Azərbaycanın U-21 yığması Norveçlə səfər oyununda uduzub

Azərbaycanın U-21 yığması Norveçlə səfər oyununda uduzub
00:44
17.10.2018
948
İdman
A
21 yaşadək futbolçulardan ibarət Azərbaycan milli komandası Avropa çempionatının seçmə qrup mərhələsində son oyununu keçirib.

"Ölkə.Az"ın məlumatına görə, 5-ci qrupun görüşündə rəqib Norveç yığması olub.

Drammen şəhərindəki "Maryenlist" stadionunda təşkil olunmuş qarşılaşma 1:1 hesablı heç-heçə ilə yekunlaşıb. Bolqarıstanlı referi Volen Çinkov 9-cu dəqiqədə meydan sahiblərinin qapısına penalti təyin edib. Fəhmin Muradbəyli bu şansdan yararlanmağı bacarıb. Lakin qələbə hesabını qorumaq mümkün olmayıb. 76-cı dəqiqədə Leo Ostiqard bərabərlik qolunu vurub.

Beləliklə, Rəşad Sadıqovun baş məşqçi olduğu yığma qrupu 10 oyundan 3 xalla sonuncu pillədə başa vurub. Xallarını 15-ə çatdıran Norveç isə qrupu ikinci yerdə tamamlayıb və "play-off"a vəsiqə şanslarını qoruyub.

Qrupun digər oyunlarında İsrail Kosovoya 3:0, Almaniya İrlandiyaya 2:0 hesabı ilə qalib gəlib.

Ötən ay Bakıda keçirilmiş görüşdə Azərbaycan Norveçə uduzmuşdu - 1:3.

Ölkə.Az

ŞƏRH YAZ
0

“Yuventus” “Milan”a qalib gəldi, Superkuboka sahib oldu — Video

“Yuventus” “Milan”a qalib gəldi, Superkuboka sahib oldu
01:19
Bu gün
52
İdman
A
Səudiyyə Ərəbistanının Ciddə şəhərində "Yuventus" və "Milan" komandaları arasında İtaliya Super Kuboku uğrunda görüş keçirilib.

“Ölkə.Az” xəbər verir ki, gərgin keçən qarşılaşmada yeganə qolu 61-ci dəqiqədə Kriştianu Ronaldu vurub.

 "Yuventus" – "Milan" - 1:0

Qol: 1:0 – Ronaldu – 61

"Qoca Sinyora" tarixində 8-ci dəfə İtaliya Super Kubokunu qazanıb. Ronaldu isə yeni komandasında ilk tutula sahib olub.

Ölkə.Az

ŞƏRH YAZ
0

“Real”ın qapıçısı İngiltərə klubunda

“Real”ın qapıçısı İngiltərə klubunda
00:37
Bu gün
84
İdman
A
İspaniyanın “Real Madrid” klubunun qapıçısı Kiko Kasilya karyerasını İngiltərə Çempionşp təmsilçisi “Lids Yunayted” komandasında davam etdirəcək.

“Ölkə.Az” xarici KİV-ə istinadən xəbər verir ki, 32 yaşlı qolkiper tibbi müayinədən keçmək üçün İngiltərəyə gedib. Klublar arasında razılığa əsasən,  "Real" bu transferdən pul almayacaq. Ancaq  qapıçının maaşı əvvəlki kimi qalacaq.

Qeyd edək ki, K.Kasilya cari mövsüm heç bir matçda oynamayıb.

Ölkə.Az

ŞƏRH YAZ
0
BAĞLA