Azərbaycanla Türkiyə arasında hərbi sahədə daha bir sənəd müzakirə edildi

Azərbaycanla Türkiyə arasında hərbi sahədə daha bir sənəd müzakirə edildi
13:05
14.09.2018
2255
Siyasət
A
Azərbaycanla Türkiyə arasında hərbi sahədə daha bir sənəd müzakirə edilib.

"Ölkə.Az"ın Trend-ə istinadən məlumatına görə, Milli Məclisinin Beynəlxalq münasibətlər və parlamentlərarası əlaqələr komitəsinin bu gün keçirilən iclasında “Azərbaycan Respublikası Hökuməti ilə Türkiyə Respublikası Hökuməti arasında şəxsi heyətin mübadiləsinə dair” protokolun təsdiq edilməsi müzakirəyə çıxarılıb.

Komitə sədri Səməd Seyidov bildirib ki, bu protokol Azərbaycan ilə Türkiyə arasında hərbi əməkdaşlığın inkişafına mühüm töhfə verəcək.

İclasda həmçinin “Azərbaycan Respublikası Hökuməti ilə Türkiyə Respublikası Hökuməti arasında mədəniyyət mərkəzlərinin təsis olunması, iş mexanizmi və fəaliyyətləri” haqqında sazişin təsdiq edilməsi müzakirəyə çıxarılıb.

Hər iki sənəd Milli Məclisin plenar iclasına tövsiyə edilib.

ŞƏRH YAZ
0

"Böhran vəziyyətimizdə Azərbaycan və Türkiyə yanımızda olub" — Gürcü general

14:00
Bu gün
388
Siyasət
A
"Regionda təhdidlərin artması müşahidə olunur. Odur ki, səylərimizi birləşdirərək bu problemləri aradan qaldırmağa nail ola bilərik".

"Ölkə.Az" xəbər verir ki, bunu Gürcüstan Silahlı Qüvvələrinin Baş Qərargah rəisi, general-mayor Vladimer Çaçibaia Azərbaycan- Gürcüstan-Türkiyə hərbi rəhbərlərinin Bakıda keçirilən 3-cü üçtərəfli görüşünün yekunlarına dair mətbuat konfransında deyib.

O bildirib ki, Azərbaycan və Türkiyə hər zaman Gürcüstanın ərazi bütövlüyünü dəstəkliyib: "Biz hər zaman xatırlayırıq ki, böhran vəziyyətimizdə Azərbaycan və Türkiyə yanımızda olub. Bizim üçtərəfli əməkdaşlığımız çox vacibdir. Əməkdaşlığımız əsas etibarı ilə regionda sabitliyin qorunmasını özünə əks etdirir".

Vladimer Çaçibaia əlavə edib ki, Azərbaycan, Türkiyə və Gürcüstan orduları aktiv şəkildə birgə təlimlər keçirəcək: "O təlimlər ki, bizim hərbi qulluqçularımız arasında təcrübə mübadiləsi yönündə xüsusi əhəmiyyətə malikdir. Eyni zamanda təhsil, idman sahəsində əməkdaşlıq edəcəyik".

Ölkə.Az

ŞƏRH YAZ
0

Ramiz Mehdiyev və Fuad Ələsgərov Moskvada MDB-nin tədbirində — FOTO

Ramiz Mehdiyev və Fuad Ələsgərov Moskvada MDB-nin tədbirində
13:51
Bu gün
248
Siyasət
A
Moskvada MDB dövlətləri təhlükəsizlik şuraları katiblərinin VI görüşü keçirilir.

"Ölkə.Az" xəbər verir ki, iclasda Azərbaycanı Prezident Administrasiyasının rəhbəri Ramiz Mehdiyev və Prezidentin hüquq-mühafizə orqanları ilə iş və hərbi məsələlər üzrə köməkçisi - şöbə müdiri Fuad Ələsgərov təmsil edir. Təhlükəsizlik şuralarının katibləri terrorçuluq fəaliyyətinin maliyyələşdirilməsinin qarşısının alınması, o cümlədən cinayət yolu ilə əldə edilmiş gəlirlərin leqallaşdırılmasına qarşı mübarizə üzrə birgə işin istiqamətlərini müzakirə edirlər. Görüşün gündəliyinə MDB məkanında regional təhlükəsizliyin təmin edilməsi, təhlükəsizlik şuraları xətti ilə beynəlxalq əməkdaşlıq sahəsində digər aktual məsələlər də daxil edilib.

Rusiya Federasiyası Təhlükəsizlik Şurasının katibi Nikolay Patruşev görüşdə çıxış edərək deyib ki, gündəliyə MDB üzvü olan dövlətlər üçün ümumi xarakter daşıyan və qarşılıqlı maraq doğuran təhlükə və çağırışlarla bağlı problemlər daxildir. N.Patruşev vurğulayıb ki, 2017-ci ildə belə bir görüş keçiriləndən bəri MDB ölkələri Əfqanıstan-Pakistan sərhədində və Yaxın Şərqdə “İslam dövləti”, “Əl-Qaidə” və onlarla affilə edilmiş strukturlar ətrafında yaranmış vəziyyət barədə analitik informasiya mübadiləsi aparıblar. 

Mərkəzi Asiyada regional tərəfdaşlıq mövzusunun müzakirə edilməsi üçün BMT Təhlükəsizlik Şurası məkanında MDB xarici işlər nazirlərinin görüşləri keçirilib. Antiterroryönümlü komanda-qərargah və praktiki təlimlərin gedişində beynəlxalq terror təşkilatları üzvlərinin fəaliyyətinin qarşısını almaq üzrə birgə tədbirlər sınaqdan keçirilib. Hərbi-texniki əməkdaşlıq daha da inkişaf etdirilir. Görüşdə MDB İcraiyyə Komitəsinin sədri Sergey Lebedev, KTMT-nin Baş katibi səlahiyyətlərini icra edən Valeri Semerikov, MDB üzvü olan dövlətlərin təhlükəsizlik şuralarının, nazirlik, idarə və elmi təşkilatlarının nümayəndələri iştirak edirlər.

Ölkə.Az

ŞƏRH YAZ
0
BAĞLA