdu. Meyvə tez xarab olan məhsul olduğu üçün bazara tez çatdırılması lazımdır. İran və Azərbaycanı birləşdirən 8 kilometrlik dəmir yolu istismara buraxıldıqdan sonra bu problem aradan qalxıb. İranın Astara gömrüyündən keçməklə məhsul ixracının artması Azərbaycanın tranzit gəlirlərinin də artmasına səbəb olur.

Gələcəkdə Şimal-Cənub Nəqliyyat Dəhlizinin əsas seqmentindən biri olan Qəzvin-Rəşt-Astara (İran)-Astara (Azərbaycan) dəmir yolu tam istifadəyə verildikdən sonra İranın digər vilayətlərindən, eləcə də Cənub-Şərqi Asiya ölkələrindən Rusiya və Avropaya ixrac olunan yüklər də məhz Azərbaycan ərazisindən keçməklə daşınacaq. Hələlik isə yolun Qəzvin-Rəşt hissəsi istismara verilib, Rəşt-Astara hissəsində isə işlər davam edir. Bu yol istismara verildikdən sonra Azərbaycanın tranzit gəlirləri 5 dəfə artacaq.

Ölkə.Az

ŞƏRH YAZ
0

Azərbaycan neftinin həftə ərzindəki orta qiyməti açıqlandı

Azərbaycan neftinin həftə ərzindəki orta qiyməti açıqlandı
10:06
Bu gün
371
İqtisadiyyat
A
Bu həftə ərzində (25-29 may) dünya bazarında "Azeri Light" (CIF) markalı neftin orta qiyməti dəyişməyib.

"Ölkə.Az" APA-ya istinadən xəbər verir ki, Azərbaycan neftinin 1 barelə olan qiyməti həftə ərzində orta hesabla 35,84 dollara bərabər olub.

Həftə ərzində ən yüksək göstərici – 37,14 dollar təşkil edib, ən minimal göstərici isə 35,09 dollar səviyyəsində olub.

ŞƏRH YAZ
0

Azərbaycan nefti bahalaşdı

Azərbaycan nefti bahalaşdı
12:49
29.05.2020
1700
İqtisadiyyat
A
Dünya bazarında "Azeri Light" (CIF) markalı neft bahalaşıb.

"Ölkə.Az" APA-ya istinadən xəbər verir ki, Azərbaycan neftinin 1 barelə olan qiyməti 0,71 ABŞ dolları və ya 2,02% artaraq 35,84 dollar təşkil edib.

ŞƏRH YAZ
0
BAĞLA