Azərbaycanlı alim Mendeleyev cədvəlini modernləşdirdi — AÇIQLAMA

Azərbaycanlı alim Mendeleyev cədvəlini modernləşdirdi
16:58
06.12.2018
5133
Ölkə
A
Bakıda fəaliyyət göstərən Fizika, riyaziyyat və informatika təmayüllü liseyin kimya müəllimi, texnika elmləri üzrə fəlsəfə doktoru Firudin Quliyev Mendeleyev cədvəlinin yeni tərtibatını hazırlayıb.

Bu barədə "Ölkə.Az"a açıqlamasında Firudin Quliyev özü məlumat verib. 

O, deyib ki, bu yenilik Kimya dərslərində şagirdlərin kimyəvi elementlər bəhsini və atomun quruluşu bəhsini öyrənməkdə əyani vəsait olmaqla yanaşı həmçinin Kimya ilə maraqlanan geniş oxucu kütləsinin köməyinə çatacaq. 

Onun sözlərinə görə, cədvəl respublika kimyaçıları tərəfindən rəğbətlə qarşılanıb, respublika məktəblərindən çoxlu sayda müsbət rəylər yazılıb:

"Eyni zamanda Bakı Dövlət Universiteti və AMEA-dan ayrı-ayrı şəxslərdən rəylər yazılaraq orta məktəbdə istifadə edilməsi üçün Təhsil Nazirliyinə tövsiyə edilib. Bu həmçinin Kurikulum jurnalının (2014 N:1) səhifələrində də  işıqlandırılıb. Hazırda sözügedən cədvəl Bakı Dövlət Universitetinin otaqlarında da asılıb". 

F.Quliyev həyata keçirdiyi yeniliyin Azərbaycan Respublikası Müəllif Hüquqları Agentliyi tərəfindən təsdiq olunduğunu bildirib:

"Bu yeniliyin beynəlxalq səviyyədə tanıdılması üçün çalışacam. Artıq həyata keçirdiyim bu yeniliklə bağlı Rusiyanın "Rusiya" və "Avropa-Asiya" elmi jurnallarında mütəxəssislər tərəfindən müsbət rəy alınaraq dərc edilib". 

O əlavə edib ki, bu ideya onda şagirdlərin Mendeleyev cədvəlindən istifadədə çətinlik çəkməsindən sonra yaranıb:

"Gördüm ki, şagirdlər çox çətinliklər çəkirlər. Mən də düşünüb belə bir yenilik etdim".

Vasif Həsənli
Ölkə.Az

ŞƏRH YAZ
0

Ramil Usubov polkovnik-leytenantı işdən çıxardı

Ramil Usubov polkovnik-leytenantı işdən çıxardı
10:43
Bu gün
96
Ölkə
A
Daxili işlər orqanlarında kadr dəyişikliyi olub.

"Ölkə.Az"ın oxu.az-a istinadən məlumatına görə, Xətai rayon Polis İdarəsi rəisinin xidmət üzrə müavini, polis polkovnik-leytenantı Şahin Məmmədov vəzifəsindən azad edilib.

Bu barədə müvafiq əmri Daxili İşlər naziri, general-polkovnik Ramil Usubov imzalayıb. 

Hələlik onun yerinə təyinat yoxdur.

Ölkə.Az

ŞƏRH YAZ
0

8758 nəfər magistr imtahanı verəcək

8758 nəfər magistr imtahanı verəcək
10:31
Bu gün
191
Ölkə
A
Dövlət İmtahan Mərkəzi mayın 26-da 2019/2020-ci tədris ili üçün Azərbaycanın ali təhsil müəssisələrinin və AMEA-nın magistraturalarına qəbul imtahanının ikinci mərhələsini keçirəcək.

Mərkəzdən "Ölkə.Az"a verilən məlumata görə, imtahan Bakı, Naxçıvan və Gəncə şəhərlərində, ümumilikdə 27 binada aparılıcaq. 

Bakalavrlar imtahanda iştirak etmək üçün DİM-in internet saytına daxil olaraq istifadəçi adı və paroldan istifadə etməklə “Bakalavrın imtahana buraxılış vərəqəsi”ni çap etməlidirlər. Burada bakalavrların imtahan verəcəyi şəhər, bina və digər zəruri məlumatlar qeyd olunur. 

İmtahan bütün binalarda eyni vaxtda – saat 11:00-da başlayır və sualların cavablandırılmasına 1 saat 30 dəqiqə vaxt ayrılır. İmtahanın başlanmasına 15 dəqiqə qalmış saat 10.45-də buraxılış rejimi başa çatır. Bundan sonra gələn iştirakçılar imtahan binasına buraxılmır. İmtahan binasına buraxılış vərəqəsində qeyd olunan vaxtda gəlmək lazımdır. 

Bəzi imtahan binalarına giriş zamanı imtahan iştirakçılarının şəxsiyyətini dəqiqləşdirmək məqsədi ilə “Face Recognition” (üzün tanınması) texnologiyasına əsaslanan proqram-texniki vasitələrdən istifadə olunacaq. Bu texnologiyanın tətbiq edilməsində əsas məqsəd bakalavrların imtahan binasına buraxılış rejimini daha surətli həyata keçirmək və qeydiyyatdan keçmiş bakalavrların əvəzinə başqa bir şəxsin imtahan binasına daxil olmasının qarşısını almaqdır. 

Bakalavrlar imtahana gələrkən aşağıda göstərilən sənədləri mütləq özləri ilə gətirməlidirlər: 

• Şəxsiyyəti təsdiq edən sənədin əslini; 

• “Bakalavrın imtahana buraxılış vərəqəsi”ni. 

Göstərilən sənədlər arasında uyğunsuzluq olarsa, yaxud həmin sənədlərdən biri olmazsa, bakalavr imtahana buraxılmayacaq. 

İkinci mərhələdə bakalavrlara seçdikləri proqram üzrə 5-i açıq tipli olmaqla 50 test tapşırığı təqdim olunur (bəzi proqramlar üzrə isə bakalavrlar yazılı, bəziləri üzrə qabiliyyət imtahanı verəcəklər). Hər düzgün cavab bir balla qiymətləndirilir, səhv cavablar düzgün cavabların nəticəsinə təsir göstərmir. 

Qəbul imtahanının birinci mərhələsinin nəticələrinə görə müsabiqə şərtlərini ödəyən bakalavrların proqram seçimi aprelin 26-dan mayın 7-dək aparılıb və 8758 nəfər qəbul proqramını seçərək təsdiqləyib. Onlardan 8012 nəfəri Azərbaycan bölməsi, 746 nəfəri rus bölməsi üzrə imtahan verəcək. Bakalavrların 3803 nəfərini oğlanlar, 4955 nəfərini qızlar təşkil edir. 5575 nəfər ali təhsil müəssisələrinin builki, 3183 nəfər isə əvvəlki illərin məzunlarıdır. 16 bakalavr xarici ölkə vətəndaşıdır. 

İmtahanın idarə olunmasına 27 ümumi imtahan rəhbəri, 86 imtahan rəhbəri, 818 nəzarətçi-müəllim, 64 buraxılış rejimi əməkdaşı ayrılıb. Hazırda imtahan keçiriləcək şəhərlərdə imtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə təlim-seminarlar keçirilir. İmtahan mərkəzlərinə təhlükəsizliyin təmin edilməsi məqsədilə imtahandan bir gün əvvəl DİM əməkdaşlarının iştirakı ilə baxış keçiriləcək və bütün imtahan zalları, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarına mühafizə üçün təhvil veriləcək. 

ŞƏRH YAZ
0
BAĞLA