Azərbaycanlı aktyoru erməni filminə dəvət etdilər — YAZIŞMANIN FOTOSU

Azərbaycanlı aktyoru erməni filminə dəvət etdilər
11:22
13.10.2017
516
Mədəniyyət
A
Tanınmış aktyor-ssenarist Elsevər Mehdizadəyə erməni rejissor tərəfindən filmə çəkilmək təklifi edilib.

Bu barədə Ölkə.Az-a aktyor özü məlumat verib

"Bir erməni sosial şəbəkə vasitəsilə mənə yazdı. Bildirdi ki, sənin istedadını bəyəndiyim üçün filmimizə çəkilməyini istəyirəm. Hətta dedi ki, ssenari də hazırdır. Təbii ki, mən bu təklifdən imtina etdim. Çünki mənim dövlətimin ərazi bütövlüyünü tanımayan dövlətin, xalqın istənilən nümayəndəsi mənimçün düşməndir".

Qeyd edək ki, Elsevər Mehdizadə hazırda "Xəzər" televiziyasında yayımlanan "Ailəcanlı" serialında oynayır.

İntiqam VALEHOĞLU
Ölkə.Az

ŞƏRH YAZ
0

Muğam müsabiqəsi başlayır

Muğam müsabiqəsi başlayır
12:30
21.02.2018
401
Mədəniyyət
A
Təhsil Nazirliyi və Milli Konservatoriyanın birgə təşkilatçılıyla keçiriləcək Beşinci Respublika Muğam Müsabiqəsinin dinləmələri başlayıb.

 Bu barədə "Ölkə.Az"-a müsabiqənin münsiflərindən olan xalq artisti Mənsum İbrahimov məlumat verib:

"Bu, televiziya müsabiqəsi deyil. Mart ayında Beşinci Beynəlxalq Muğam Festivalı başlayır. Buradan seçilən laureatlar beynəlxalq müsabiqədə Azərbaycanımızı təmsil edəcəklər. Bu həmin müsabiqədir ki, tələbələrim Təyyar Bayramov qran pri qazanmışdı, Aytən Məhərrəmova birinci yeri tutmuşdu. Bir sıra xarici dəvətlərim də var. Ancaq hər şey həmin müsabiqənin gedişatından asılıdır. Münsiflər heyətində məndən başqa xalq artistləri Əlibaba Məmmədov, Arif Babayev, Nəzakət Teymurova, Aygün Bayramova, Zabit Nəbizadə və əməkdar artist Aqil Məlikov var. Bu gün Konservatoriyanın böyük zalında növbəti dinləmələr keçiriləcək".

Mənsum İbrahimov sənət yeniliklərindən də söz açıq. Qeyd edib ki, yeni albomu bu yaxınlarda işıq üzü görəcək:

"İki yeni mahnım var. Novruz bayramına qədər yazdırmaq istəyirəm ki, bayramda yeni mahnılarla çıxış edim. Həm də bu iki mahnı yeni albomuma daxil ediləcək. Səkkiz mahnı hazırdı, dediyim iki mahnı da yazılandan sonra albom işıq üzü görəcək".

İntiqam VALEHOĞLU
Ölkə.Az

ŞƏRH YAZ
0

Şəmistan Əlizamanlıdan Afrin əməliyyatına dəstək — VİDEO

Şəmistan Əlizamanlıdan Afrin əməliyyatına dəstək
23:48
19.02.2018
722
Mədəniyyət
A
Türkiyə Ordusunun Suriyanın Afrin bölgəsində terrorçulara qarşı keçirdiyi hərbi əməliyyatlara daha bir dəstək hərbi-vətənpərvərlik mahnılarının ifaçısı Şəmistan Əlizamanlıdan gəlib.

"Ölkə.Az" "XəzərTV"yə istinadən bildirir ki, keçmiş hərbi diktor, hərbi-vətənpərvərlik mahnılarının ifaçısı Şəmistan Əlizamanlı Afrin əməliyyatlarında iştirak edən hərbçilərə dəstəyini musiqi ilə bildirib.

Şəmistan Əlizamanlı Əhməd Cavadın 100 il əvvəl Qafqaz İslam Ordusuna həsr etdiyi "Ey Əsgər" şeirinə musiqi bəstələyib. Mahnının adını isə "Yürüyün əsgərlər, yürüyün" qoyub.

İfaçının "Yürüyün əsgərlər, yürüyün" mahnısı qardaş ölkədə böyük rəğbətlə qarşılanıb. Hətta Türkiyənin bir neçə məşhur telekanalı bu mahnıya aid süjet hazırlayıb.

Şəmistan Əlizamanlı deyib ki, qardaş Türkiyə Ordusuna dəstəyini bununla bitirmək fikri yoxdur. O, Afrində döyüşən əsgərlər qarşısında konsert proqramı ilə çıxış etmək niyyətindədir.

Ölkə.Az

ŞƏRH YAZ
0
BAĞLA