“Azərbaycanla imzalanması planlaşdırılan saziş yeni imkanlar açacaq” — Aİ səfiri

“Azərbaycanla imzalanması planlaşdırılan saziş yeni imkanlar açacaq”
12:15
15.05.2019
1233
Siyasət
A
“Brüsseldə ikigünlük hadisələr marafonu – “Şərq Tərəfdaşlığı” Proqramının 10 illiyinə həsr olunmuş və dövlət başçılarının, Xarici İşlər nazirlərinin, vətəndaş cəmiyyətlərinin nümayəndələrinin və KİV-in iştirakı ilə keçirilən konfrans və görüşlər başa çatdı. İştirakçıların hamısı bir çox sahələrdə irəliləyişlər olduğunu deyiblər və biz bunu rəqəmlərdə də ifadə edə bilərik”.

"Ölkə.Az" Report-a istinadən xəbər verir ki, bunu Avropa İttifaqının (Aİ) Azərbaycandakı səfiri Kestutis Yankauskas “Şərq Tərəfdaşlığı”nın 10 illik yubileyi münasibətilə Brüsseldə keçirilən tədbirlərin yekunlarını şərh edərkən bildirib. 

“Əməkdaşlığımız nə qədər dərinləşərsə, bir o qədər çox yeni imkanlar və sahələr açılacaq və bu da gələcək işlərə daha yaxşı meyillənməyə yardım edir”, – səfir qeyd edib. 

Onun sözlərinə görə, “Şərq Tərəfdaşlığı” həm ikitərəfli, həm də çoxtərəfli əməkdaşlığa imkan yaradır: “Konfransın bağlanışında Avropa İttifaqının komissarı Yohannes Hannın qeyd etdiyi kimi, yaxın bir neçə il ərzində yəqin ki, daha çox “Şərq Tərəfdaşlığı” ölkələrinin öz aralarında, o cümlədən ticarət və rəqəmsal iqtisadiyyat sahələrində əlaqələrdən daha çox istifadə etmələrinə diqqət yetirəcəyik. İmkanlar çoxdur”. 

K.Yankauskas vurğulayıb ki, “Şərq Tərəfdaşlığı” Proqramının 10 illiyi münasibətilə keçirilən yüksək səviyyəli konfrans uğurlu keçib və orada gələcək əməkdaşlıqla bağlı gənclər tərəfindən çoxlu təkliflər irəli sürülüb: “Əlbəttə, təhsil bizim prioritetimiz olaraq qalacaq”. 

O diqqətə çatdırıb, Azərbaycan ilə Avropa İttifaqı arasındakı münasibətlər həmçinin Prezident İlham Əliyevin Brüsseldə Avropa Şurasının sədri Donald Tusk ilə görüşündə də müzakirə olunub:

“Yeni saziş, həmçinin aviasiya sazişi üzrə hələ qalmış işlər müzakirə edilib. İşi davam etdirməliyik. Ümidvaram ki, bunu ən yaxın zamanda tamamlayacağıq, nə tempimizi, nə də istəyimizi azaltmayacağıq. Çünki onlar (sazişlər) yeni imkanlar açacaq”. 

Ölkə.Az

ŞƏRH YAZ
0

“Rusiya ilə danışıqlar Türkiyə üçün qənaətbəxş olmadı” — Ərdoğanın sözçüsü

“Rusiya ilə danışıqlar Türkiyə üçün qənaətbəxş olmadı”
23:48
18.02.2020
674
Siyasət
A
“İdlibdə müşahidə məntəqələrimizin yerinin dəyişdirilməsi Türkiyə üçün günün müzakirə mövzusu deyil”.

"Ölkə.Az" APA-ya istinadən xəbər verir ki, Türkiyə Prezidentinin sözcüsü İbrahim Qalın bu gün Türkiyə Prezidenti Rəcəb Tayyib Ərdoğanın başçılığı ilə keçirilən toplantıdan sonra keçirdiyi mətbuat konfransında bu fikirləri səsləndirib. 

Toplantının əsas gündəminin Suriya mövzusu olduğunu bildirən İbrahim Qalın deyib ki, rusiyalı diplomatik heyətlə Türkiyə tərəfinin apardığı son danışıqlardan rəsmi Ankaranı qane edəcək nəticələr olunmayıb: “Bizə təqdim edilən xəritə və bəzi kağızları qəbul etmədik. İdlibi və bögədəki insanları qorumaq üçün əraziyə hərbi güclərimizin göndərilməsi və hərbi fəaliyyətimiz davam edəcək. Çünki Türkiyə sərhədlərinə köç axını davam edərkən biz buna tamaşaçı qala bilmərik. Hərbi qüvvələrimizə hər hansı şəkildə hücumlar bir daha təkrarlanarsa, biz yerindəcə və yetərincə cavabını verəcəyik”.

Prezident sözçüsü deyib ki, Suriya mövzusunda Türkiyənin əsas istəyi Soçi razılaşmasının şərtlərinə əməl olunmasıdır.

Qeyd edək ki, İ.Qalın gələn həftə 24-25 fevralda Bakıda Türkiyə-Azərbaycan Yüksək Səviyyəli Strateji Tərəfdaşlıq Şurasının iclasının keçirilməsilə əlaqədar Rəcəb Tayyib Ərdoğanın Azərbaycana səfər hazırlıqları ilə bağlı toplantıda müzakirələrin olduğunu da qeyd edib.

Ölkə.Az

ŞƏRH YAZ
0

Türkiyə və Rusiya heyətləri yenə bir araya gəldi — İdlib böhranı bitəcəkmi?

Türkiyə və Rusiya heyətləri yenə bir araya gəldi
22:35
18.02.2020
807
Siyasət
A
Türkiyə və Rusiya heyətləri Suriyanın İdlib Gərginliyi Azaltma Bölgəsindəki vəziyyəti müzakirə etmək üçün paytaxt Moskvada fevralın 18-də olan görüşləri 2 saat davam edib.

"Ölkə.Az" "TRT Azərbaycan"a istinadən xəbər verir ki, Türkiyə heyətinə Türkiyə xarici işlər nazirinin müavini Sedat Önal, Rusiya heyətinə isə Rusiyanın xarici işlər nazirinin müavini Sergey Verşinin və Rusiyanın Suriya üzrə xüsusi nümayəndəsi Aleksandr Lavrentyev başçılıq edib.

Xatırladaq ki, fevralın 17-də də İdlib məsələsi müzakirə olunub. Türkiyənin nümayəndə heyəti sahədəki gərginliyi tez bir zamanda azaltmağın və humanitar vəziyyətin daha da pisləşməsinin qarşısını almağın vacibliyini vurğulayıb. Görüşdə İdlibdə Soçi razılaşmasını tam şəkildə yerinə yetirmək və pozuntuların qarşısını almaq üçün görüləcək tədbirlər də müzakirə olunub.

Ölkə.Az

ŞƏRH YAZ
0
BAĞLA