Azərbaycanla Çin arasında ticarət dövriyyəsi 1,3 milyard olub

Azərbaycanla Çin arasında ticarət dövriyyəsi 1,3 milyard olub
18:33
10.10.2018
750
İqtisadiyyat
A
İqtisadiyyat naziri Şahin Mustafayev Çinin Azərbaycandakı səfiri Vey Cinhua ilə görüşüb.

İqtisadiyyat Nazirliyindən "Ölkə.Az"a verilən məlumata görə, görüşdə nazir Azərbaycanda Çinlə əməkdaşlığa böyük önəm verildiyini, ölkələr arasında əlaqələrin uğurla inkişaf etdiyini diqqətə çatdırıb. Onun sözlərinə görə, 2017-ci ildə iki ölkə arasında ticarət dövriyyəsinin dəyəri 1,3 mlrd. ABŞ dolları olub. Bununla belə ticarət dövriyyəsinin artırılması üçün böyük imkanlar var.

Ş.Mustafayev qeyd edib ki, hazırda Pekində Azərbaycanın Ticarət Nümayəndəliyi fəaliyyət göstərir. Bu ilin sentyabrında Çinin Lucou şəhərində açılmış Azərbaycan Ticarət Evi iki ölkə arasında iqtisadi-ticarət əlaqələrinin genişlənməsi ilə yanaşı, Çində Azərbaycan məhsullarının tanıdılmasına, mədəniyyət və turizm sahəsində əməkdaşlığa töhfə verəcək. Bununla yanaşı, Azərbaycanın xarici ölkədə ilk şərab evi də Çinin Urumçi şəhərində açılıb. Bildirilib ki, Şanxayda da Azərbaycan Ticarət və Şərab evlərinin açılması nəzərdə tutulur. Bütün bunlar isə Çinlə ticarət əlaqələrinin genişlənməsinə töhfə verəcək.

Görüşdə bu ilin 5-10 noyabr tarixlərində Şanxayda keçiriləcək Birinci Beynəlxalq İdxal Sərgisi barədə fikir mübadiləsi aparılıb. Bildirilib ki, Sərgidə iştirak məqsədi ilə Azərbaycan nümayəndə heyəti Çinə səfər edəcək. Sərgidə Azərbaycan kənd təsərrüfatı və qida sənayesi, xidmət sahəsi üzrə 2 stendlə təmsil olunacaq. 300 kv.m sahəni əhatə edəcək pavilyonda Azərbaycanın 30-dan çox şirkətinin məhsul və xidmətlərinin nümayiş olunması nəzərdə tutulur. Səfər şərçivəsində həmçinin Çin rəsmiləri ilə iqtisadi əməkdaşlığın genişləndirilməsi perspektivləri müzakirə olunacaq.

Çinlə tranzit daşımaları, logistika, ticarət, investisiya, turizm və humanitar sahələrdə əlaqələrin inkişaf etdiyini qeyd edən iqtisadiyyat naziri Azərbaycan-Çin iqtisadi əməkdaşlığının daha da genişləndirilməsi imkanlarını diqqətə çatdırıb. Görüşdə həmçinin, Transxəzər nəqliyyat dəhlizinin üstünlükləri barədə məlumat verilib və Çində bu dəhlizin imkanlarının təşviqinin genişləndirilməsinin önəmi qeyd edilib.

V.Cinhua ölkəsinin Azərbaycanla əlaqələrin inkişafında maraqlı olduğunu bildirib, əməkdaşlığın inkişaf perspektivləri barədə fikirlərini bölüşüb.

ŞƏRH YAZ
0

Azərbaycan nefti ucuzlaşdı

Azərbaycan nefti ucuzlaşdı
11:37
Bu gün
135
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 0,86 ABŞ dolları və yaxud 1,34% azalıb.

"Ölkə.Az" xəbər verir ki, “Azeri Light” markalı neftin bir barelinin qiyməti 63,35 dollar təşkil edib.

Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.

Ölkə.Az

ŞƏRH YAZ
0

Dollar və manatın bugünkü məzənnəsi

Dollar və manatın bugünkü məzənnəsi
09:41
Bu gün
216
İqtisadiyyat
A
Azərbaycan Mərkəzi Bankı 18 iyun tarixinə olan valyuta məzənnələrini açıqlayıb.

Mərkəzi Bankdan "Ölkə.Az"a verilən məlumata görə, bu gün ABŞ dollarının rəsmi məzənnəsi 1,7000 manat təşkil edir. 

Manata nəzərən avronun məzənnəsi 1.9097 manat, 1 türk lirəsi 0.2896 manat, 1 rus rublu 0.0264 manat, 100 İran rialı 0.0040 manat, 1 gürcü larisi isə 0.6164 manatdır. 

Ölkə.Az

ŞƏRH YAZ
0
BAĞLA